اس روایت کو شیخ غلام مصطفیٰ ظہیر امن پوری حفظہ اللہ نے حسن کا ہے(ماہنامہ السنہ،شمارہ نمبر ٢٤،ص٢١)
صرف شیخ غلام مصطفی نہیں بلکہ ان سے بڑے بڑے درجنوں اہل علم نے اس روایت کو صحیح کہا ہے ان کبار اہل اعلم کی تصحیحات ہماری نظروں سے اوجھل نہیں ہیں ، لیکن دوسری طرف جن اہل علم نے اس روایت کی تضعیف کی ہے وہ بھی کوئی معمولی درجہ کے اہل علم نہیں ہیں ، متقدمین میں دارقطنی ،ابن تیمیہ اور امام ذہبی رحمہم اللہ محتاج تعارف نہیں اور متاخرین میں علامہ معلمی رحمہ اللہ کو اہل علم نے متفقہ طور پر ذھبی العصر مانا ہے بلکہ علامہ البانی رحمہ اللہ نے انہیں نہ صرف ’’علامہ المحقق ‘‘ کے لقب سے یاد کیا ہے بلکہ اسماء الرجال میں ان کے رسوخ کی شہادت دی ہے ۔
ملاحظہ ہوں علامہ البانی رحمہ اللہ کی کتب سے بعض اقتباسات:
وقد رد عليهما، وتكلم على الطرق المشار إليها بما لا تراه مجموعا في كتاب العلامة المحقق المعلمي اليماني في كتابه القيم " التنكيل بما في تأنيب الكوثري من الأباطيل [سلسلة الأحاديث الضعيفة والموضوعة وأثرها السيئ في الأمة 2/ 43]۔
وأما قول الشيخ المحقق العلامة المعلمي اليماني فيما علقه على " الفوائد المجموعة " للشوكاني [سلسلة الأحاديث الضعيفة والموضوعة وأثرها السيئ في الأمة 3/ 206]۔
وان من اولئک العلماء الذین لھم قدم راسخة فی ھذا المجال : العلامة المحقق عبدالرحمن المعلمی الیمانی رحمہ اللہ [مقدمہ صحیح موارد الظمآن: 1/ 54]۔
الغرض یہ کہ تضعیف کا موقف رکھنے والے بھی چوٹی کے اہل علم ہیں اس لئے اس میں زیادہ پریشان ہونے کی ضرورت نہیں ہے بلکہ فریقین کے دلائل کو دیکھ جس پر دل مطئن ہو اسے قبول کرلیا جائے ، ہمارے نزدیک تضعیف کرنے والوں کے دلائل ہی راجح ہیں ، اس بارے میں ہمارے رسالہ ’’اہل السنہ‘‘ میں ہمارا مضمون قسط وار شائع ہورہا ہے جب یہ مکمل ہوجائے گا تو ہم اسے محدث پر بھی پیش کردیں گے۔
یادرہے کہ ہمارے مضمون میں اس روایت کے تمام طرق اور تمام سندوں پر بحث مل جائے گی۔
![محدث فورم [Mohaddis Forum]](/styles/default/xenforo/Forum.jpg)
