• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

فورم کی پسندیدہ لڑیاں

کیا یہ سلسلہ مفید ہے ؟

  • ہاں

    ووٹ: 17 100.0%
  • نہیں

    ووٹ: 0 0.0%

  • Total voters
    17

خضر حیات

علمی نگران
رکن انتظامیہ
شمولیت
اپریل 14، 2011
پیغامات
8,773
ری ایکشن اسکور
8,472
پوائنٹ
964
السلام علیکم ورحمۃ اللہ وبرکاتہ
فورم کی ’’ بیٹھک ‘‘ تعمیر کی گئی ، حال احوال کا سلسلہ نکلا ، آہستہ آہستہ یہ ہمارے فورم کے دو ’’ یونسوں ‘‘ کی خصوصی اور دیگر اراکین کی ( بھی خصوصی ہی سمجھیں ) دلچسپی سے ایک دوسرے کو یاد کرنے کا اہم ذریعہ بن گیا ۔
فورم پر بے شمار موضوعات شروع ہوتے ہیں ، گزر جاتے ہیں ، لاتعداد تحریریں آتی ہیں ، ذہن سے محو ہوجاتی ہیں ، کچھ اراکین ایسا لکھتے ہیں ، کہ دل میں اتر جاتا ہے ، کچھ ایسا تحریر فرماتے ہیں کہ پڑھ کر دل کو سکون ملتا ہے ، بہت ساری تحریریں ایسی ہوتی ہیں کہ جوں جوں پڑھتے جائیں ، الجھنیں حل ہوتی جاتی ہیں ، ذہن کی گرہیں کھلنا شروع ہوجاتی ہیں ،عرصے سے دماغ میں موجود سوالات و استفسارات کے جوابات سامنے آنا شروع ہو جاتے ہیں ، عموما ہم فورم پر نئی پوسٹس والا آپشن استعمال کرتے ہیں ، لیکن بعض دفعہ ایسا بھی ہوتا ہے کہ ہمارا من پرانی تحریریں پڑھنے کو چاہتا ہے ۔بعض دفعہ مکالموں اور مباحثوں میں ہم خود شرکت نہیں کرتے ، لیکن باقاعدگی سے ان کے منتظر رہتے ہیں ۔ کچھ باتیں دل میں ہوتی ہیں ، لیکن ان کو حیطہ تحریر میں لانے کے لیے مناسب الفاظ نہیں ہوتے ، یا شعور ہی نہیں ہوتا کہ فلاں فکر فلاں انداز سے بھی بیان کی جاسکتی ہے ، پھر ہم کسی دن فورم کھول کر کوئی تحریر دیکھ بے ساختہ کہہ اٹھتے ہیں ، گویا کہ منہ کی بات چھین لی ۔
یہ سلسلہ فورم کی انہیں خوبصورت لڑیوں کو ایک ’’ مالا ‘‘ کی شکل ترتیب دینے کے لیے شروع کیا جارہا ہے ، فورم پر آپ کچھ تحریروں کو زبردست کی ریٹنگ دیتے ہیں ، کچھ کو ریٹنگ مختلف ہوتی ہے ، لیکن آپ کی نظر میں وہ ایک منفرد اور علمی و تحقیقی لڑی ہوتی ہے ۔
یہاں ہم نے ایک دوسرے کے ذوق سے محظوظ ہونا ہے ، کہ کس کو کونسی تحریر ، مکالمہ ، مباحثہ ، گرما گرم تعمیری بحث اچھی لگی ۔
آئیے ، اپنا مطالعہ تازہ کیجیے ، اور فورم کی مختلف کیاریوں میں بکھرے پھولوں کی مانند اپنے پسندیدہ موضوعات کو چُن چُن کر یہاں لگا دیجیے ، ساتھ اگر ممکن ہو تو وجہ پسندیدگی بھی بیان کریں ۔
 
Last edited:
Top