مسجد الحرام کرین حادثہ: 47 پاکستانی زخمی
ڈان نیوز
جدہ: سعودی عرب میں مسجد الحرام میں کرین حادثے میں 47 پاکستانی زخمی ہوئے جس کی تصدیق دفتر خارجہ نے بھی کر دی ہے۔
پاکستانی وزارت خارجہ نے اسپتالوں میں زیر علاج 26 افراد کی فہرست بھی جاری کی ہے، جن میں 7 مکہ کے النور ہسپتال، 5 کنگ فیصل الشفاء ہسپتال، 4 الاظہر ہسپتال، 8 کنگ عبد العزیز اسپتال جبکہ ایک پاکستان حج میڈیکل مشن میں زیر علاج ہیں
یاد رہے کہ گزشتہ روز مسجد الحرام میں تعمیراتی کام میں کے دوران ایک کرین گر گئی جس سے 107 عازمین حج جاں بحق اور 238 زخمی ہوئے تھے۔
ترجمان دفتر خارجہ قاضی خلیل اللہ نے بتایا ہے کہ ریاض میں پاکستانی سفیر اور جدہ میں قونصل جنرل کو فوری طور پر مکہ پہنچنے کی ہدایات جاری کی گئیں جبکہ انہیں زخمی پاکستانیوں کی ہرممکن مدد کی بھی ہدایت کی گئی ہے۔
جدہ میں پاکستانی قونصل خانہ کی میڈیکل ٹیم پہلے ہی مکہ پہنچ چکی ہے۔
دفتر خارجہ کی جانب سے جاری کی گئی زخمیوں کی فہرست
قاضی خلیل اللہ کے مطابق متعدد پاکستانی زخمیوں کو گزشتہ روز ہی ابتدائی طبی امداد کے بعد فارغ کر دیا گیا تھا
۔