اسلام علیکم ورحمۃ اللہ۔
اگر ہم ان احکامات کو حکمرانوں سے ہٹ کر انفرادی طور پر اپنی زندگیوں میں لاگو کرلیں تو حکمران چاہئے جیسا بھی قانون بنائیں وہ کبھی بھی کامیاب نہیں ہوسکتے۔ کوا اپنی بناوٹ اپنے مزاج اور اپنی آواز کے بناء ناپسندیدہ پرندہ ہے اور ہنس صرف اپنے تاج کی بناء پر کتنا پرکشش اور اچھا پرندہ نظر آتا ہے لیکن انسان جسے اللہ رب العالمین نے اشرف الخلوق ہونے کا شرف بخشاء ذرا ماضی میں جھانکیں تو اللہ رب العالمین نے ایک ایسے پرندے سے نہ جس کی آواز پرکشش نہ جس کا رنگ دلکش نہ جس کا مزاج اس پرندے سے اللہ رب العالمین نے اس اشرف المخلوق کو کیسی نصیحت سکھائی جب حضرت آدم علیہ سلام کے صاحبزادے نے اپنے بھائی کو قتل کر کے ایسے ہی چھوڑ دیا تب ایک کوے نے آکر دوسرے کوے پر جو کے ہلاک ہوچکا تھا مٹی ڈالی اور اسے مکمل مٹی سے ڈھک دیا یہ واقعہ دیکھ کر اس قتل کرنے والے کو خود پر شدید ندامت گزری۔۔۔ اب دیکھیں دونوں ہی اللہ کی مخلوق ہیں اللہ رب العالمین چاہتے تو کیا یہ خیال آدم علیہ السلام کے قاتل بیٹے کے ذہن میں نہیں ڈال سکتے تھے؟؟؟۔۔۔ ڈال سکتے تھے کیونکہ اللہ وحدہ لاشریک قادرومطلق ہیں ہر چیز پر۔۔۔ سوال یہ ہے اس واقعے سے ہم نے کیا سیکھا؟؟؟۔۔۔ اللہ فرماتا ہے کہ اگر تم ہمارے دین سے پھر جاؤ گے تو ہم اُن لوگوں (کافروں) میں سے لوگوں کو اٹھائیں جو دین میں تم سے زیادہ بہتر ہوں گے دیکھ لیں یورپ اور امریکہ میں جو اسلام پھیل رہا ہے اس کو کوئی قبر پرست یا کوئی بدعتی ہے؟؟؟۔۔۔
دوسری مثال سعودی عرب میں سب جانتے ہیں کے نماز کے دوران کاروباری سرگرمیاں روک دی جاتی ہیں اور نماز کے بعد سے وہ سرگرمیاں دوبارہ شروع ہوجاتی ہیں لیکن اس قانون کے باوجود بھی دیکھا گیا ہے کہ جن لوگوں نے جو کے مسلمان ہیں اگر نماز نہیں پڑھنی تو وہ گھر چلے جاتے ہیں یا کہیں کسی کونے میں چھپ کر بیٹھ جاتے ہیں کے نماز ختم ہو اور وہ دنیاوی امور کو دوبارہ سے جاری کرسکیں اب دیکھیں نماز پر حدیث ہے کہ کفر اور اسلام کے بیچ فرق نماز ہے دوسری حدیث جس نے فرض نماز جان بوجھ کر چھوڑی اس پر شریعت کا حکم موجود ہے۔۔۔۔
ہر شخص کو اللہ تعالٰی نے عقل عطاء فرمائی ہے جو دوسروں سے قدرے مختلف بھی ہے کم بھی ہے اور کہیں پر زیادہ بھی اسی لئے معاشرے میں عامیوں کی تعداد عالموں سے زیادہ ہے معاشرہ افراد کی جمع ہے اور افراد کی اکائی فرد ہے کیا کبھی ہم نے اپنے بچوں کی تربیت کرتے وقت اس بات کو سامنے رکھا کے کل انہوں نے معاشرے کا ایک فرد بننا ہے؟؟؟۔۔۔ یہ بڑا ہی سنجیدہ سوال ہے۔۔۔ اگر ایک باپ اپنی زندگی اور دنیاوں امور کو سنجیدگی اور دینی احکامات کو سامنے رکھتے ہوئے گزارے تو اس کی اولاد کے لئے وہی رول ماڈل ہے لیکن ہم نے صرف بچوں کو قرآن کی تعلیم دے کر یہ سمجھ لیا کے مسلمان ہونے کے ناتے جو ہماری ذمہ داری تھی وہ ہم نے پوری کردی حالانکہ ایسا نہیں ہے۔۔۔۔ دن میں پانچ نمازیں فرض ہیں ہم پابندی سے مسجد میں جاکر کتنی نمازیں ہیں جو ادا کرتے ہیں؟؟؟۔۔۔ جھوٹ جسے بولنے سے منع فرمایا گیا ہے وہ ہم بات بات پر بول رہے ہوتے ہیں۔۔۔
زندگیان ہم سے پہلے کی قوموں نے بھی گذاری ہیں ہم میں اور اُن میں کیا فرق تھا؟؟؟۔۔۔ وہ اگر بھوکے ہوتے تو پیٹ پر پتھر باندھ لیا کرتے تھے لیکن آج؟؟؟۔۔۔۔ اُمتی آکر اپنے نبی صلی اللہ علیہ وسلم سے کہتا ہے بھوک کی وجہ سے اس نے ایک پتھر باندھا ہوا ہے تو اللہ کے نبی دکھاتے ہیں کہ انہوں نے دو باندھے ہوئے ہیں۔۔۔ اللہ کے بنائے ہوئے قانون کے بات ہم بعد میں کریں گے لیکن یہاں پر ایک سوال چھوڑے جارہا ہوں۔۔۔ کیا ہم اللہ کو اپنا رب مانتے ہیں؟؟؟۔۔۔ اگر جواب ہاں میں تو سورۃ الاحزاب میں ہے۔۔۔ لقد کان لکم فی رسول اللہ اسوۃ الحسنۃ۔۔۔ اور اگر نہیں مانتے تب بھی قانون رب العالمین کا ہی چلتا ہے کل نفس ذائقہ الموت۔۔۔ یہ قانون کوئی بدل کر دکھا دے۔۔۔ اگر نہیں بدل سکتا تو اللہ کے بنائے ہوئے کس قانون کو اُس نے بدلا؟؟؟۔۔۔ زندگی کوئی نفع نہیں ہے اگر سنجیدگی سے سوچیں تو یہ ایک وقفہ ہے ایک مہلت ہے خود انسان کے لئے جو رحمٰن کی بندگی اور اس کے دشمن شیطان سے دشمنی کے لئے دی گئی ہے۔۔۔ گذارنے کے جائز اور ناجائز طریقے بھی بیان کردیئے ہیں۔ اللہ کے قانون کو کوئی نہیں بدل سکتا اور جو لوگ اللہ کے قانون کی موجودگی میں فیصلے اپنی پسند سے کرتے ہیں تو وہ اس افسوس کے چند سالوں کی زندگی جو مہلت ہے اسے ضائع کررہے ہیں۔۔۔ اگر ہم واقعی مسلمان ہیں تو ہمیں ایک چیز ذہن میں رکھنی چاہئے اور وہ یہ ہم نے اپنے اعمال کا جواب خود اللہ کو دینا ہے وہاں پر ہم سے کسی کے بارے میں کچھ نہیں پوچھا جائے گا۔۔۔
اللہ رب العالمین نے کتنی پیاری بات بیان فرمائی ہے۔۔۔ ملاحظہ کیجئے بس ہم صرف اس ہی کلام کو اپنی زندگی کا مقصد بنا لیں تو میں یقین سے کہہ سکتا ہوں کے معاشرے سے ہر قسم کی برائی کو دور کیا جاسکتا ہے۔۔۔۔
بِسْمِ اللَّـهِ الرَّحْمَـٰنِ الرَّحِيمِ
وَالْعَصْرِ ﴿١﴾ إِنَّ الْإِنسَانَ لَفِي خُسْرٍ ﴿٢﴾ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴿٣﴾
زمانے کی قسم بیشک (بالیقین) انسان سرتا سر نقصان میں ہے سوائے ان لوگوں کے جو ایمان ﻻئے اور نیک عمل کیے اور (جنہوں نے) آپس میں حق کی وصیت کی اور ایک دوسرے کو صبر کی نصیحت کی
واللہ اعلم۔
والسلام علیکم۔
![محدث فورم [Mohaddis Forum]](/styles/default/xenforo/Forum.jpg)
