اس کے فوائد قرآن وحدیث کی روشنی بتا سکتا میری مدد کرو
السلام علیکم ورحمۃ اللہ وبرکاتہ !
محترم بھائی فورم پر خوش آمدید ۔
سب سے پہلے گزارش ہے کہ فورم پر اکاؤنٹ پر جاندار کی تصویر لگا نے کی اجازت نہیں ۔ لہذا اس تصویر کو کسی اور اچھی تصویر سے بدل لیں ۔
(شاکر بھائی ۔ )
خوشبو کے متعدد فوائد ذکر کیے جاسکتے ہیں :
1۔ نبی کریم صلی اللہ علیہ وسلم کی سنت ہے ۔ آپ خوشبو پسند کرتے تھے ۔ جیساکہ متعدد احادیث کے اندر موجود ہے مثلا نبی کریم صلی اللہ علیہ وسلم نے فرمایا میرے نزدیک دنیا کی پسندیدہ چیزوں میں سے ایک چیز خوشبو بھی ہے ۔ ( سنن النسائی 3939 )
2۔ خوشبو لگانا صفائی ستھرائی میں سے ہے ۔ اور صفائی کی شریعت کے اندر رغبت دلائی گئی ہے ۔
3۔ خوشبو انسان کی صحت کی حفاظت اور طبیعت کی نفاست پر اثر انداز ہوتی ہے اور بہت ساری بیماریوں اور تکالیف سے بچنے کا سبب ہے ۔ جیساکہ ابن القیم رحمہ اللہ نے زاد المعاد کے اندر ذکر کیا ہے ۔
4۔ نبی کریم صلی اللہ علیہ وسلم صحابہ کرام علیہم الرضوان کو خوشبو استعمال کرنے کی تاکید کیا کرتے تھے تاکہ پسینہ وغیرہ کی بو کی وجہ سے دوسرے لوگوں کو تکلیف نہ ہو ۔
5۔ بعض روایات میں یہ بھی آیا ہے کہ نبی کریم صلی اللہ علیہ وسلم نے فرمایا خوشبو لگانا انبیاء کی عادات مبارکہ میں سے ہے ۔ ( الترمذی و أحمد )