لے ہی لیتے جاں میری کیوں قلق رہنے دیا

[محمد زاہد بن فیض]

لے ہی لیتے جاں میری کیوں قلق رہنے دیا
زندگی کی دیکھ کر مجھ میں رمق رہنے دیا

رہنمائے عاشقاں پوری پڑھی اس نے مگر
تھا وفا کا زکر جس میں وہ سبق رہنے دیا

داستاں اس کے ستم کی میں‌ سنا دیتا مگر
ہو بھری محفل میں رنگ اس کا نہ فق رہنے دیا

مجھ کو گھر داماد رکھنے کے مخالف تھے سسر
دیکھ کر بیٹی کی آنکھوں میں عرق رہنے دیا

دل کی چوری پر رپٹ لکھوا تو سکتا تھا مگر
ڈر سے تھانے اور کچہری کے یہ حق رہنے دیا

کل رقیبوں نے گلی میں‌ اس طرح‌ گھیرا مجھے
کر دیے تیرہ تو روشن ایک طبق رہنے دیا

خط تجھے لکھنے کو شوکت اس نے پکڑا تھا قلم
جانے پھر کیا سوچ کر سادہ ورق رہنے دیا

شوکت جمال
بشکریہ شعرو سخن ڈاٹ کام​