مسجد میں وقت مقررہ پر جماعت ہو جائے تو بعد میں آنے والے جماعت ثانیہ کر سکتے ہیں یا نہیں

[رانا ابوبکر]

السلام عليكم ورحمة الله وبركاته

کسی مسجد میں وقتِ معینہ پر مصلیوں نے نماز باجماعت ادا کرلی، پیچھے سے چندنمازی اور بھی مسجد میں آئے تو وہ لوگ نماز جماعت سے ادا کریں یا فرداً فرداً پڑھ لیں اور اگرنماز باجماعت بنا کر پڑھیں تو اس موقعہ پر اقامت کہنی چاہیے یا نہیں اس کے خلاف بعض علماء فرماتے ہیں۔ کہ اقامت ضروری نہیں ہے

 

[رانا ابوبکر]

جواب

 

[ideal_man]

قطعی نظر اس مسئلہ میں علماء حضرات کے درمیان اخلاف ہے کہ نہیں لیکن چند وجوہ سے دوسری جماعت مناسب نہیں۔
مسافروں کے لئے جائز ہے اگر وہ جماعت کے بعد مسجد میں پہنچتے ہیں لیکن مقامی لوگوں کے لئے مناسب نہیں۔
ہمارے ہاں بہت زیادہ تفرقہ بازی ہے مسلک کے نام پر مساجد ہیں ایسے میں ایک مسلک کی اقتداء میں نماز پرھنے کے بجائے دوسری جماعت کرلی جائے، جیسا کہ بعض جگہوں پر ایسے معاملات ماضی میں ہوئے ہیں اور انتشار و افتراق پھیلا، سینے میں تعصب کو مزید بھڑکایا، مساجد جو خالص اللہ کے ذکر و عبادت کے لئے ہیں وہاں ایسی صورت یقینا مسلمانوں میں تفریق کا باعث بنتی ہیں اور مساجد کا احترام ختم ہو جاتا ہے۔
دوسرا سبب مقامی لوگوں میں جماعت کے ساتھ نماز پڑھنے کا اہتمام ختم ہوجاتا ہے ، جب چاہا اپنی مرضی سے آئے اور چند لوگوں کو جمع کیا اور اپنی جماعت کرالی، اس طرح لوگوں میں کاہلی سستی کا آجانا یقینی ہے وہاں جماعت کی اہمیت اور اس کا ڈسپلن ختم ہوجاتا ہے ،
ایسی بہت سے وجوہ ہوسکتی ہیں دوسری جماعت کرانا مناسب نہیں ہے۔واللہ اعلم