قبولیت دعاکے اوقات (مختصر)

[عبدالرزاق جامعی]

قبولیت ِدعاکے اوقات

عبدالرزاق جامعی
یوں تو اللہ تعالی ہر وقت وہر آن اپنے بندوں کی دعاوفریاد کو سنتااور ان کی دعاؤں کو قبول کرتا ہے،لیکن کچھ خاص اوقات ایسے بھی ہیں جن میں دعائیں بہت جلد قبول ہوجاتی اور اپنا اثر خوب دکھاتی ہیں ۔
اللہ تعالی کا فرمان ہے۔جب میرے بندے میرے بارے میں آپ سے سوال کریں تو آپ کہہ دیں کہ میں بہت ہی قریب ہوں ہر پکارنے والے کی پکار کو جب بھی وہ مجھے پکارے قبول کرتا ہوں اس لئے لوگوں کو بھی چاہیے وہ میری بات مان لیا کریں اور مجھ پر ایمان رکھیں یہی ان کی بھلائی کا باعث ہے۔( البقرة2/186)
جن میں سے بعض اوقات یہ ہیں۔
﴿1﴾اذان اوربارش کے وقت: حضرت سہل بن سعد سے روایت ہے کہ رسول اللہ ﷺنے فرمایا دو دعائیں رد نہیں کی جاتیں۔ ایک اذان کے وقت ،دوسرے بارش کے وقت ۔ (أبوداود)
﴿2﴾اذان اور اقامت کے درمیان: حضرت انس بن مالک سے روایت ہے کہ رسول اللہﷺنے فرمایا اذان اور اقامت کے درمیان کی جانے والی دعا رد نہیں کی جاتی۔ لوگوں نے پوچھا کہ یا رسول اللہﷺ ! پھر ہم اس وقت کیا دعا کریں؟ آپ ﷺنے فرمایا اللہ تعالیٰ سے دنیا اور آخرت کی عافیت مانگا کرو۔ (أبوداود والترمذي)
﴿3﴾جب امام ولاالضالین کہے: ابوہریرہ سے روایت ہے کہ رسول اللہ ﷺنے فرمایا جب امام آمین کہے تو تم بھی آمین کہو کیونکہ جس کی آمین فرشتوں کی آمین کے موافق ہو جائے گی تو اس کے پچھلے گناہ معاف کر دئیے جائیں گے ۔(صحیح بخاری ومسلم)
جب امام غیر المغضوب علیھم و لا الضالین کہے تو تم آمین کہو اللہ تمہاری دعا قبول کرے گا۔(صحیح مسلم)
﴿4﴾حالت سجدہ: حضرت ابوہریرہ سے مروی ہے کہ نبی کریم ﷺنے فرمایا انسان اپنے رب کے سب سے زیادہ قریب سجدے کی حالت میں ہوتا ہے، اس لئے (سجدے میں ) دعاء کثرت سے کیا کرو۔( صحیح مسلم وأبوداود وأحمد)
﴿5﴾فرض نماز کے بعد: حضرت ابوامامہ سے روایت ہے کہ رسول اللہ ﷺسے پوچھا گیا کہ کونسی دعا زیادہ قبول ہوتی ہے۔ آپ ﷺنے فرمایا رات کے آخری حصے میں اور فرض نمازوں کے بعد مانگی جانے والی (دعا)۔ (ترمذي صحيح)
﴿6﴾تلاوت قرآن کے بعد: حضرت عمران بن حصین سے روایت ہے کہ رسول اللہ ﷺ نے فرمایا جو شخص قرآن پڑھے اسے چاہئے کہ اللہ سے سوال کرے اس لئے کہ عنقریب ایسے لوگ آئیں گے جو قرآن پڑھ کر لوگوں سے سوال کریں گے۔ (ترمذي صحيح)
﴿7﴾جمعہ کے دن کی ایک خاص گھڑی: ابوہریرہ روایت کرتے ہیں کہ رسول اللہ ﷺنے جمعہ کے دن کا تذکرہ کیا، تو آپ rنے فرمایا کہ اس دن میں ایک ساعت ایسی ہے کہ کوئی مسلمان بندہ کھڑا ہو کر نماز پڑھے اور اس ساعت میں جو چیز بھی اللہ سے مانگتا ہے اللہ تعالیٰ اسے عطا کرتا ہے، اور اپنے ہاتھوں سے اس ساعت کی کمی کی طرف اشارہ کیا﴿یعنی وہ وقت بہت چھوٹا ہوتا ہے﴾۔ (صحیح بخاری ومسلم)
﴿8﴾ہررات کی ایک مخصوص ساعت: جابر سے روایت ہے کہ رسول اللہ ﷺنے فرمایا کہ رات میں ایک گھڑی ایسی ہوتی ہے کہ اس وقت جو مسلمان بندہ بھی اللہ تعالیٰ سے جو بھی بھلائی مانگے گا اللہ تعالیٰ اسے ضرور عطا فرمائیں گے۔ (صحیح مسلم)
﴿9﴾آب زمزم پیتے ہوئے: حضرت جابر سے مروی ہے کہ نبی ﷺنے ارشاد فرمایا کہ زمزم کا پانی جس نیت سے پیا جائے وہ پوری ہوتی ہے۔ (ابن ماجه وأحمد)
﴿10﴾مرغ کی بانگ سنتے وقت: حضرت ابوہریرہ سے روایت کرتے ہیں کہ رسول اللہ ﷺنے فرمایا کہ جب تم مرغ کی بانگ سنو تو اللہ سے اس کے رحمت و فضل کی دعا مانگو کیونکہ اس مرغ نے فرشتہ دیکھا ہے اور جب تم گدھے کی آوز سنو تو شیطان سے خدا کی پناہ مانگو ﴿یعنی أعوذ باالله من الشيطن الرجيم پڑھو﴾کیونکہ اس نے شیطان کو دیکھا ہے۔ (متفق عليه)

یا اللہ ہماری دعاوءں کو شرف قبولیت عطافرما۔آمین ​

​

طالبَ دعا​

عبدالرزاق جامعی​

​

 

[شاکر]

جزاکم اللہ خیرا۔

 

[کلیم حیدر]

جزاکم اللہ خیرا

 

[محمد شاہد]

قبولیت ِدعاکے اوقات

عبدالرزاق جامعی
﴿1﴾اذان اوربارش کے وقت: حضرت سہل بن سعد سے روایت ہے کہ رسول اللہ ﷺنے فرمایا دو دعائیں رد نہیں کی جاتیں۔ ایک اذان کے وقت ،دوسرے بارش کے وقت ۔ (أبوداود)
﴿2﴾اذان اور اقامت کے درمیان: حضرت انس بن مالک سے روایت ہے کہ رسول اللہﷺنے فرمایا اذان اور اقامت کے درمیان کی جانے والی دعا رد نہیں کی جاتی۔ لوگوں نے پوچھا کہ یا رسول اللہﷺ ! پھر ہم اس وقت کیا دعا کریں؟ آپ ﷺنے فرمایا اللہ تعالیٰ سے دنیا اور آخرت کی عافیت مانگا کرو۔ (أبوداود والترمذي)

﴿9﴾آب زمزم پیتے ہوئے: حضرت جابر سے مروی ہے کہ نبی ﷺنے ارشاد فرمایا کہ زمزم کا پانی جس نیت سے پیا جائے وہ پوری ہوتی ہے۔ (ابن ماجه وأحمد)

​

عبدالرزاق بھائی یہ احادیث صیح ہیں یا ضیعف ؟

 

[Dua]

جزاک اللہ خیراً

 

[حسن شبیر]

جزاک اللہ بھائی

 

[انس]

جزاكم الله خيرا

 

[عمر اثری]

 

[smasroor6982]

جزاک اللہ خیر الله تعالی آپ کے علم اور عمر میں برکت عطا فرمائے آمین

Sent from my Mi 4i using Tapatalk