لباس پہننے کی سنتیں

[عبد الرشید]

جن کاموں کو تقریباً سارے لوگ دن اور رات میں کئی مرتبہ کرتے ہیں ان میں سے ایک لباس پہننا اور اتارنا ہے۔لباس کو اتارنے اور پہننے کے کئی مقاصد ہو سکتے ہیں،مثلاً غسل کے لیے لباس اتارنا اور اس کے بعد پہننا ،نیند کے لیے ایک لباس اتارنا اور دوسرا پہننا ،بیدار ہونے کے بعد نیند کا لباس اتارنا اور دوسرا لباس زیب تن کرنا،تو ہر مرتبہ لباس پہننے اور اتارنے کی مندرجہ ذیل سنتوں کا خیال رکھنا چاہیے:
1۔بسم اللہ پڑھنا:
چاہے لباس اتارنا ہو یا پہننا ہو۔امام نووی رحمہ اللہ کا کہنا ہے کہ :
’’تمام کاموں میں ’بسم اللہ ‘کا پڑھنا مستحب ہے۔‘‘
2۔رسول اکرم ﷺ جب کوئی بھی کپڑا (قمیص،چادریا پگھڑی وغیرہ) پہنتے تو یہ دعا پڑھتے:
((اللہم انی اسئلک من خیرہ وخیر ما ہولہ ،واعوذ بک من شرہ وشر ما ہولہ ))
’’اے اللہ ! میں اس (لباس) کی بھلائی کا اور جس کے لیے یہ ہے اس کی بھلائی کا تجھ سے سوال کرتا ہوں اور میں اس کی برائی سے اور جس کے لیے یہ ہے اس کی برائی سے تیری پناہ چاہتا ہوں۔‘‘ (ابوداؤد،ترمذی،احمد)
3۔لباس پہلے دائیں طرف سے پہنے:
ارشاد نبوی ﷺ ہے :
’’تم جب بھی لباس پہنو،دائیں طرف سے شروع کیا کرو۔‘‘ (ترمذی،ابوداؤد،ابن ماجہ)
4۔لباس اتارتے ہوئے پہلے بائیں طرف سے پھر دائیں طرف سے اتارے۔

 

[شاکر]

جزاک اللہ عبدالرشید بھائی

 

[انس]

2۔رسول اکرم ﷺ جب کوئی بھی کپڑا (قمیص،چادریا پگھڑی وغیرہ) پہنتے تو یہ دعا پڑھتے:
((اللہم انی اسئلک من خیرہ وخیر ما ہولہ ،واعوذ بک من شرہ وشر ما ہولہ ))
’’اے اللہ ! میں اس (لباس) کی بھلائی کا اور جس کے لیے یہ ہے اس کی بھلائی کا تجھ سے سوال کرتا ہوں اور میں اس کی برائی سے اور جس کے لیے یہ ہے اس کی برائی سے تیری پناہ چاہتا ہوں۔‘‘ (ابوداؤد،ترمذی،احمد)

جزاکم اللہ خیرا عبد الرشید بھائی!
میں نے پہلے بھی کئی بار ذکر کیا تھا کہ جو صحیحین کی احادیث مبارکہ کے علاوہ جو حدیثِ بھی ذکر کی جائے اس کی صحت وضعف ضرور بیان کی جائے۔ علاوہ ازیں جو حدیث مبارکہ آپ نے بیان کی ہے، مجھے وہ حدیث آپ کے بیان کردہ الفاظ کے ساتھ نہیں ملی جامع ترمذی، سنن ابو داؤد اور مسند میں یہ حدیث مبارکہ ان الفاظ کے ساتھ موجود ہے: « كان رسول الله صلى الله عليه وسلم إذا استجد ثوبا سماه باسمه إما قميصا أو عمامة ثم يقول اللهم لك الحمد أنت كسوتنيه أسألك من خيره وخير ما صنع له ، وأعوذ بك من شره وشر ما صنع له » ...صححه الالباني رحمه الله في صحیح أبی داؤد: 4020

3. لباس پہلے دائیں طرف سے پہنے:
ارشاد نبوی ﷺ ہے :
’’تم جب بھی لباس پہنو،دائیں طرف سے شروع کیا کرو۔‘‘ (ترمذی،ابوداؤد،ابن ماجہ)

میں نے یہ بھی عرض کیا تھا کہ کوشش کی جائے اللہ تعالیٰ اور نبی کریمﷺ کے الفاظ کو حتی الامکان عربی میں لکھا جائے، کیونکہ ان کی اصل کلام عربی میں ہی ہے، پھر اس کا ترجمہ کیا جائے، یا پھر وضاحت کی جائے کہ یہ اللہ تعالیٰ یا نبی کریمﷺ کے کلام کا مفہوم ہے۔ کیونکہ کہیں ایسا نہ ہو کہ غلطی کی صورت میں صورت میں وبال کا سامنا کرنا پڑے۔

 

[شاکر]

جزاک اللہ انس بھائی جان۔

 

[راجا]

جزاک اللہ بھائی عبدالرشید اور بھائی انس۔۔۔