ظلمت شب

[نسرین فاطمہ]

ظلمت شب ہے پھیلی ہوئ چار سو
تم بضد ہو کہ میں اس کو سویرا کہوں
میں جب اندھا نہیں ہوں تو اس کے سوا
اور چارہ ہے کیا تم کو جھوٹا کہوں

رہنمائی کا پرچم لئے ہاتھ میں
کاررواں کو جو لوٹے اسے کیا کہوں
خوف کھا کھا کراسے رہنما مان لوں
کیا یہ ممکن ہے چپ چاپ کٹتا رہوں

میں تھا پیاسا صحرا مجھے دور سے
بہتے دریا کی صورت دکھائی دیا
یہ صورت حال ہے اب میرے سامنے
تپتے صحرا کو میں کیسے دریا کہوں

جو ملا مجھ کو ہمدرد بن کر ملا
میرے دل کا مگر درد بڑھتا گیا
آج تک فیصلہ میں نہ یہ کرسکا
غیر کس کوکہوں ؛کس کو اپنا کہوں

میں ہوں گھائل محبت کی تلوار کا
موت ہی زندگی کا نشان بن گئی
تم کہومنصفوں،اپنے قاتل کو میں
اپنا قاتل کہوں یا مسیحا کہوں ۔

 

[فرحان اشرف]

بہت خوب

 

[عابدالرحمٰن]

بہت خوب
جزاک اللہ خیراً

 

[محمد آصف مغل]

بہت خوب سسٹر بہت خوب۔
کیا ترجمانی کی ہے آپ نے حالات حاضرہ میں پستے ہوئے کردار کی۔
اللہ کرے زورِ قلم اور زیادہ