![محدث فورم [Mohaddis Forum]](/styles/default/xenforo/Forum.jpg)
محمد آصف مغل
سینئر رکن
- شمولیت
- اپریل 29، 2013
- پیغامات
- 2,677
- ری ایکشن اسکور
- 4,006
- پوائنٹ
- 436
اَلرِّجَالُ قَوّٰمُوْنَ عَلَي النِّسَاۗءِ بِمَا فَضَّلَ اللہُ بَعْضَھُمْ عَلٰي بَعْضٍ وَّبِمَآ اَنْفَقُوْا مِنْ اَمْوَالِہِمْ۰ۭ فَالصّٰلِحٰتُ قٰنِتٰتٌ حٰفِظٰتٌ لِّلْغَيْبِ بِمَا حَفِظَ اللہُ۰ۭ وَالّٰتِيْ تَخَافُوْنَ نُشُوْزَھُنَّ فَعِظُوْھُنَّ وَاہْجُرُوْھُنَّ فِي الْمَضَاجِعِ وَاضْرِبُوْھُنَّ۰ۚ فَاِنْ اَطَعْنَكُمْ فَلَا تَبْغُوْا عَلَيْہِنَّ سَبِيْلًا۰ۭ اِنَّ اللہَ كَانَ عَلِيًّا كَبِيْرًا۳۴
۱؎ قوام یا قیم کے معنی ہوتے ہیں منصرم یا منتظم کے۔ اس آیت میں فلسفۂ تدبیر منزل کی مشکلات کا حل ہے۔عائلہ یا فیملی ایک قسم کی چھوٹی سی ریاست ہے جس کے متعددرکن ہیں۔ سوال یہ ہے کہ ان کا منتظم ومنصرم کون ہے ۔ قرآن حکیم کا فیصلہ یہ ہے کہ مرد اوراس کی وجہ یہ ہے کہ مرد عورت کے لیے آذوقۂ حیات بہم پہنچانے پر مجبور ہے ،عورت نہیں اور اس لیے بھی کہ فطری طورپر مرد میں منتظم بننے کی صلاحیتیں موجود ہیں۔ یہ درست ہے عورتیں بھی کام کرسکتی ہیں مگروہ ہروقت ایسا نہیں کرسکتیں۔ان کی جنسی کمزوریاں انھیں بہرحال منصرم رہنے کی اجازت نہیں دیتیں۔بخلاف مرد کے کہ وہ کڑی سے کڑی مصیبتیں برداشت کرلیتا ہے ۔ پس نیک عورتیں وہ ہیں جو اپنی ذمہ داری کو محسوس کرتی ہیں اور خاوند کی دل سے قدر کرتی ہیں۔یہ یادرہے کہ اس ریاست کا نظام یکسرجمہوری ہے ۔ گھر کے چھوٹے چھوٹے کام بھی بلامشورہ نہ ہونے چاہییں۔ چنانچہ دودھ پلانے کا مسئلہ دوسرے پارے میں گزرچکا ہے کہ وہ بھی باہمی تشاور وتراضی سے ہو۔
۲؎ یہ حقیقت ہے جس کا بارہا اعتراف کرنا پڑا ہے کہ قرآن حکیم ہماری تمام مشکلات کا حل اس خوب صورتی اور جامعیت سے پیش کرتا ہے کہ بے اختیار دل سے کلمات تحسین نکل جاتے ہیں۔یہ ایک ایسی کتاب ہے جو معاشرت کے تمام ابواب وفصول ہمارے لیے واشگاف کرکے رکھ دیتی ہے ۔ اس میں فلسفہ وحکمت کے ساتھ ساتھ وہ چھوٹی چھوٹی باتیں جن پر انسانی سعادت وفلاح کا دارومدار ہے ، اس طرح مذکور ہیں کہ قربان جائیے اورپھر بھی جذبۂ احترام میں کمی نہ پیدا ہو۔اس آیت میں عورت کے نشوزوتمرد کا علاج بتایا ہے ۔ بہت سے لوگ ایسے ہیں جو باوجود تعلیم یافتہ ہونے کے ان رموز واسرار سے واقف نہیں اور بہت سے ایسے ہیں جو کافی سرمایہ دار ہیں لیکن پھر بھی ان کی بیویاں ان سے ناراض رہتی ہیں اور وہ نہایت اضطراب وبے چینی کی زندگی بسر کرتے ہیں۔
قرآن حکیم ایک طرف تومرد سے کہتا ہے۔وَعَاشِرُوْھُنَّ بِالْمَعْرُوْفِ۔دوسری طرف عورت کو خاوند کی اطاعت پرمجبور کرتا ہے لیکن اس کے بعد بھی اگرنشوز واختلاف کا خوف ہو توقرآن کی ہدایت یہ ہے کہ عِظُوْھُنَّ سب سے پہلے انھیں، ''وعظ'' سے بدلنے کی کوشش کی جائے ۔ ''وعظ'' سے مراد ناصحانہ گفتگو ہی نہیں بلکہ مشفقانہ برتاؤ بھی ہے ۔ یعنی اپنے قول وفعل کے لحاظ سے عورت کے لیے اس درجہ محبوب ودل پسند بننے کی کوشش کرو کہ وہ لامحالہ متاثر ہو۔ تمہارے بلند اخلاق اسے مجبور کردیں کہ وہ اپنی غلطی کو محسوس کرے اور عورت اگر اس قدر سمجھ دار نہ ہوتو پھر اس کے ''جذبات'' سے اپیل کرو اور اس کا بہترین طریق یہ ہے کہ اسے بستر پر تنہا چھوڑدو اوریہ اس وقت زیادہ موزوں ہوگا جب تم اکٹھا ایک بستر پر استراحت اختیار کرو۔ اس کانتیجہ یہ ہوگا کہ وہ اس انقطاع کو برداشت نہیں کرے گی۔عورت کی یہ فطرت میں داخل ہے کہ وہ ہرچیز برداشت کرسکتی ہے بجز اپنے محبوب کے غصہ کے اوراگر اس پر بھی تبدیلی نہ ہوتو اس کے معنی یہ ہیں کہ وہ بالکل عام عورت ہے ، اس لیے عامیانہ سلوک کی مستحق ہے ۔اسے پیٹنے میں بھی کوئی مضائقہ نہیں مگر یہ تیسرا درجہ ہے ۔ جولوگ ان نکات ازدواج کو نہیں جانتے، نہایت معمولی باتوں پراپنے گھر کو دوزخ بنالیتے ہیں ورنہ اگر وہ اسلامی اورقرآنی زندگی بسرکریں تو ان کا گھر اس دنیا میں بہشت کا نمونہ بن جائے ۔
الرِّجَالُ قَوَّامُوْنَ
۱؎ قوام یا قیم کے معنی ہوتے ہیں منصرم یا منتظم کے۔ اس آیت میں فلسفۂ تدبیر منزل کی مشکلات کا حل ہے۔عائلہ یا فیملی ایک قسم کی چھوٹی سی ریاست ہے جس کے متعددرکن ہیں۔ سوال یہ ہے کہ ان کا منتظم ومنصرم کون ہے ۔ قرآن حکیم کا فیصلہ یہ ہے کہ مرد اوراس کی وجہ یہ ہے کہ مرد عورت کے لیے آذوقۂ حیات بہم پہنچانے پر مجبور ہے ،عورت نہیں اور اس لیے بھی کہ فطری طورپر مرد میں منتظم بننے کی صلاحیتیں موجود ہیں۔ یہ درست ہے عورتیں بھی کام کرسکتی ہیں مگروہ ہروقت ایسا نہیں کرسکتیں۔ان کی جنسی کمزوریاں انھیں بہرحال منصرم رہنے کی اجازت نہیں دیتیں۔بخلاف مرد کے کہ وہ کڑی سے کڑی مصیبتیں برداشت کرلیتا ہے ۔ پس نیک عورتیں وہ ہیں جو اپنی ذمہ داری کو محسوس کرتی ہیں اور خاوند کی دل سے قدر کرتی ہیں۔یہ یادرہے کہ اس ریاست کا نظام یکسرجمہوری ہے ۔ گھر کے چھوٹے چھوٹے کام بھی بلامشورہ نہ ہونے چاہییں۔ چنانچہ دودھ پلانے کا مسئلہ دوسرے پارے میں گزرچکا ہے کہ وہ بھی باہمی تشاور وتراضی سے ہو۔
تد بیر منزل کے تین زریں اصول
۲؎ یہ حقیقت ہے جس کا بارہا اعتراف کرنا پڑا ہے کہ قرآن حکیم ہماری تمام مشکلات کا حل اس خوب صورتی اور جامعیت سے پیش کرتا ہے کہ بے اختیار دل سے کلمات تحسین نکل جاتے ہیں۔یہ ایک ایسی کتاب ہے جو معاشرت کے تمام ابواب وفصول ہمارے لیے واشگاف کرکے رکھ دیتی ہے ۔ اس میں فلسفہ وحکمت کے ساتھ ساتھ وہ چھوٹی چھوٹی باتیں جن پر انسانی سعادت وفلاح کا دارومدار ہے ، اس طرح مذکور ہیں کہ قربان جائیے اورپھر بھی جذبۂ احترام میں کمی نہ پیدا ہو۔اس آیت میں عورت کے نشوزوتمرد کا علاج بتایا ہے ۔ بہت سے لوگ ایسے ہیں جو باوجود تعلیم یافتہ ہونے کے ان رموز واسرار سے واقف نہیں اور بہت سے ایسے ہیں جو کافی سرمایہ دار ہیں لیکن پھر بھی ان کی بیویاں ان سے ناراض رہتی ہیں اور وہ نہایت اضطراب وبے چینی کی زندگی بسر کرتے ہیں۔
قرآن حکیم ایک طرف تومرد سے کہتا ہے۔وَعَاشِرُوْھُنَّ بِالْمَعْرُوْفِ۔دوسری طرف عورت کو خاوند کی اطاعت پرمجبور کرتا ہے لیکن اس کے بعد بھی اگرنشوز واختلاف کا خوف ہو توقرآن کی ہدایت یہ ہے کہ عِظُوْھُنَّ سب سے پہلے انھیں، ''وعظ'' سے بدلنے کی کوشش کی جائے ۔ ''وعظ'' سے مراد ناصحانہ گفتگو ہی نہیں بلکہ مشفقانہ برتاؤ بھی ہے ۔ یعنی اپنے قول وفعل کے لحاظ سے عورت کے لیے اس درجہ محبوب ودل پسند بننے کی کوشش کرو کہ وہ لامحالہ متاثر ہو۔ تمہارے بلند اخلاق اسے مجبور کردیں کہ وہ اپنی غلطی کو محسوس کرے اور عورت اگر اس قدر سمجھ دار نہ ہوتو پھر اس کے ''جذبات'' سے اپیل کرو اور اس کا بہترین طریق یہ ہے کہ اسے بستر پر تنہا چھوڑدو اوریہ اس وقت زیادہ موزوں ہوگا جب تم اکٹھا ایک بستر پر استراحت اختیار کرو۔ اس کانتیجہ یہ ہوگا کہ وہ اس انقطاع کو برداشت نہیں کرے گی۔عورت کی یہ فطرت میں داخل ہے کہ وہ ہرچیز برداشت کرسکتی ہے بجز اپنے محبوب کے غصہ کے اوراگر اس پر بھی تبدیلی نہ ہوتو اس کے معنی یہ ہیں کہ وہ بالکل عام عورت ہے ، اس لیے عامیانہ سلوک کی مستحق ہے ۔اسے پیٹنے میں بھی کوئی مضائقہ نہیں مگر یہ تیسرا درجہ ہے ۔ جولوگ ان نکات ازدواج کو نہیں جانتے، نہایت معمولی باتوں پراپنے گھر کو دوزخ بنالیتے ہیں ورنہ اگر وہ اسلامی اورقرآنی زندگی بسرکریں تو ان کا گھر اس دنیا میں بہشت کا نمونہ بن جائے ۔