• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

قوت تسخیر!

حرب بن شداد

سینئر رکن
شمولیت
مئی 13، 2012
پیغامات
2,149
ری ایکشن اسکور
6,345
پوائنٹ
437
السلام علیکم۔
دوستو!۔
سورۃ طٰہ کی دوسری آیت میں ایک عظیم حقیقت کا بیان ہے۔۔۔
خطاب نبی کریم صلی اللہ علیہ وسلم سے ہے۔۔۔
مَآ اَنْزَلْنَا عَلَيْكَ الْقُرْاٰنَ لِتَشْقٰٓي
ہم نے آپ پر (اے پیغمبر!) یہ قرآن اس لئے نہیں اتارا کہ آپ مشقت میں پڑ جائیں،

لفظ لِتَشْقٰٓي کا مادہ ش ق ی ہے جس سے شقی کا لفظ بنا ہے یہ لفظ سعید کے مقابلے میں آتا ہے چنانچہ شقی اس کو کہتے ہیں جو بدبخت ہو، ناکام ہو، بےمراد ہو، یعنی وہ شخص جس کی جدوجہد لاحاصل رہے نتیجہ خیز نہ ہو وہ شقی ہے اس آیت میں دراصل یہ بات کہی جارہی ہے کہ !

اے محمد صلی اللہ علیہ وسلم یہ قرآن آپ صلی اللہ علیہ وسلم پر اس لئے نازل نہیں ہوا کہ آپ صلی اللہ علیہ وسلم ناکام ہوں، یہ تو کامیابی کی ضمانت ہے اس قرآن میں جو قوت تسخیر اور جوتاثیر مضمر ہے اس کے پیش نظر یہ ممکن نہیں کہ اس سب کے ہوتے ہوئے آپ صلی اللہ علیہ وسلم ناکامی سے دوچار ہوں، آپ صلی اللہ علیہ وسلم یقینا کامیاب ہوں اور منزل مقصود تک پہنچیں گے اس دنیا میں بھی آپ صلی اللہ علیہ وسلم کی جدوجہد کامیابی سے ہمکنار ہوگی اور آخرت میں بھی آپ صلی اللہ علیہ وسلم کے مراتب بلند ہوں گے۔۔۔

اب آپ غور کیجئے!۔
کہ اس میں ہر اُس شخص کے لئے جو قرآن مجید کی کسی بھی درجے میں خدمت کررہا ہو، کس قدر بشارت ہے او اس کی دلجوئی کا کتنا سامان اس میں مضمر ہے اس قرآن کی شمشیر کو ہاتھ میں لو، اس کے حقوق کو ادا کرنے کے لئے کمربستہ ہوجائیں تو ہم خود ہی اپنی آنکھوں سے اس کی قوت تسخیر کا مشاہدہ کریں گے اس کے اندر جو ہیبت پنہاں ہے اور اس میں جو بے پناہ تاثیر پوشیدہ ہے قدم قدم پر اس کے مظاہرے ہمارے سامنے آئیں گے اور ہم بچشم سر ان کا مشاہدہ کریں گے۔۔۔۔
واللہ اعلم
والسلام علیکم۔۔۔
 
Top