انٹرویو محترم ابن بشیر الحسینوی صاحب

[ابن قدامہ]

وقت نکال کر کم از کم ایک ماہ میرے جامعہ میں وقت دے ان شاء اللہ منھج، حدیث اور علوم حدیث واضح کرنے کی کوشش کی جائے گی اور عملی پریکٹس بھی کروائی جائے گی ۔ان شائ اللہ ۔
یا کم از کم میری سکائیپ پر وقت لے لیں
میری قیمتی کتاب :نصیحتیں میرے اسلاف کی
زیر طبع ہے اسلامی بک کمپنی فیصل آباد سے اس کا مطالعہ کرنا ۔۔۔۔سلف صالحین کی نصیتوں سے لبریز ہے ۔

میں تو پہلے سے ہی ایک جامعہ جو کے اہل حدیث کی نہیں ہے۔طالب علم ہوں۔اسی لیے یہ سوال کیا تھا

 

[ابن قدامہ]

میں تو پہلے سے ہی ایک جامعہ جو کے اہل حدیث کی نہیں ہے۔طالب علم ہوں۔اسی لیے یہ سوال کیا تھا

آپ کی اس بارے میں کیا راے ہے۔ اگرکسی کو دونوں علوم کا شوک ہو تو اسے زندگی کس علم میں صرف کرنی چاہیے ۔علم فقہ میں یا علم حدیث میں اور کیوں

 

[عبدالقیوم]

بہت اچھا انٹرویو تھا آپ کا اللہ آپ کی حفاظت کرے ۔ دین کازیادہ سےزیادہ کام لے اورآپ کی جائز خواہش کو پورا کرے آمین

 

[خضر حیات]

ماشاءاللہ ، بہترین انٹرویو تھا ، میرے جیسے طالب علم کے لیے اس میں ذوق و شوق کا کافی سامان ہے ۔

 

[ابن بشیر الحسینوی]

راقم کی تصنیفات و تحقیقات

کی فہرست تیاری کے مراحل میں ہے عنقریب لگا دی جائے گی ان شاء اللہ۔

 

[ابن بشیر الحسینوی]

علم فقہ قرآن وحدیث کا ہی نام ہے ۔
قرآن وحدیث میں ماہر ہونا فرض ہے جب اس میں مہارت ہو گی تو گویا وہ فقیہ ہے ۔۔۔۔قرآن وحدیث کے علاوہ اقول الرجال ہیں جن کو بعض نے ’’فقہ ‘‘ کا نام دے رکھا ہے جو کہ غلط ہے ۔

 

[ابن بشیر الحسینوی]

ابن بشیر الحسینوی
مختصر سوانحی خاکہ:
نام : ابو محمد ناصر الدین ابراہیم بن بشیر احمد بن محمد یعقوب بن عمر الحسینوی
تاریخ پیدائش: ۱۸ اپریل ۱۹۸۳ء
جائے پیدائش : حسین خانوالا ہٹھاڑ قصور
فون نمبر ز: 0302.0323.0316:4056187
0492723032
سکائپ:ibrahim.alhusainwy
فیس بک:ibnebashir alhusainwi
ای میل : ialhusainwy@gmail.com
ویب سائٹس اینڈ بلوگز:
www.albisharah.com
albisharah.blogspot.com
alhusainwy.blogspot.com
altahqeeqat.blogspot.com
پتہ:حسین خانوالا ہٹھاڑ تحصیل و ضلع قصور پاکستان
صدر:المؤسسۃ الاثریہ الخیریۃ پاکستان
چیئر مین :جامعہ امام احمد بن حنبل رحمہ اللہ سٹی قصور
متخرج جامعہ لاہور الاسلامیہ لاہور ،جامعہ محمدیہ گوجرانوالا و متخصص مرکز التربیۃ الاسلامیہ فیصل آباد
نائب شیخ الحدیث جامعہ امام بخاری گندہیاں اوتاڑ قصورسابقا نائب شیخ الحدیث دارالحدیث الجامعۃ الکمالیۃ راجووال اوکاڑہ سابقا
رکن مجلس شوری محدث فورم تدریسی تجربہ :دس سال
مشہور اساتذہ:
شیخ الحدیث حافط ثناء اللہ مدنی حفظہ اللہ شیخ الحدیث حافظ عبدالمنان نورپوری رحمہ اللہ
شیخ الحدیث عبداللہ امجد چھتوی حفظہ اللہ محدث العصر شیخ ارشاد الحق اثری حفظہ اللہ
شیخ الحدیث شفیق مدنی حفظہ اللہ شیخ الحدیث محمد رمضان سلفی حفظہ اللہ
شیخ الاسلام حافظ مسعود عالم حفظہ اللہ اصولی دوراں حافظ محمد شریف حفظہ اللہ
محقق العصر حافظ زبیر علی زئی رحمہ اللہ الشیخ المعمر محمد حیات لاشاری سندھی رحمہ اللہ
دعوتی خدمات:
مستقل خطبہ جمعۃ المبارک جامعہ امام احمد بن حنبل رحمہ اللہ سٹی قصور
بعض جگہوں پر فکری و تربیتی دروس بھی ہوتے رہتے ہیں ۔

تصنیفات و تحقیقات

عربی کتب:
۱: تنبیہ المحققین علی تدلیس المدلسین المعروف بموسوعۃ المدلسین
۲: الفتح الجلیل فی ضوابط الجرح والتعدیل
۳: النصیحۃ لمن اراد قبول النصیحۃ فی التعلیق علی انوارالصحیفۃ
۴: الاعلان فی معرفۃ من قیل فیہ لم یسمع عن فلان
۵: التّبیین فی شرح اصل السنّۃ واعتقاد الدین
۶: معجم الضعفاء والمجھولین (تحت الترتیب)
۷: موسوعۃ الأحادیث الشاذۃ
۸: الرد علی الھدایۃ للمرغینانی
۹: علوم الحدیث عندالشیخ الالبانی
۱۰: تعلیقات علی تیسر مصطلح الحدیث للدکتور محمود طحان
۱۱: موسوعۃ القواعد الفقہیۃ
۱۲: زاہد الکوثری فی میزان الامام الالبانی رحمہ اللہ
۱۳: فقہ المحدثین عن احادیث صحیح البخاری۔
۱۴: حاشیۃ مشکوۃ المصابیح لطلبۃ الجامعات ،تحت الترتیب ۔
۱۵: تعلیقات الشیخ الاثری حفظہ اللہ علی سلسلتی الامام الالبانی رحمہ اللہ
۱۶: التقریر علی التقریب
۱۷:الرجال عند علماء الاحناف جرحا وتعدیلا
۱۸:سکوت المحدثین عن درجۃ الحدیث
۱۹:الرد القوی علی العرف الشذی
۲۰:الاحادیث الضعیفۃ عندالامام البخاری
۲۱:البرھان فی تناقضات ابن حبان
۲۲:تلخیص الکواکب النیرات
۲۲:موسوعۃ احادیث الصیام
اردو کتب:
۲۳: شرح صحیح مسلم فی ۷ ،اجزاء تحت الطبع فی باکستان
۲۴: شرح مقدمہ صحیح مسلم ۔تحت الطبع۔
۲۵: شرح الجامع الترمذی فی ۵،اجزاء۔غیر مطبوع۔
۲۶: شرح مسند الحمیدی ۔تحت الطبع
۲۷: حاشیہ السنن الکبری للبیہقی تحت الترتیب
۲۸: ائمہ قراء ت جر ح و تعدیل کی میزان میں (رشد قراء ت نمبر میں مطبوع ہے )
۲۹: اصول تخریج و تحقیق۔طبع علی انترنیت۔
۳۰: حسن لغیرہ حدیث کی حجیت پر وارد اشکالات کا علمی جائزہ ۔مطبوع علی انترنیت ۔
۳۱: سلسلۃ الاحکام الصحیحۃ طبع الجزء الاول
۳۲: سلسلۃ الاحکام الضعیفۃ ۔ما طبع
۳۳: فرق باطلہ کے تعاقب میں ۔طبع البعض فی الرسائل وانترنیت۔
۳۴: بالوں کا معاملہ ۔مطبوع
۳۵: جانوروں کے احکام۔ تحت الطبع
۳۶: التقریب لعلوم الشیخ المحدث ارشاد الحق الاثری حفظہ اللہ۔ ما طبع ۔
۳۷: نصیحتیں میرے اسلاف کی۔تحت البطع ۔
۳۸ سفر نامہ ابن بشیر الحسینوی ۔طبع علی انترنیت۔
۳۹: گھر کا دینی نصاب
۴۰: جاہلوں کی دنیا
۴۱: مساجد کے احکام۔ مطبوع
۴۲: الرد علی القدوری۔ غیر مطبوع
۴۳: الرد علی الھدایۃ للمرغینانی۔غیر مطبوع ۔
۴۴: شرح صحیح بخاری پرم کام جاری ہے
۴۵: طہارت کے احکام
۴۶: جوتے اور پاؤں کے احکام
۴۷: درس ترمذی از تقی عثمانی کا تعاقب
۴۸: آثار السنن کا تعاقب
۴۹: میں محدث کیسے بنوں؟
۵۰: عورت کے گھر سے نکلنے کے احکام

مراجعت و تخریج و تحقیق:
۵۱: تحقیق وتخریج مسند الإمام احمد بمشارکۃ بعض الاخوۃ وہو مطبوع من دارالسلام الریاض
۵۲: تحقیق بلوغ المرام تحت الطبع فی باکستان۔
۵۳: تحقیق وتخریج الإصلاح (الجزء الثانی)لمحمد الجوندلوی رحمہ اللہ۔مطبوع
۵۴: تحقیق وتخریج کتاب الاذان لعبدالقادر الحصاری رحمہ اللہ ۔تحت الطبع۔
۵۵: تحقیق و تخریج الصحیحین لعبدہ الفلاح رحمہ اللہ۔غیر مطبوع۔
۵۶: تحقیق و تخریج ادعیۃ الرسول لعطاء اللہ حنیف البھوجیانی رحمہ اللہ ۔ماطبع۔
۵۷: راجع ’’تحقیق المعجم المختص للحافظ الذھبی ‘‘رسالۃ دکتورۃ للشیخ الدکتورمحمد عبدالرحمن یوسف حفظہ اللہ۔تحت الطبع ۔
۵۸ وراجع وقابل علی النسخ المطبوعۃ من الکتب الحدیثیۃ وصحّح،الجامع الکامل فی الحدیث الصحیح الشامل للمحدث ضیاء الرحمن الاعظمی المدنی فی۲۰ مجلدا ۔بمشارکۃ بعض الاخوۃ وہو تحت الطبع فی دارالسلام الریاض۔
۵۹: و راجع ترجمۃ صحیح ابن حبان۔تحت الطبع ۔
۶۰: المعلقات فی صحیح البخاری ۔دراسۃ علمیۃ ومنھجیۃ مع التحقیق و التخریج
۶۱تا۷۵ : تخریج و تحقیق و تصحیح کتب محمد سعید محدث بنارسی
۷۶: الآن ھو یعمل علی کتب بعض تلامیذ السید المحدث نزیر حسین دہلوی رحمہ اللہ ۔
۷۷: تخریج و تحقیق تحفۃ الجمعۃ لشیخ محمد یوسف راجووالوی رحمہ اللہ
۷۸: تخریج وتحقیق اہل حدیث کے امتیازی مسائل
۷۹: تخریج و تحقیق زیارت قبور از اسماعیل سلفی رحمہ اللہ
۸۰: تخریج و تحقیق شرکیہ دم جھاڑ پر فیصلہ کن بحث از محدث روپڑی
وغیرہ نوٹ:بعض مخطوطات دیکھنے کا موقع نہیں ملا ورنہ ان میں بھی کئی ایک میری ذاتی کتب کے مخطوط مل جائیں گے ۔
دعا:اللہ تعالی مجھ سے اپنے دین حنیف کا کام لے لے اور میرے لئے آسانیاں پیدا فرمائے آمین
پاکستان کے درج ذیل رسائل وجرائد میں علمی و تحقیقی مضامین شایع ہوتے ہیں

ٍ الاعتصام بلاہور باکستان ضیاء حدیث بلاہور باکستان الحدیث حضرو اتک باکستان
تنظیم اہل حدیث لاہور جرار لاہور اسوہ کراتشی المکرم جوجرانوالا باکستان
دفاع اسلام کراچی
۔۔۔۔۔۔۔۔۔۔۔۔۔۔۔۔۔۔

 

[ابن بشیر الحسینوی]

شرح مسند حمیدی کی مکمل ہو گئی تھی اب وہ شایع ہو رہی ہے ۔
اس کے بعد السنن الکبری للبیھقی پر کام کرنے سے پہلے السنۃ لابن ابی عاصم پر کام جاری ہے دو ہفتوں تک یہ کام بھی مکمل ہو جائے ان شاء اللہ ۔

 

[محمد فیض الابرار]

اللھم زد فزد

 

[sabm90]

10:اآپ نے اپنا جامعہ کیوں قائم کیا ؟

راقم نے عرصہ نو سال دو مدارس(آٹھ سال ایک جامعہ امام بخاری گندھیاں اوتاڑ قصور میں بلکہ اس جامعہ کا راقم کو پہلا استاد ہونے کا شرف حاصل ہے اور ایک سال دارالحدیث راجووال ) میں تدریس کی اللہ تعالی کی توفیق سے ان دونوں جامعات ڈٹ کر کام کیا ،راقم ایک لمبی سوچ رکھتا ہے جس کے لئے میرا اپنے ادارے میں بیٹھنا ضروری تھا اس کے لئے عرصہ نو سال سے پلاننگ جاری تھی بس۱۴ اگست ۲۰۱۴ کو اللہ تعالی نے اپنے گاؤں کے کے قریبی شہر قصور میں ایک موسسۃ قائم کرنے کی توفیق عطافرمادی ۔مؤسسۃ کے تحت درج ذیل پروگرام جاری ہیں
۱:شعبۃ علوم اسلامیۃ
جامعۃ الامام احمد بن حنبل رحمہ اللہ والتربیۃ الاسلامیۃ قصورپاکستان
کا تعارف
14 اگست2014 ء کو جامعہ کی بنیاد قصور شہر میں ایک عارضی اور محدودسی بلڈنگ میں رکھی گئی جس میں شعبہ درس نظامی کا افتتاح کیا گیا اور الحمدللہ مختلف شہروں سے طلبہ نے داخلہ لیا اب تک پاکستان کے مختلف علاقوں سے طلبہ داخل ہو چکے ہیں اور اب
درس نظامی کی تین کلاسیں(درجہ رابعہ ،درجہ اولی ،درجہ اعدادی) جاری ہیں اور اب چوتیس طلبہ داخل ہیں
نصاب :وفاق المدارس السلفیہ سے ملتا جلتا ہے اور اس نصاب میں قدیم کتب بھی شامل کی گئی ہیں
ہمارے نصاب کا ایک خاص امتیاز ہے وہ برصغیر کے کسی بھی مدرسہ کو حاصل نہیں اس کی مختصر تفصیل یہ ہے کہ حدیث اور علوم حدیث پر خاص توجہ دی جاتی ہے اور حدیث کی درس و تدریس کا منھج محدثین کی مثل ہے ۔ مثلا کتب ستہ کی تدریس کے ساتھ ساتھ مسند احمد،سنن الدار قطنی ، صحیح ابن خزیمہ ،صحیح ابن حبان ،مستدرک الحاکم ، مستخرج ابی عوانہ ،الاوسط لابن المنذر وغیرہ بھی داخل نصاب ہیں اور طلبہ کو حدیث کی تدریس کے دوران دور دور تک علوم حدیث کی گہرائیوں تک مطالعہ کروایا جاتا ہے اورطلبہ کو اصل مراجع و مصادر کی کتب تک رسائی کروائی جاتی ہے یہی وجہ ہے کہ طلبہ کا اکثر وقت مراجع و مصادر کی کتب کے مطالعہ میں گزرتا ہے ،ہماری یہ سوچ ہے کہ طالب علم کو سات سال علمی ماحول دیا جائے اور انداز تدریس بھی ایسا ہے جس میں اساتذہ ہرہر بات اصل کتب سے دکھانے کی کوشش میں لگے رہتے ہیں و الحمدللہ۔طلبہ میں تحقیق و تصنیف پرتوجہ اس طرح کروائی جاتی ہے کہ وہ مسلسل کسی نہ کسی علمی بحث کی تحقیق میں لگے رہتے ہیں ۔یہاں یہ بات بھی خوشی کا باعث ہے کہ کتب رجال تک بچوں کی رسائی کروائی جاتی ہے
جس طالب علم کاجس طرف ذوق ہو اس کی اسی فن میں مکمل رہنمائی کی جاتی ہے بعض طلبہ تقابل ادیان میں ماہر بن رہے ہیں اور بعض علوم حدیث میں اور بعض دیگر علوم وفنون میں ۔لیکن درسی کتب بھی سارے مکمل کر رہے ہیں لیکن اضافی وقت میں وہ اپنے اپنے فن میں دلچسپی لیتے ہیں ،کافی غور وفکر کے بعد ہم نے یہ ماحول بنانے کی کوشش کی ہے جب کسی طالب علم کو سات سال ماحول نہ دیا جائے ،نہ لائبریری میں جانے دیاجائے اور نہ ہی اساتذہ طلبہ کو علمی ماحول دیں جس میں اصل مراجع و مصادر تک رسائی نہ ہو تو وہ طالب علم سات سال کے بعد علمی دنیا میں فیل نظر آتے ہیں اور وہ کبھی بھی علمی ماحول میں نہیں آتا بلکہ کسی نمک کی کان میں چلا جاتا ہے اور ضایع ہو جاتا ہے
اور جب جامعہ میں شیوخ تصنیف و تحقیق کا کام کرتے ہیں تو طلبہ ان کے معاون ہوتے ہیں کوئی طالب علم کتب رجال سے کسی راوی کو تلاش کررہا ہوتا ہے تو کوئی کسی کتب حدیث سے حدیث تلاش کررہاہوتاہے اور کوئی کسی لغت کی کتاب سے کسی لفظ کی تحقیق کررہاہوتا ہے اور کوئی طالب کسی مفتی صاحب کا فتوی تلاش کررہا ہوتا ہے ۔
جامعہ کے مکتبہ کے دروازے چوبیس گھنٹے کھلے رکھے جاتے ہیں والحمدللہ۔
اسی کو ہم علمی ماحول سے تابیر کرتے ہیں ۔
اور بڑی کلاسز کے طلبہ کو جدید انداز میں عملی پریکٹس کروائی جاتی ہے مثلا مکتبہ شاملہ ،اور انٹر نیٹ وغیرہ پر بھی کام کرنے کے طریقوں کی ٹریننگ دی جاتی ہے ۔اور طلبہ میں تصنیف و تحقیق کی طرف بھی بھر پور مشق کروائی جاتی ہے ۔
اور ہماری یہ سوچ ہے کہ ہمارے طلبہ دینی علوم میں رسوخ کے ساتھ ساتھ عربی ،انگلش اور اردو میں ماہر بھی ہوں گے ان شاء اللہ ۔تاکہ وہ عالمی سطح پر کام کر سکیں ۔اور انداز تدریس خالصۃ محدثانہ و محققانہ رکھا گیا ہے ۔
سات سالہ کورس ہے ،عصری تعلیم کا بھی معقول اہتمام،کمپیوٹر کی تعلیم ،مڈل پاس یا حافظ پلس پرائمری پاس کو داخلہ دیا جاتا ہے علاج معالجہ کھانا اور ہاسٹل فری ،علوم و فنون میں ماہر شیوخ کی خدمات ،عربی ،انگلش اور اردو بول چال میں خصوصی توجہ،تقریر و تحریر کی عملی ٹریننگ روزانہ طلبہ کی تبلیغی جماعتیں نکالنا،طلبہ کے وسعت مطالعہ کے لئے چوبیس گھنٹے اوپن لائبریری کا قیام،طلبہ میں رسوخ فی العلم کے لئے انٹرنیٹ سے دینی و تحقیقی ویب سائٹس سے استفادے کا موقع دینا
تدریس کا محدثانہ و محققانہ انداز جس میں ہر بات تحقیق سے کی جاتی ہے اور ہر بات باحوالہ کتاب سے دکھائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔


شعبہ تحقیق و تصنیف
فی الحال صحیح البخاری او ر سنن الکبری للبیھقی کی شروحات وغیرہ پر کام جاری ہے اور بعض نادر کتب کی تحقیق کی جا رہی ہے ۔
مختلف علمی و تحقیقی مضامین لکھے جاتے ہیں جو انٹرنیٹ اور مختلف رسائل وجرائد میں شایع ہوتے ہیں۔
مختلف مکتبے مؤسسۃ کے اہل علم سے تحقیقی و تصنیفی کام لیتے رہتے ہیں ۔
طلبہ اور اہل علم کو تحقیق و تصنیف کی ٹریننگ بھی دی جاتی ہے ۔
تصنیفی وتحقیقی میدان میں جو کچھ لکھا گیا ہے اور ابھی شایع کرنے کے وسائل نہیں اللہ تعالی آسانی فرمائے جلد ہی یہ قیمتی کتب شایع کی جائیں گی ان شاء اللہ
درس نظامی کے بڑی کلاس کے بعض طلبہ بھی تصنیف و تحقیق کے میدان میں اتر چکے ہیں اور بعض کتب بھی مکمل لکھ چکے ہیں والحمدللہ
محدث العصر شیخ الحدیث عبدالرحمن ضیاء حفظہ اللہ کی صحیح بخاری مکمل شرح کے ساتھ ریکارڈ کی جارہی ہے اور ادارہ اس کا مسودہ تیار کرواررہاہے جو سلفیوں کی ایک بہت جامع اور مانع شرح ہوگی ان شاء اللہ ۔ ہم نے اپنے( موسسۃالاثریۃ الخیریۃ) کے تحت ’’دفاع اسلام فورم‘‘قائم کر رکھا ہے اس کے تحت اسلام پر مستشرقین کے جوابات انگلش میں لکھے جا رہے ہیں اور حدیث سے مذاق کرنے والوں کے تعاقب میں اردو زبان میں بہت کچھ لکھا گیا ہے اور مزید سلسلہ جاری ہے ۔
اور ادارہ کے استاد محترم شیخ عمر گل حفظہ اللہ نے کافی کتب لکھ رکھی ہیں جو غیر مسلموں کے قرآن مجید پر اعتراضات کے جوابات پر مشتمل ہیں اور ساری کتب انگلش زبان میں ہیں
۔۔۔۔۔۔۔۔۔۔۔۔۔۔۔۔۔۔
ٹریننگ سیکشن:
جامعہ امام احمد بن حنبل قصور میں ہر بدھ بعد نماز عشاء حفاظ ،طلبہ ،ائمہ مساجد اور مبلغین کو ٹریننگ دی جاتی ہے جس کے درج ذیل مقاصد ہیں
۱:فن تقریر میں ماہر بنانا ۲:مکتبہ شاملہ سے سرچ و تحقیق کرنے کا طریقہ ۳:عوام کے سوالات کے جوابات دینے کی پریکٹس
۴:انٹرنیٹ میں مہارت ۵:جدید فقہی مسائل کا حل ۶:فن تصنیف و تحقیق میں مہارت
۔۔۔۔۔۔۔۔۔۔
شعبہ جالیات
ملک بھر میں مستقل تفہیم اسلام کورسز اور سوال وجواب سیکشن کروا رہے ہیں اب تک تیس سے زیادہ جگہوں پر ہفتہ وار ،پندرہ روزہ اور ماہانہ کلاسز جاری ہیں اس میں روایتی انداز سے ہٹ کر کام کررہے ہیں اور کئی کئی گھنٹوں پر مشتمل سوال و جواب سیکشن ہوتا ہے ۔جس علاقہ میں بھی پروگرام ہو وہاں کے عوام ہی نہیں بلکہ اہل علم بھی بہت زیادہ استفادہ کرتے ہیں اور عوام میں بیداری پیدا ہو رہی ہے ان پروگراموں کی وجہ سے لوگ دین اسلام کی حقانیت سے بہت زیادہ متاثر ہورہے ہیں اور اپنے اپنے علاقوں میں لائبریریاں بنا رہے ہیں اور کئی ایک جگہوں پر توجہ دلانے کی وجہ سے حلقات علمیہ قائم ہو چکے ہیں ،اور تمام لوگوں کو پروگرام سے آخر میں جامعہ میں کچھ دن وقت نکال کرآنے کا وعدہ لیا جاتا ہے اور بعض لوگ جامعہ میں وقت بھی دے رہے ہیں انھیں پروگراموں کی وجہ لوگ اپنے بیٹے بھی دینی تعلیم کے لئے وقف کر رہے ہیں اور انھیں پروگراموں میں بعض باطل فرق بھی اپنے اشکالات لے کر حاضر ہوتے ہیں اور بحث و مناظر ہ کرتے ہیں اب تک الحمدللہ کئی لوگ باطل فرق اور باطل عقائد و نظریات کو چھوڑ کر قرآن و حدیث کی طرف آچکے ہیں ،نیز یہ بات قابل ذکر ہے کہ ہمارا یہ پروگرام بلا تفریق تمام مکاتب فکر کی مساجد میں ہو رہے ہیں مثلا جماعۃ المسلمین ،بریلوی اور دیوبندی کی مساجد میں والحمدللہ۔خاص کر فریضۃ العلم (وہ علم جس کا ہر مسلمان پر سیکھنا فرض ہے )پر بہت زیادہ توجہ دی جاتی ہے ۔

ماشاءاللہ.کاش اللہ مجھے موقع دے آپ سے شرف تلمذ حاصل کرنے کا.آمین.