عصر حاضر میں قیامِ خلافت کا عملی طریقہ کار

[راجا]

بسم اللہ الرحمٰن الرحیم
السلام علیکم ورحمتہ اللہ وبرکاتہ،

گزشتہ دنوں جمہوریت و خلافت کے تعلق سے کافی کچھ پڑھنے کو ملا۔ یہاں تک کسی کو اختلاف نہیں کہ جمہوریت اسلامی نظام نہیں ہے اور شرعی نظام بہرحال خلافت ہی کا نظام ہے۔ ہمارا ملک اسلامی ہونے کے باوجود یہاں نہ تو سیاسی نظام اسلامی ہے، نہ عدالتی و قانونی، نہ تعلیمی۔ پینسٹھ سالوں میں اب تک ہم سودی نظام سے چھٹکارا نہیں پا سکے ہیں۔ خیر، موجودہ موضوع دراصل ایک دوسرے موضوع ووٹ دیں یا نہ دیں: ایک لاجیکل سوال؟ میں کی جانے والی حافظ طاہر اسلام عسکری صاحب کی پوسٹ کی بنیاد پر شروع کیا گیا ہے۔

مقصد یہ ہے کہ ہم عام آدمی کے نکتہ نظر سے دیکھیں کہ آج خلافت کی عملی جدوجہد میں اس کا کیا کردار ہے؟ اور میں بطور عام آدمی ایسے کون سے کام کروں کہ جن سے مستقبل میں اسلامی نظام خلافت کا قیام ممکن ہو سکے۔

حافظ طاہر اسلام عسکری اور محمد عاصم سے خصوصی توجہ کی درخواست ہے۔

اور دیگر اراکین سے گزارش ہے کہ اس موضوع میں کاپی پیسٹنگ سے گریز کریں۔ ہمیں یہاں نظریاتی بحث سے بچتے ہوئے فقط عملی طریق کار پر غور کرنا ہے۔

 

[فیض اللہ]

خلافت جہاد کے ذریعے قائم ہو گی اسکی دلیل یہ حدیث ہے"من قاتل لتکون کلمۃ اللہ ھی العلیا فھو فی سبیل اللہ "صحیح بخاری- ترجمہ ’’جو اللہ تعالیٰ کے کلمہ کی سر بلندی کےلئے لڑا وہ فی سبیل اللہ (اللہ کی راہ میں )ہے ‘‘- اس حدیث کا صاف مطلب ہے کہ اللہ کا کلمہ بلند کرنے کے لیے قتال کرنا پڑتا ہے

 

[عکرمہ]

موجودہ دور میں خلافت کے عملی طریقہ کار کے باب میں پہلی بنیادی بات تو یہ ہے کہ’’منہج نبویﷺ‘‘کا التزام۔۔۔نبوی طریق کار ہی اسلامی انقلاب کا اصل منہج اورراستہ ہے۔
’’منہج نبوی‘‘اور عصر حاضر میں اسکی عملی مطابقت کی کیا صورت ہونی چاہیے؟
حافظ طاہر اسلام بھائی اس سلسلے میں بھائیوں کی رہنمائی کریں

 

[کنعان]

السلام علیکم

پینسٹھ سالوں میں اب تک ہم سودی نظام سے چھٹکارا نہیں پا سکے ہیں۔

گزارش ہے کہ اس موضوع میں کاپی پیسٹنگ سے گریز کریں۔ ہمیں یہاں نظریاتی بحث سے بچتے ہوئے فقط عملی طریق کار پر غور کرنا ہے۔

خلافت جہاد کے ذریعے قائم ہو گی اسکی دلیل یہ حدیث ہے"من قاتل لتکون کلمۃ اللہ ھی العلیا فھو فی سبیل اللہ "صحیح بخاری- ترجمہ ’’جو اللہ تعالیٰ کے کلمہ کی سر بلندی کےلئے لڑا وہ فی سبیل اللہ (اللہ کی راہ میں ) ہے ‘‘- اس حدیث کا صاف مطلب ہے کہ اللہ کا کلمہ بلند کرنے کے لیے قتال کرنا پڑتا ہے

موجودہ دور میں خلافت کے عملی طریقہ کار کے باب میں پہلی بنیادی بات تو یہ ہے کہ’’منہج نبوی صلی اللہ علیہ وسلم‘‘ کا التزام ۔۔۔ نبوی طریق کار ہی اسلامی انقلاب کا اصل منہج اور راستہ ہے۔
’’منہج نبوی‘‘اور عصر حاضر میں اسکی عملی مطابقت کی کیا صورت ہونی چاہیے؟
حافظ طاہر اسلام بھائی اس سلسلے میں بھائیوں کی رہنمائی کریں

قرآن مجید کی آیات اور حدیث مبارکہ پیش کی جا چکی ہیں اور اوپر پہلی کوٹ میں بھی واضع کیا گیا ھے کہ علمی طریق کار سے کنورسیشن کریں اور اس کے مطابق بہتر سلیوشن پیش کریں۔ خلافت قائم ہو گی جب اللہ سبحان تعالی چاہے گا۔ ابھی آپ اس دور میں جمہوریت سے خلافت لانے پر شامل گفتگو ہیں اس پر اگر کہنے کو کوئی خاص بات ھے تو اسے شیئر کریں۔

جیسے آپ نے حدیث مبارکہ پیش کی کہ خلافت جہاد کے ذریعے قائم ہو گی، مگر اس وقت پاکستان میں پرچون کی دکان سے لے کر چیمبر آف کامرس، تمام کاروبار ادھار سود پر۔ وزارت المالیہ جہاں سے تمام سرکاروی اداروں میں تنخواہیں دی جاتی ہیں گلی کا خاکروب سے لے کر چیف آف آرمی سٹاف تک کی تنخواہیں اور اس کے علاوہ اوورآل ساری رولنگ سود پر ھے۔ تھوڑا اور آگے بڑھیں سرکاری اداروں کے تمام ملازمین کو جو ریٹائرڈ ہونے کے بعد پینشن ملتی ھے وہ بھی سود سے ھے اگر اس پر تفصیلی چاہے ہو تو بھی بتا دی جائے گی۔ نیم سرکاری اور پرائیوٹ اداروں میں ریٹائرڈ ہونے پر جو فنڈز اکٹھا کیا ہوتا ھے اس کی تنخواہ سے کاٹ کاٹ کر وہ بھی سود کا حصہ ھے۔ تو پھر آپ بھی اس کا حصہ ہیں اس پر پہلے جہاد کریں اگر کر سکتے ہیں کیا اس پر کوئی سلیوشن ھے آپ کے پاس وہ بتائیں۔

آپ کے کہنے سے (داخلی جہاد جسے انقلاب کہہ لیں) یہ بھی ممکن نہیں اس پر حکومت دفعہ 44 لگا کر سب کو اندر کر دے گی اور گھر والے ذمانتیں کرواتے پھریں گے۔ یہ اس وقت تک ممکن نہیں جب تک تمام دینی جماعتیں کے سربراہ اکھٹے نہ ہوں اور اس وقت تو دینی مدارس والوں کو وہاں پر پڑھنے والے بچوں کے کھانے پینے اور کتابوں پر فنڈز نہیں پورے ہو رہے اور دوسرا ان کا ملنا بھی مشکل ھے۔

والسلام

 

[عابدالرحمٰن]

السلام علیکم
اسلامی نظام یا دوسرے لفظوں میں ’’خلافت ‘‘ جس طرح شروع اسلام میں شروع ہوا تھا اسی طرح سے اب بھی ممکن ہے۔اور یہ ’’قیل قال ‘‘سے نہیں عمل اور کردار سے ہوگااور ’’جہاد‘‘ سے نہیں ’’اقراء‘‘ سے ہوگا۔غور فرمائیں اسلام کی شروعات ’’اقراء‘‘سے شروع ہوئی۔جہاد تو مجبوراً کیا جاتا ہے شوقیہ نہیں پہلے ہم اپنے عمل و کردار سے اپنے آپ کو لیس کریں۔
یاد رہے ہم جس دور میں سانس لے رہے ہیں یہ بدترین اور خیالی آزادی کا دور ہے دشمنوں نے بہت سوچ سمجھ کر اسلامی نظام کو متاءثر کیا انہوں نے مسلمانوں کے کردار پر حملہ کیا اسلام پر نہیں ۔ان کی اسکیم کے تحت جب مسلمان کردار اور گفتار کا غازی نہیں رہے گا تو ان کے زعم باطل کے مطابق اسلام خود بخود زیر ہوجائے گا ۔اس لیے میرے بھائیو !جذبات سے نہیں دانائی سے کام لینا پڑے گا۔ فقط واللہ اعلم بالصواب

 

[محمد عاصم]

خلافت جہاد کے ذریعے قائم ہو گی اسکی دلیل یہ حدیث ہے"من قاتل لتکون کلمۃ اللہ ھی العلیا فھو فی سبیل اللہ "صحیح بخاری- ترجمہ ’’جو اللہ تعالیٰ کے کلمہ کی سر بلندی کےلئے لڑا وہ فی سبیل اللہ (اللہ کی راہ میں )ہے ‘‘- اس حدیث کا صاف مطلب ہے کہ اللہ کا کلمہ بلند کرنے کے لیے قتال کرنا پڑتا ہے

پیارے بھائی جو حدیث آپ نے پیش کی ہے اس سے تو یہ مفہوم ہرگز نہیں نکلتا کہ خلافت جہاد کے ذریعے قائم ہوگی میں یہ حدیث مکمل پیش کر دیتا ہوں پھر آپ ہی بتا دیجیے گا کہ کیسے یہ مفہوم نکلتا ہے جو آپ نے نکالا ہے۔
حدثني محمد بن بشار حدثنا غندر حدثنا شعبة عن عمرو قال سمعت أبا وائل قال حدثنا أبو موسیٰ الأشعري رضي الله عنه قال قال أعرابي للنبي صلی الله عليه وسلم الرجل يقاتل للمغنم والرجل يقاتل ليذکر ويقاتل ليری مکانه من في سبيل الله فقال من قاتل لتکون کلمة الله هي العليا فهو في سبيل الله
ابوموسیٰ اشعری رضی اللہ تعالیٰ عنہ سے روایت ہے کہ ایک دیہاتی نے سرور عالم صلی اللہ علیہ وآلہ وسلم سے دریافت کیا کہ ایک آدمی تو صرف مال غنیمت کے لیے لڑتا ہے اور ایک آدمی اپنی ناموری کے لیے لڑتا ہے اور ایک آدمی اپنی دلیری دکھانے کے لڑتا ہے تو بتایئے کہ مجاہد فی سبیل اللہ کون ہے؟ تو اس پر رسالت مآب صلی اللہ علیہ وسلم نے جواب دیا کہ جو کوئی صرف اللہ کا نام بلند کرنے کے لئے جنگ کرے تو وہ فی سبیل اللہ مجاہد ہے۔
صحیح بخاری:جلد دوم:باب :مال غنیمت کی خاطر جنگ کرنے والے کے لئے ثواب کی کمی کا بیان
اس ارشاد رسولﷺ سے جو بات واضح ہو رہی ہے وہ یہ ہے کہ جہاد فی سبیل اللہ صرف یہ ہے کہ بندہ اللہ کے دین کو قائم کرنے کے لیئے قتال کرئے تو وہ مجاہد فی سبیل اللہ ہے،
جو مفہوم آپ پیش کر رہے ہیں اس کے مطابق تو نبیﷺ اپنے ہی حکم کے خلاف دوسرا حکم لگا رہے ہیں جس حکم میں فرمایا کہ اللہ نے مجھے پانچ باتوں کا حکم دیا ہے اور میں بھی تمہیں انہی پانچ باتوں کا حکم دیتا ہوں اور ان حکموں میں جہا سب سے آخر میں آتا ہے اس سے پہلے خلافت کا قیام ثابت ہے، اس حدیث پر میں نے تھریڈ بھی لگایا ہوا ہے اور وہاں بھی آپ نے اسی حدیث کا آخری حصہ پیش کیا ہوا ہے میں مصروفیت کی وجہ سے اس کا جواب نہیں دے پایا تھا سوچا اب دے دوں تاکہ بھائی اپنی اصلاح فرما لیں۔
بھائی میرے جذباتیت میں نہیں آنا چاہیے بلکہ اسلام کے اصولوں کو نظر میں رکھ کر اپنا مؤقف بنانا چاہیے۔ جزاک اللہ خیراًً
راجا بھائی اللہ آپ کو جزاء دے کہ آپ نے یہ تھریڈ لگایا میں آپ سے گزارش کرونگا کہ آپ بھی خلافت کے قیام کے بارے اپنا مؤقف پیش کر دیتے تو بہتر تھا، میں نے تو کافی عرصہ پہلے ایک مضمون پیش کیا تھا بعنوان آج خلیفہ کیوں اور کیسے، میں نے جو قرآن و حدیث سے سیکھا سمجھا وہ پیش کر دیا اس لیئے میں آپ سے گزارش کرونگا کہ آپ میرا یہ مضمون ضرور پڑھین اور پھر اس پر کوئی اعتراض ہو یا کوئی مزید بہتر مشورہ ہو تو وہ ضرور پیش کریں۔
باقی میں کوشش کرونگا کہ وقت نکال کر یہاں مختصراً لکھوں، ان شاءاللہ

 

[فیض اللہ]

اس حدیث سے مرکزی استنباط تو یہی ہوتا ہے کہ جہاد فر سبیل میں قصد و نیت کا اعتبار ہے آخرت کے لیے لیکن یہ ذیلی استنباط بالکل صحیح ہے کہ اعلاء کلمۃ اللہ کے لیے قتال فی سبیل اللہ کرنا پڑتا ہے

 

[محمد فیض الابرار]

اس کی اگر کوئی عملی صورت ممکن ہے تو صرف یہی کہ ہر شخص دین اسلام کی تعلیمات کو اپنے اوپر نافذ کرنا شروع کر دے چونکہ معاشرہ افراد سے مل کر بنتا ہے لہذا جب افراد معاشرہ میں اصلاح احوال کی کیفیات پیدا ہونا شروع ہو جائیں گی تو خود بخود تبدیلی آنا شروع ہو جائے گی کیونکہ جو تبلیغ کردار سے کی جاتی ہے اس کے اثرات بہت گہرے ہوتے ہیں اسے ہم علمی زبان میں افراد سازی یا افراد کی ذہن سازی کہہ سکتے ہیں بالکل ایسے ہی جیسا کہ ڈاکٹر اسرار احمد رحمہ اللہ نے قرآن فہمی کا ایک ماحول بنا دیا ہے ایک سے کام شروع ہوا تھا اور اب ہزاروں کی تعداد میں افراد فہم قرآن اور تفہیم قرآن میں مصروف و مشغول ہیں اور اس کی ایک مثال اگر محسوس نہ کی جائے تو جماعت الدعوۃ کا مرکز مرکز طیبہ مریدکے ہے جہاں مرکز کی حدود کے اندر بہت حد تک ماحول اسلامی اور شرعی ہے کوئی عورت بے پردہ نظر نہیں آئے گی اذان کے ساتھ ہی سب کاروبار زندگی بند ہو جاتا ہے وغیرہ وغیرہ

 

[محمد فیض الابرار]

اور اس کے لیے میری رائے میں صرف دو کتابوں کا مطالعہ اور اس کی اپنی ذات پر تطبیق انقلاب بپا کر سکتی ہے ایک زاد المعاد اور دوسری ریاض الصالحین

 

[محمد فیض الابرار]

کیونکہ یہ دونوں کتب سیرت پر ہیں زاد المعاد فقہ سیرت پر اور ریاض الصالحین سیرت کے عملی پہلو پر ایک جامع کاوش ہے