شیخ القراء قاری محمد ادریس العاصم﷾سے ملاقات

[ساجد]

رشد: حضرت عثمان﷜ نے کیا کام کیا تھا؟
شیخ: حضرت عثمان﷜نے ایسے رسم پر قرآن کولکھوایا تھا کہ جن پر وہ تمام اختلافات ،جو نبیﷺسے ثابت ہیں سارے منطبق ہوں یعنی وہ جمع رسمی تھی۔

 

[ساجد]

رشد:جو پہلے مصاحف لکھے جاچکے تھے کیاوہ رسم کے مطابق نہ تھے اگر ہم کہتے ہیں کہ رسم توقیفی ہے تو پھر حضرت عثمان﷜ نے کیا کام کیا تھا؟
شیخ: اس میں دو مذہب ہیں۔ہمارے پاکستانی مشائخ قاری اظہار احمد﷫ وغیرہ کا کہنا تھاکہ حضرت ابوبکر صدیق﷜نے جو مصاحف لکھوائے ہیں وہ صرف قرآن کو ایک جگہ جمع کرنے کے لیے تھے۔ لیکن سعودیہ کے مشائخ رسم عثمانی کی موافقت کرتے تھے، لیکن یہ مصحف عام نہیں ہوا تھا بلکہ حضرت ابوبکر﷜ کے پاس رہا پھر حضرت عمر﷜ کے پاس رہا اس کے بعد حضرت حفصہ رضی اللہ عنہا کے پاس چلا گیا۔ پھر حضرت عثمان﷜نے لوگوں کو جمع کرکے کہا کہ وہ لوگ کھڑے ہوجائیں جن کے سامنے رسول اللہﷺنے ’’أنزل القرآن علی سبعۃ أحرف‘‘ فرمایا ہے تو لا تعداد لوگ کھڑے ہوگئے۔ پھر انہوں نے جومصاحف لکھوائے وہ ایسے مصاحف تھے جن پر باقاعدہ قراء ات منطبق ہوتی تھیں۔حضرت عثمان﷜ نے صرف یہ کام کیا ہے کہ حضرت عمر﷜ کے مصحف سے نقل کیا ہے۔یعنی انہوں نے نقلیں تیار کی ہیں جسے موجودہ دور میں ہم فوٹو کاپی کا نام دیتے ہیں۔

 

[ساجد]

رشد: پھر اسے رسم عثمانی کہنے کی کیا وجہ ہے؟
شیخ: یہ کام چونکہ ان کے زمانے میں ہوا ہے اس لیے اسے یہ نام دیاگیا۔

 

[ساجد]

رشد: کیا رسم الخط توقیفی ہے؟ اگر توقیفی ہے تو اس میں اختلاف کیاہے؟
شیخ: رسم الخط توقیفی ہے اور اختلاف صرف وہ لوگ کرتے ہیں جو جانتے نہیں ہیں۔

 

[ساجد]

رشد: کیا قرآن خبر واحد سے ثابت ہوسکتا ہے؟
شیخ:اس کے لیے قطعیت ضروری ہے۔

 

[ساجد]

رشد: قرآن اور قراء ات ایک چیز ہیں یا دو مختلف چیزیں؟
شیخ: قرآن اور قراء ات ایک ہی چیز ہیں۔

 

[ساجد]

رشد: منکر قراء ات کا کیا حکم ہے؟
شیخ: منکر قراء ات قرآن کا منکر ہے لہٰذا وہ کافر ہے۔

 

[ساجد]

رشد: قراء اتِ شاذۃ کا کیا حکم ہے؟
شیخ: قراء اتِ شاذۃ کے بارے قرآنیت کا اعتقاد رکھنا ضروری نہیں ہے۔ البتہ مسائل کے استنباط میں اس کو لیا جاسکتا ہے۔

 

[ساجد]

رشد: موجودہ قراء ات کل سبعہ احرف ہیں یا سبعہ احرف کا بعض حصہ ہیں؟
شیخ: موجودہ قراء ات کل سبعہ اَحرف ہیں۔نبی کریمﷺکے عرضہ اخیرہ میں جو منسوخ کی گئی ہیں ان کے علاوہ سب موجود ہیں۔

 

[ساجد]

رشد: بعض ائمہ قراء ات پر محدثین نے جرح کی ہے۔ اس جرح کے باوجود کیا وہ اس مقدس کلام کو نقل کرسکتے ہیں؟
شیخ: محدثین نے ان کے حدیث کے حوالے سے جرح کی ہے۔ قرآن میں ان کی ثقاہت متفق علیہ ہے۔