لاہور، سائبر قانون کے تحت پہلے کیس کا فیصلہ،انٹرنیٹ پر لڑکیوں کی تصاویر لگانے والے کو بڑی سزاسنادی گ

[محمد عامر یونس]

لاہور، سائبر قانون کے تحت پہلے کیس کا فیصلہ،انٹرنیٹ پر لڑکیوں کی تصاویر لگانے والے کو بڑی سزاسنادی گئی

منگل‬‮ 29 ‬‮نومبر‬‮ 2016 | 22:13

لاہور(آئی این پی)سائبر کرائم کے تحت پہلے کیس کا فیصلہ سنا دیا گیا ، انٹر نیٹ پر لڑکیوں کی تصاویر آویزاں کر کے بلیک کرنے والے ملزم کو دو سال قید اور جرمانے کی سزا سنا دی گئی ۔

ایڈیشنل ڈسٹرکٹ اینڈ سیشن جج نے کیس کی سماعت کی۔ عدالت کے روبرو ایف آئی اے کی جانب سے پیش کیے گئے چالان میں کہا گیا ملزم یاسر لطیف انٹرنیٹ پر لڑکیوں کی تصاویر آویزاں کرتا ہے اور اس حوالے سے بچیوں کے والدین نے ایف آئی اے میں تحریری شکایات بھی درج کروائیں ہیں جبکہ واضح ثبوت بھی موجود ہیں۔ دوران سماعت ملزم کی جانب سے بتایا گیا کہ الزامات بے بنیاد ہیں کسی اور نے اس کے اکاؤنٹ سے تصاویر اپ لوڈ کیں۔ عدالت نے دلائل سننے کے بعد سائبر قانون کے تحت ملزم کو 2 سال قید اور 30 ہزار روپے جرمانہ کی سزا سنا دی۔