مسلمان کو چاہیے کہ وہ کسی نمرود اورکسی فرعون سے مرعوب نہ ہو۔ تفسیر السراج۔ پارہ:5

[محمد آصف مغل]

اَلَّذِيْنَ اٰمَنُوْا يُقَاتِلُوْنَ فِيْ سَبِيْلِ اللہِ۝۰ۚ وَالَّذِيْنَ كَفَرُوْا يُقَاتِلُوْنَ فِيْ سَبِيْلِ الطَّاغُوْتِ فَقَاتِلُوْٓا اَوْلِيَاۗءَ الشَّيْطٰنِ۝۰ۚ اِنَّ كَيْدَ الشَّيْطٰنِ كَانَ ضَعِيْفًا۝۷۶ۧ

ایمان دار خدا کی راہ میں لڑتے ہیں اور کافرشیطان کی راہ میں لڑتے ہیں ۔سو تم شیطان کے دوستوں سے لڑو۔ بے شک شیطان کا مکر سست ہے۔۱؎(۷۶)

کید شیطان

۱؎ اس آیت میں بتایا ہے کہ مومن ہمیشہ طاغوت وشیطان کے خلاف صف آراء رہتا ہے اوریہ کہ ظلم وعدوان کے پاؤں نہیں ہوتے۔ بڑے سے بڑا جابر وقاہر مومن کی ایمانی قوتوں کے سامنے محض ناچیز وحقیر ہے ۔ بشرطے کہ مومن خود اپنی عظمتوں اور صلاحیتوں سے واقف ہو۔
یعنی مسلمان کو چاہیے کہ وہ کسی نمرود اورکسی فرعون سے مرعوب نہ ہو۔ ایمان وہ قوت ہے جو فولاد سے زیادہ مضبوط اوربارود سے زیادہ مؤثر ہے۔

حل لغات

{کید} تدبیر۔ حیلہ۔