قرآن اگر مخلوق نہیں تو پھر کیا ہے ؟

[123456789]

جو کچھ ہے اسے اگر خالق اور مخلوق کے نظرئے سے تقسیم کیا جائے تو ایک اللہ کی ذات خالق ہے اسکے علاوہ جو کچھ ہے وہ مخلوق ہے۔ اس تناظر میں میں نے جتنا سوچا اور جو کچھ قرآن کے مخلوق ہونے یا نہ ہونے کے حوالے سے پڑھا ۔ اسکی مجھے کچھ سمجھ نہیں آئی بلکہ اس پورے بحث کی مجھے سمجھ تو کیا آتی میں اس حوالے سے تذبذب کا شکار ہوا۔ کہ آیا قرآن مخلوق ہے یا نہیں۔ اگر مخلوق نہیں ہے تو پھر کیا ہے ؟ اللہ کا کلام ہے اور کلام صفت ہے۔ یہ بات بالکل ٹھیک ہے لیکن آج قرآن کے جو نسخے ہمارے ہاتھوں میں ہیں انکی کیا حیثیت ہے۔ جس کاغذ پر قرآن کی طباعت کی جاتی ہے وہ کاغذ، قلم، سیاہی اور حروف کہ جس سے الفاظ سے بنے ہیں ان کی کیا حیثیت ہے۔ کیا کاغذ پر کندہ حروف کے ان قرآنی مجموعوں کو ہم مخلوق کہہ سکتے ہیں ؟ یا اسکی الگ کوئی توجیہ کی جائے گی۔ مقصود مناظرہ نہیں بلکہ اپنی ذہنی الجھن دور کرنا ہے۔ اس لئے اہل علم سے خاص توجہ کی گذارش ہے۔

 

[قاھر الارجاء و الخوارج]

لفظی بالقرآن کے بارے احمد بن حنبل رحمہ اللہ کلام کو بدعت کہتے تھے جبکہ بعض کے ہاں قاری کے منہ سے نکلنے والے الفاظ اللہ کے ہیں جنھیں قاری پڑھ رہا ہے ہاں جو کاغذ ہے وہ مخلوق ہے ، سیاہی مخلوق ہے ، لیکن اس میں جو لکھا ہے وہ اللہ کا کلام ہے لکھائی کاتب کی ہے
دیکھیئے عقیدہ طحاویہ ص 190 ۔191 ت الترکی کا نسخہ کلام اللہ محفوظ فی الصدور مقروء بالالسنۃ مکتوب فی المصاحف کی شرح میں
احمد بن حنبل رحمہ اللہ کا قول کتاب السنۃ میں ہے غالبا ابھی میرے پاس موجود نہیں نیٹ پر دیکھنا بہت تنگ کرتا ہے امید ہے کوئی اور بھائی اس کو مکمل کر دے گا ان شاء اللہ

 

[محمد فیض الابرار]

شیخ الاسلام ابن تیمیہ رحمہ اللہ العقیدۃ الواسطیۃ میں لکھتے ہیں:
وأن الله تكلم به حقيقة
یعنی بے شک اللہ تعالی نے اس کے ساتھ حقیقتا کلام کیا
یہ بات اس اصول پر مبنی ہے کہ تمام صفات باری تعالی حقیقی ہیں جب کلام اللہ حقیقت ہے تو پھر اس کا مخلوق ہونا غیر ممکن ہے اور غیر حقیقی ہے اس لیے کہ وہ ایک صفت ہے خالق کی صفت غیر مخلوق ہے جس طرح کہ مخلوق کی سفت بھی مخلوق ہے
امام احمد بن حنبل رحمہ اللہ کتاب السنۃ میں لکھتے ہیں کہ :
جس نے یہ کہا کہ قرآن کے ساتھ میرا لفظ مخلوق ہے تو وہ جہمی ہے اور جس نے یہ کہا کہ وہ مخلوق ہے تو یہ شخص بدعتی ہے ۔
اور شیخ العثیمین رحمہ اللہ لکھتے ہیں:
ہم یہ کہتے ہیں کہ لفظ کا اطلاق دو معنوں پر ہوتا ہے مصدر پر جو کہ فاعل کا فعل ہوتا ہے اور ملفوظ بہ پر پہلے معنی کی رو سے جو کہ مصدر سے عبارت ہے تو اس میں کوئی شک نہیں کہ قرآن اور غیر قرآن کے ساتھ ہمارے الفاظ مخلوق ہیں
اس لیے جب ہم یہ کہیں گے کہ لفظ سے مراد تلفظ ہے قومہ، زبان، ہونٹوں کی حرکت سے خارج ہونے والی یہ اآواز مخلوق ہے جس لفظ سے مراد تلفظ ہوگا وہ مخلوق ہوگا ملفوظ بہ قرآن ہو یا حدیث یا کوئی ایسا کلام جسے آپ نے اپنی طرف سے پیدا کیا ہو مگر جب لفظ سے مقصود ملفوظ بہ ہو گا تو اس صورت میں بعض کلام مخلوق ہوتا ہے اور بعض غیر مخلوق ، اساعتبار سے اگر ملفوظ بہ قرآن ہو تو وہ مخلوق نہیں ہے


یہ تو ہوا ایک اعتقادی مسئلہ جس پر سب کا ایمان ہے

 

[قاھر الارجاء و الخوارج]

امام احمد بن حنبل رحمہ اللہ کتاب السنۃ میں لکھتے ہیں کہ :
جس نے یہ کہا کہ قرآن کے ساتھ میرا لفظ مخلوق ہے تو وہ جہمی ہے اور جس نے یہ کہا کہ وہ مخلوق ہے تو یہ شخص بدعتی ہے

محمد فیض الابرار بھائی شاید یہاں کچھ غلطی ہو گئی اگر مجھے غلطی نہیں لگی تو کیا یہ
جس نے یہ کہا کہ وہ مخلوق ہے تو یہ شخص بدعتی ہے
جس نے یہ کہا کہ وہ غیر مخلوق ہے تو وہ بدعتی ہے
تو نہیں ؟؟؟؟

 

[محمد فیض الابرار]

اور اب دوسرا مسئلہ جو اسی سے متعلق ہے اس کے بارے میں بھی شیخ الاسلام ابن تیمیہ رحمہ اللہ فرماتے ہیں :
بَلْ إذَا قَرَأَهُ النَّاسُ أَوْ كَتَبُوهُ بِذَلِكَ فِي الْمَصَاحِفِ : لَمْ يَخْرُجْ بِذَلِكَ عَنْ أَنْ يَكُونَ كَلَامَ اللَّهِ تَعَالَى حَقِيقَةً فَإِنَّ الْكَلَامَ إنَّمَا يُضَافُ حَقِيقَةً إلَى مَنْ قَالَهُ مُبْتَدِئًا لَا إلَى مَنْ قَالَهُ مُبَلِّغًا مُؤَدِّيًا . وَهُوَ كَلَامُ اللَّهِ ؛ حُرُوفُهُ وَمَعَانِيهِ ؛ لَيْسَ كَلَامُ اللَّهِ الْحُرُوفَ دُونَ الْمَعَانِي وَلَا الْمَعَانِيَ دُونَ الْحُرُوفِ .
لوگ قرآن کو مصاحف میں لکھیں یا اس کی تلاوت کریں وہ کلام اللہ ہونے سے خارج نہیں ہوتا اس لیے کہ کلام حقیقتا اس کی طرف منسوب ہوتا ہے جس کے ساتھ ابتدا میں تکلم کیا ہے وہ اس کی طرف منسوب نہیں ہوتا جس نے اسے اآگے پہنچانے کے لیے ایسا کیا ہو قرآن اللہ کا کلام ہے اس کے حروف بھی اور اس کے معانی بھی اور نہ ہی کلام اللہ حروف سے ہٹ کر معانی کا نام ہیں۔
یعنی قرآن کو لوگ اپنے سینوں میں محفوظ کریں یا اس کی تلاوت کریں یا اسے مصاحف میں لکھیں وہ اپنے کلام اللہ ہونے سے خارج نہیں ہوتا اس سے کوئی فرق نہیں پڑتا اور اسی سے تیسرا مسئلہ بھی جزوی طور پر سامنے آجاتا ہے اس سے قبل محمد نعیم یونس بھائی کا یہ موضوع اگر دوبارہ پڑھ لیا جائے تو بہت مفید ہو گا اس سوال کے جواب کے لیے جو آپ نے کیا ہے
http://forum.mohaddis.com/threads/تعارف-قرآن-کریم.23913/

اور معذرت کے ساتھ میرا تدریس کا وقت شروع ہونے والا ہے باقی گفتگو ان شاء اللہ دوسری نشست میں

 

[123456789]

استادمحمد فیض الابرار صاحب باقی کا انتظار رہے گا۔

 

[محمد فیض الابرار]

شدید مصروفیت کی وجہ سے مزید دو یا تین دن بعد حاضری دوں گا

 

[lovelyalltime]

جو کچھ ہے اسے اگر خالق اور مخلوق کے نظرئے سے تقسیم کیا جائے تو ایک اللہ کی ذات خالق ہے اسکے علاوہ جو کچھ ہے وہ مخلوق ہے۔ اس تناظر میں میں نے جتنا سوچا اور جو کچھ قرآن کے مخلوق ہونے یا نہ ہونے کے حوالے سے پڑھا ۔ اسکی مجھے کچھ سمجھ نہیں آئی بلکہ اس پورے بحث کی مجھے سمجھ تو کیا آتی میں اس حوالے سے تذبذب کا شکار ہوا۔ کہ آیا قرآن مخلوق ہے یا نہیں۔ اگر مخلوق نہیں ہے تو پھر کیا ہے ؟ اللہ کا کلام ہے اور کلام صفت ہے۔ یہ بات بالکل ٹھیک ہے لیکن آج قرآن کے جو نسخے ہمارے ہاتھوں میں ہیں انکی کیا حیثیت ہے۔ جس کاغذ پر قرآن کی طباعت کی جاتی ہے وہ کاغذ، قلم، سیاہی اور حروف کہ جس سے الفاظ سے بنے ہیں ان کی کیا حیثیت ہے۔ کیا کاغذ پر کندہ حروف کے ان قرآنی مجموعوں کو ہم مخلوق کہہ سکتے ہیں ؟ یا اسکی الگ کوئی توجیہ کی جائے گی۔ مقصود مناظرہ نہیں بلکہ اپنی ذہنی الجھن دور کرنا ہے۔ اس لئے اہل علم سے خاص توجہ کی گذارش ہے۔

http://www.urdufatwa.com/index.php?/Knowledgebase/Article/View/5582/35/

http://rahbereislam.com/index.php/aima-e-arbaa/132-imam-ahmad-bin-hambal/284-khaq-e-quran-ka-fitna

http://islamqa.info/ur/10153

​

 

[123456789]

شدید مصروفیت کی وجہ سے مزید دو یا تین دن بعد حاضری دوں گا

ٹھیک ہے استاد جی

 

[سید منیر الدین]

السلام علیکم
میرے معلومات کے مطابق قرآن مخلوق نہیں ہے۔ اور علماء کو مغالطہ اس بات سے ہوا ہے شاید: جیسے بیت اللہ، ناقۃاللہ ، کلام اللہ ، یداللہ
اسمیں جیسے بیت اللہ ہے ، کلام اللہ کو بھی اسی طرح لیا گیاہے جو ایک سنگین غلطی ہے۔ اور ایمان کی خرابی ہے۔ یداللہ کلام اللہ ، یہ اللہ کے صفات ہیں اورانکی اللہ سے نسبت الگ الگ ہے۔ سیاہی و کاغذ کی بات اسمیں نہیں شامل ہوسکتی۔ یہ ایمان شاید احناف کا ہے۔ اور عقل کواسلامی احکامات پر مقدم رکھنے والوں کا ہے۔ اور جب تک اللہ کی صفات پر من و عن ایمان نہیں ہوتا آدمی مسلمان نہیں ہوتا۔ یہ نازک معاملہ ہے اسلئے ہم اسمیں سیاہی کاغذ کی مثال نہ دیتے ہوے ہم بغیر تاءویل کے اسکو تسلیم کرنے میں ہی عافیت ہے۔