قرآن اور سائنس

[عبد الرشید]

کتاب کا نام
قرآن اور سائنس
مصنف
ڈاکٹر ذاکر نائیک
مترجم
علیم احمد
ناشر
دار النوادر،لاہور
[URL=http://s1053.photobucket.com/user/kitabosunnat/media/TitlePages---Quran-Aur-Science.jpg.html][/URL]​

تبصرہ

قرآن مجید وہ عظیم الشان آخری آسمانی کتاب ہے ،جسے اللہ تعالی نے انسانیت کی رشد وہدایت کے لئے نازل فرمایا ہے۔یہ اسلام کا سب سے پہلا منبع ومصدر ہے۔جب تک مسلمانوں نے اسے تھامے رکھا ،دنیا کی سپر پاور اور راہبر و راہنما رہے ، اور جب اسے ترک کر دیا تو ذلت ورسوائی کی اتھاہ گہرائیوں میں جا گرے۔دشمنان اسلام کی ہمیشہ سے یہ کوشش رہی ہے کہ وہ کسی نہ کسی طریقے سے مسلمانوں کو اس مصدر اول اور منبع ہدایت سے دور کردیں یا اس کے بارے میں اس کے قلوب واذہان میں شکوک وشبہات پیدا کر دیں۔چونکہ قرآن مجید کی حفاظت کا ذمہ خود اللہ تعالی نے لے رکھا ہے ،چنانچہ دشمنوں کی سازشوں اور اپنوں کی جہالتوں کے باوجود قرآن مجید آج بھی بالکل صحیح سلامت اور تحریف وتصحیف سے محفوظ رنگ کائنات پر جلوہ افروز ہے۔ زیر تبصرہ کتاب ’’ قرآن اور سائنس ‘‘ ہندوستان کے معروف داعی اور مبلغ محترم ڈاکٹر ذاکر نائیک کی انگریزی تصنیف کا اردو ترجمہ ہے اور ترجمہ کرنے کی سعادت محترم علیم احمد صاحب ایڈیٹر ماہنامہ گلوبل سائنس کراچی نے حاصل کی ہے۔ محترم ڈاکٹر ذاکر نائیک ہندوستان کے ایک معروف مبلغ اور داعی ہیں۔آپ اپنے خطبات اور لیکچرز میں اسلام اور سائنس کے حوالے سے بہت زیادہ گفتگو کرتے ہیں ،اور یہ ثابت کرنے کی کوشش کرتے ہیں کہ اسلام نے آج سے چودہ سو سال پہلے جو کچھ بتا دیا تھا ،آج کی جدید سائنس اس کی تائید کرتی نظر آتی ہے۔اور یہ کام وہ زیادہ تر غیر مسلموں کو اسلام کی دعوت دیتے وقت کرتے ہیں ،تاکہ ان کی عقل اسلام کی حقانیت اور عالمگیریت کو تسلیم کرتے ہوئے اس کے سامنے سر تسلیم خم کر دے۔لیکن اللہ کے سوا کوئی بھی شخصیت کامل نہیں ہے ،اور اس سے غلطی سرزد ہوجانا کوئی بڑی بات نہیں۔مترجم چونکہ خود شعبہ سائنس سے منسلک ہیں چنانچہ انہوں نے جہاں اس کتاب کا ترجمہ کیا ہے وہیں اس میں وارد بعض غلطیوں کی بھی نشاندہی کی ہے۔اللہ تعالی ڈاکٹر صاحب کی اس محنت کو قبول فرمائے اور ان کے میزان حسنات میں اضافہ فرمائے۔آمین(راسخ)

اس کتاب قرآن اور سائنس کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

عرض مترجم
تعارف
فلکیات
طبیعیات
آبیات
ارضیات
بحریات
نباتیات
حیوانیات
طب
فعلیات
جنینیات
عمومی سائنس
حرف آخر