اعلانات محدث ٹائپنگ ایپلی کیشن کا استعمال ... سہل ترین انداز میں

[کلیم حیدر]

محدث ٹائپنگ ایپلی کیشن کا استعمال ... سہل ترین انداز میں

السلام علیکم ورحمۃ اللہ وبرکاتہ
معزز قارئین ادارہ محدث نے حال ہی میں آپ کے لیے ایک نیا تحفہ ’’ محدث ٹائپنگ پراجیکٹ ‘‘ پیش کیا ہے۔ جس کی تفصیلی ڈیٹیل کے ساتھ اس پراجیکٹ کے مقاصد سے آپ اس دھاگے

محدث ٹائپنگ پراجیکٹ: یونیکوڈ کتب کی جانب پہلا قدم

کے مطالعہ سے آگاہ ہوسکتے ہیں۔ یہاں پر اس ایپلی کیشن کے استعمال بارے بتایاجارہا ہے۔

لاگ ان ہونا یا رجسٹریشن کروانا
سب سے پہلے آپ یہ یو آر ایل ایڈریس بار میں ٹائپ کریں ...........محدث ٹائپنگ پراجیکٹ ...... آپ کے سامنے یہ صفحہ ظاہر ہوگا۔

اگر آپ نے پہلے سے رجسٹریشن کروالی ہوئی ہے تو اپنا یوزر نیم اور پاس دے کر لاگ ان ہوجائیں لیکن اگر آپ نے ابھی تک رجسٹریشن نہیں کروائی تو ’’ Register New User ‘‘ پہ کلک کردیں۔کھلنےوالا صفحہ کچھ یوں ہوگا۔

اس فارم کو فل کرتے ہوئے نیچے باکس میں دیئے گئے لفظ Register پہ کلک کردیں۔۔رجسٹریشن مکمل ہونے کے بعد لاگ ان ہونے کا کہے گا۔ یوزر نیم اور پاس دیتے ہوئے لاگ ان ہوجائیں۔۔ لاگ ان ہونے کے بعد یہ صفحہ ظاہر ہوگا۔

یہاں پر آپ کو کچھ آپشنز نظر آرہی ہونگی۔

• صفحہ اول

• کتاب منتخب کریں

• میرے ٹائپ کردہ صفحات

• کس یوزر نے کتنے صفحات ٹائپ کیے ہیں

• لاگ آؤٹ

یہاں پر اگر آپ نے ٹاپنگ کےلیے کتاب کو سلیکٹ کرنا ہے تو ’’ کتاب منتخب کریں ‘‘ پہ کلک کریں، اگر آپ نے اپنے ٹائپ کیے گئے صفحات دیکھنے ہیں کہ اب تک میری طرف سے کتنے صفحات ٹائپ ہوچکے ہیں تو ’’ میرے ٹائپ کردہ صفحات ‘‘ پہ کردیں، اگر آپ نے دوسرے یوزر کے ٹائپ صفحات دیکھنے ہیں تو ’’ کس یوزر نے کتنے صفحات ٹائپ کیے ہیں ‘‘ پہ کلک کردیں اور اگر آپ لاگ ان ہوکر لاگ آؤٹ ہونا چاہتے ہیں تو پھر ’’ لاگ آؤٹ ‘‘ پہ کلک کردیں۔
یقیناً آپ سب بھائیوں کا لاگ ان ہونے کا مقصد ٹائپنگ کرنا ہی ہوگا۔ اس لیے آپ ’’ کتاب منتخب کریں‘‘ پہ کلک کریں گے۔جب آپ اس آپشن پہ کلک کریں گے تو یوں صفحہ ظاہر ہوگا۔

یہاں پر آپ کو ٹائپنگ کےلیے پیش کی گئی کتب نظر آئیں گے۔ (فی الحال کم کتب ہیں، ان شاءاللہ ہماری کوشش یہی ہوگی کہ ہر موضوع پر ہر وقت ٹائپنگ کےلیے ایپلی کیشن پر کتاب موجود ہو، تاکہ جس بھی یوزر کو جس موضوع سے شغف ہے، وہ اس پہ ٹائپنگ کرسکے)۔۔۔آپ کسی کتاب کے نام پہ کلک کردیں۔ مثلاً ہم کرتے ہیں ’’ کیا عیسیٰ علیہ السلام کے والد تھے ؟ ‘‘ کتاب پر کلک۔۔ تو ہمارے سامنے یوں ونڈو ظاہر ہوگی۔

یہاں پر اس کتاب کے صرف وہی صفحات بدل بدل کر شو ہورہے ہونگے۔جو ابھی تک ٹائپ نہیں ہوئے ہونگے۔آپ اس کتاب کے کسی صفحہ پر کلک کریں مثلاً میں نے اس کتاب کے صفحہ نمبر15 کو پک کیا تو یہ صفحہ ظاہر ہوا

پہلے خانے میں صفحہ کی تصویر اور دوسرے خانے میں ٹائپنگ کےلیے ایڈیٹر۔۔تصویر سے دیکھتے جانا ہے اور ایڈیٹر میں ٹائپ کرتے جانا ہے۔۔ٹائپنگ کرتے ہوئے اغلاط کا خیال رکھنے کے ساتھ فارمیٹنگ کا بھی خیال رکھنا ضروری ہوتا ہے۔ اغلاط کا خیال آپ رکھیں گے۔ فارمیٹ کا خیال ہم نے خود ہی ایڈیٹر میں شامل کردیا ہے۔ بس آپ بھائیوں نے ایپلائی کرتے جانا ہے۔۔فارمیٹنگ دو طرح کی جاتی ہے۔۔ کمپوزنگ کے ساتھ ساتھ یا کمپوزنگ مکمل ہونے کے بعد۔۔بعض بھائیوں کو ساتھ ساتھ فارمیٹنگ کرنا اچھا لگتا ہے اور بعض بھائیوں کو ٹائپنگ مکمل ہونے کے بعد ایک ہی بار فارمیٹنگ کرنا اچھا لگتا ہے۔۔(مجھے صفحہ کمپلیٹ ہونے کے بعد فارمیٹنگ کرنا اچھا لگتا ہے۔کیونکہ اس سے صرف خیال ٹائپنگ پر ہی رہتا ہے۔ادھر ادھر نہیں بکھرتا)۔۔ایڈیٹر میں فارمیٹنگ کےلیے چند چیزیں شامل کی گئی ہیں۔۔ ان کا خیال رکھنا ضروری ہے۔

1۔ہمیشہ اردو عبارت کو اردو کی بورڈ سے اور عربی عبارت کو عربی کی بورڈ سے ٹائپ کرنا ہے۔
2۔ ہیڈنگ ون کو ہیڈنگ ون اور ہیڈنگ ٹو کو ہیڈنگ ٹو اور ہیڈنگ تھری کو ہیڈنگ تھری ہی لگانی ہے۔۔اور اسی طرح عربی عبارت کو عربی ٹیگ ہی ایپلائی کرنا ہے۔
3۔ نمبرنگ لگانا، بلٹس لگانا، ٹیکسٹ کو لفٹ، رائٹ اور سنٹر کرنا، انڈر لائن اور بولڈ کرنا، حواشی کےلیے سپر اور سب سکرپٹ کا استعمال کرنا اور اقتباس لگانا۔

 

[کلیم حیدر]

صفحہ کی ٹائپنگ

مکمل ہونے کے بعد یوں حالت ہوگی۔اب ہم نے اس صفحہ کی فارمیٹنگ کرنی ہے۔اس صفحہ میں صرف اردو اور عربی عبارت ہے، ہیڈنگ وغیرہ کچھ بھی نہیں لیکن بتانے کے خاطر تفصیل کے مطابق صفحہ کو ترتیب دیاجاتا ہے۔
ہیڈنگ ون کا استعمال
ہیڈنگ ون جس ٹیکسٹ پر ایپلائی کرنا ہے، اس کو سلیکٹ کریں۔اور ایدیٹر کے ایک کونے میں Paragraph لکھا نظر آئے گا۔ اس کے ساتھ بنے ایرو پر کلک کریں تو کھلنے والی لسٹ سے Heading 1 پہ کلک کردینا ہے۔

جب آپ کلک کردیں گے تو سلیکٹ شدہ ٹیکسٹ کو ہیڈنگ ون لگ جائے گی۔

ہیڈنگ ٹو کا استعمال
ہیڈنگ ٹو سب ہیڈنگ پہ لگانی ہوتی ہے۔مضمون کا ایک مین ٹائٹل یعنی ہیڈنگ ہوتی ہے، اور دوسری سب ٹائٹل یعنی ہیڈنگ ٹو۔ یہ ہیڈنگ ایپلائی کرنے کے ٹیکسٹ کو سلیکٹ کریں، اور ایدیٹر کے ایک کونے میں Paragraph لکھا نظر آئے گا۔ اس کے ساتھ بنے ایرو پر کلک کریں تو کھلنے والی لسٹ سے Heading 2 پہ کلک کردینا ہے۔

جب آپ ہیڈنگ ٹو ایپلائی کردیں گے تو ٹیکسٹ یوں ظاہر ہوگا۔

اسی طرح اگر ہیڈنگ تھری لگانی پڑ جائے تو وہ بھی اس طریقہ سے لگائی جاسکتی ہے۔
نمبرنگ لگانا
نمبرنگ لگانے کے دو طریقے ہیں۔ پہلا طریقہ ہے یہ ہے کہ آپ نے جن پوائنٹ کو نمبرنگ لگانی ہے۔ اس کو سلیکٹ کریں۔مثلاً

اور ایڈیٹر آپشنز میں سے Insert/Remove Nubered List پہ کلک کردینا ہے۔ تو یوں حالت ظاہر ہوگی۔

دوسرا طریقہ یہ ہے کہ آپ نے جس لائن کو نمبر دینا ہے، اس لائن میں کسی بھی جگہ کرسر رکھیں اور Insert/Remove Nubered List پہ کلک کردیں، شروع میں نمبر خود لگ جائے گا۔ اور انہی دو طریقوں سے بلٹس بھی لگائے جاسکتے ہیں۔
مزید ٹیکسٹ کو لفٹ، رائٹ اور سنٹر کرنا، انڈر لائن اور بولڈ وغیرہ کرنا بھی کوئی ایسا مشکل کام نہیں جس پر لکھا جائے۔ ۔ بس اشعار کو سینٹر کرتے جانا ہے۔
سپر اور سب سکرپٹ کا استعمال
ایڈیٹر میں دو بٹن کراس کے نشان زدہ نظر آئیں گے۔ایک کا نام Superscript اور دوسرے کا نام Subscript ہے۔ ان دونوں کا استعمال وضاحتی فٹ نوٹ کےلیے کرنا ہے۔ مثلاً پیرا گراف میں کسی جگہ کوئی قاعدہ لکھا ہوا ہے۔اس قاعدہ کے آخر میں کوئی نمبر ہے اور اس کی وضاحت نیچے یہی نمبر لگا کر فٹ نوٹ میں کردی گئی ہے۔ تو پھر آپ قاعدہ کے ساتھ جو نمبر لگا ہے، اس کو سلیکٹ کرکے سپر سکرپٹ پہ کلک کریں گے۔

تو یہی نمبر سائز میں چھوٹا ہوکر کچھ اوپر کو اٹھ جائے گا۔ اور اسی طرح نیچے فٹ نوٹ میں اس نمبر کو سلیکٹ کرکے سب سکرپٹ بٹن پریس کرناہے۔

نوٹ:
غور طلب بات یہ ہے کہ ایسا صرف وضاحتی نوٹ کے ساتھ کرنا ہے۔ کئی صفحات ایسے بھی سامنے ہونگے، کہ جن کے حوالہ جات فٹ نوٹ میں دیئے گئے ہونگے۔ آپ نے ان کو عبارت کے ساتھ ہی لکھنا ہے۔ اور حوالہ لگانے کا مستند طریقہ بھی یہی ہے کہ اگر قرآنی آیت ہے تو اس آیت کے آخر میں حوالہ لکھ دیاجائے ( عربی کے آخر میں۔۔ ترجمہ کے آخر میں نہیں) اسی طرح حدیث، قول یا پھر کسی کتاب کا پیرا ہے تو ان سب کاحوالہ عبارت کے آخر میں لکھنا بہتر ہوتا ہے۔

 

[کلیم حیدر]

اقتباس لگانا
اقتباس لگانے کا آسان طریقہ ہے، آپ نے جس عبارت کو اقتباس لگانا ہے، اس عبارت کو سلیکٹ کریں اور ایڈیٹر آپشنز میں سے ایک بٹن Block Quote نظر آئے گا۔اس کو پریس کردیں، سلیکٹ شدہ ٹیکسٹ اقتباس شدہ ہوجائے گا۔

عربی عبارات
عربی عبارات کی ٹائپنگ وغیرہ میں بہت خیال رکھنا پڑتا ہے۔قرآنی آیات کو تو تنزیل ڈاٹ نیٹ سے کاپی کرلیا جائے، لیکن کاپی کرتے ہوئے ایک بات کاخاص خیال رہے۔کہ عربی عبارت رسم عثمانی کے مطابق کاپی کرنی ہے۔ اس کا طریقہ یہ ہے کہ جب آپ تنزیل ڈاٹ نیٹ اوپن کریں گے۔تو ایک طرف آپ کو Quran نام سے بنا ایک سیکشن نظر آئے گا۔

اس قرآن والی بار پہ کلک کرنے سے Text لکھا نظر آئے گا۔ اور اس کے سامنے باکس ہوگا۔ اس باکس کے ایرو پر کلک کرکے Uthmani Minimal پہ کلک کردیں گے۔

تو اب جو کاپی کریں گے وہ رسم عثمانی کے مطابق ہوگا۔
باقی احادیث وغیرہ بھی اگر نیٹ سے تلاش کرلی جائیں مثلاً ان سائٹس سے .... الدرر السنیۃ .... اسلام ویب ....تو بہتر ہے، ورنہ پھر ٹائپ کردیں۔ لیکن ہر عربی عبارت ٹائپ عربی کی بورڈ سے کرنا ہے، اردو کی بورڈ سے نہیں۔
جب آپ قرآنی آیات اور عربی وغیرہ پیسٹ یا لکھ لیں گے، تو پھر اس کو سلیکٹ کریں گے اور ایڈیٹر آپشنز میں سے ایک جگہ Styles لکھا نظر آئے گا۔ اس پہ کلک کرکے Arabic Font پہ کلک کردیں گے۔ فارمیٹنگ کے لحاظ سے تمام معلومات سے آگاہ کردیا گیا ہے۔ الحمد للہ
جب آپ صفحہ کو ٹائپ کرنے کے بعد فارمیٹنگ وغیرہ بھی کرلیں گے۔ تو پھر اس ٹائپ صفحہ کو سیو کرنے کی باری آئے گی۔

 

[کلیم حیدر]

ٹائپنگ اور فارمیٹنگ مکمل ہونے کے بعد
صفحہ کی ٹائپنگ اور فارمیٹنگ کرنے کے بعد ایڈیٹر کے نیچے دیکھیں تو آپ کو یوں آپشنز نظر آئیں گی۔

اگر آپ نے عربی عبارت ٹائپ کردی ہے تو ’’ میں نے صفحہ میں موجود عربی بھی ٹائپ کر دی ہے۔‘‘ کے ساتھ بنے باکس کو چیک کردیں، لیکن اگر عربی عبارت نہیں کی تو پھر چیک باکس کو نہیں چھیڑنا۔اس سے نیچے عبارت لکھی نظر آئے گی۔’’ میں نے صفحہ کی فارمیٹنگ بھی کر دی ہے۔ ‘‘ اگر اس لائن پر عمل کرلیا ہے تو باکس کو چیک لگا دیں اور اگر نہیں کیا تو پھر ان چیک ہی رہنے دیں۔
ان دو عبارتوں کے بعد ان سے نیچے بھی باکس میں بنی دو عبارتیں نظر آرہی ہیں۔ ایک ’’ صفحہ کا کچھ حصہ بعد میں ٹائپ کروں گا ‘‘ دوسری ’’ صفحہ مکمل ٹائپ کرلیا ہے‘‘ ....اس عبارت ’’ صفحہ کا کچھ حصہ بعد میں ٹائپ کروں گا ‘‘ کا استعمال اس وقت کرنا ہے، جب آپ نے صفحہ کا کچھ حصہ کمپوز کیا پھر کہیں کام جانا پڑ گیا۔تو اس آپشن پہ کلک کردینا ہے۔جتنا صفحہ آپ نے کمپوز کیا ہوگا وہ سیو ہوجائے گا اور اس سیکشن ’’ میرے ٹائپ کردہ صفحات ‘‘ میں اس صفحہ کے آگے لکھا نظر آئے گا ’’ صفحہ ادھورا ٹائپ ہوا ہے ‘‘
لیکن اگر آپ نے ہر لحاظ سے صفحہ کو مکمل ٹائپ کیا ہے تو پھر اس ’’ صفحہ مکمل ٹائپ کرلیا ہے‘‘ پہ کلک کردینا ہے۔ جب آپ اس پر کلک کریں گے تو آپ کے سامنے یہ صفحہ شو ہوگا۔

مزید اس بارے کوئی ایسی بات نہیں جو مبتدی سے بھی مبتدی یوزر کو بھی سمجھ نہ آسکے۔۔۔ اگر کوئی بات ہے تو آپ پوچھ سکتے ہیں۔۔ والسلام علیکم ورحمۃ اللہ وبرکاتہ

 

[حرب بن شداد]

جزاکم اللہ خیرا

 

[خضر حیات]

جزیت خیرا ۔

 

[محمد شاہد]

جزاکم اللہ خیرا

 

[محمد شاہد]

کلیم حیدر بھائی
میں نے کتاب: ذکرِ الٰہی - - - صفحہ نمبر23 سلکٹ کیا ہے لیکن میرے پاس صفحہ نمبر22 شو ہورہا ہے؟

 

[کلیم حیدر]

کلیم حیدر بھائی
میں نے کتاب: ذکرِ الٰہی - - - صفحہ نمبر23 سلکٹ کیا ہے لیکن میرے پاس صفحہ نمبر22 شو ہورہا ہے؟

شاہد بھائی بعض کتب کے تصویری اور فہرستی صفحات نمبرنگ کی ترتیب میں شامل ہوتے ہیں اور بعض کے نہیں ہوتے۔۔ایپلی کیشن نمبرنگ ترتیب کے لحاظ سے اس صفحہ کا نمبر23 ہے لیکن کتابی نمبرنگ سے اس کانمبر22 ہی ہے۔

 

[حرب بن شداد]

السلام علیکم۔
میرے ذہن میں تجویز تھی وہ یہ کہ کیا اس ایڈیٹر کو آف لائن استعمال کے قابل بنایا جاسکتا ہے۔۔۔
یہ سوال اسلئے پوچھا کہ کچھ ایسے مضامین تو دس سے بارہ صفحوں پر مشتمل ہوتے ہیں اُن کو اس ایڈیٹر کی مدد سے ہم تیار کریں۔۔۔
اور یہاں محدث فورم کے ایڈیٹر پر پیسٹ کردیں تاکہ ہمیں فارمیٹنگ میں وقت نہ لگے۔۔۔
اور اس طرح بہت سے مضامین جو مختلف موضوعات پر مشتمل ہوتے ہیں ان کو برق رفتاری سے محدث فورم پر پبلش کیا جاسکے۔۔۔
کیونکہ ایک آف لائن ایڈیٹر ہے مگر وہ آیڈیتر اچھا چوڑا ہے کہ دل ہی نہیں کرتا۔۔۔