فطرانہ کی نقد ادائی شریعت کے منافی: سعودی مفتیِ اعظم

[کنعان]

صدقۃ الفطر

محمد ہاشم

فطرانہ کی نقد ادائی شریعت کے منافی: سعودی مفتیِ اعظم​

سعودی عرب کے مفتیِ اعظم اور سینیر علماء کمیشن اور افتاء کونسل کے سربراہ شیخ عبدالعزیز آل الشیخ نے کہا ہے کہ حاجت مندوں کو زکوٰۃ الفطر (صدقۂ فطر) کی نقدی کی شکل میں ادائی اسلامی شریعت کی تعلیمات کے منافی ہے۔

ان کا کہنا ہے کہ ''زکوٰۃ فطر خوراک کی شکل میں غریبوں اور حاجت مندوں کو ادا کی جانی چاہیے تاکہ وہ بھی دوسرے مسلمانوں کی طرح عیدالفطر کی خوشیاں منا سکیں''۔

انھوں نے کہا کہ ''زکوٰۃ الفطر نماز عید ادا کرنے سے پہلے ادا کر دی جانی چاہیے اور یہ زکوٰۃ انہی ممالک میں ادا کی جا سکتی ہے جہاں مسلمان موجود ہوں''۔

بہ الفاظ دیگر غیر مسلموں کو زکوٰۃ الفطر ادا نہیں کی جا سکتی ہے۔

جدہ، العربیہ ڈاٹ نیٹ: اتوار 29 رمضان 1435هـ - 27 جولائی 2014م

 

[خضر حیات]

ان کا کہنا ہے کہ ''زکوٰۃ فطر خوراک کی شکل میں غریبوں اور حاجت مندوں کو ادا کی جانی چاہیے تاکہ وہ بھی دوسرے مسلمانوں کی طرح عیدالفطر کی خوشیاں منا سکیں''۔

اگر بات کو حاجت مندوں کی ’’ حاجت ‘‘ کے ساتھ منسلک کیاجائے تو اس کا مطلب ہے کہ جہاں ’’ پیسوں ‘‘ کی ضرورت ہے وہاں پیسے ادا کرنے چاہییں ۔
آج عید کا دن ہے کسی غریب کے گھر جاکر آپ صبح نماز کے وقت اڑھائی کلو گندم دے دیتے ہیں تو وہ اس سے کیا خوشی حاصل کر لے گا ؟
جبکہ 100 روپیہ فورا اس کے استعمال میں آجائے گا ۔ بچوں کو عیدی دے سکتا ہے۔ وغیرہ ۔
سب سے بڑی بات اگر مستحق فرد خود کہے کہ مجھے غلے کی بجائے نقدی دے دی جائے تو کیا پھر بھی اجازت نہیں ہے ؟
قیمت ادا کرنے کے حوالے سے محترم @سرفراز فیضی صاحب نے فیس بک پر بہت مفید باتیں ارشاد فرمائی ہیں۔ امید ہے یہاں بھی اس موضوع کو آگے بڑھائیں گے ۔