معصوم مسکراہٹیں

[نسرین فاطمہ]

آج ہم ایک نئے تھریڈ کا افتتاح کرتے ہیں جس میں معصوم بچوں کی معصومانہ مسکراہٹوں کا ذکر کریں گے آپ بھی اس میں شریک ہوں اور اپنے بچوں یا عزیزوں کے بچوں کی دل موہ لینے والی باتوںکو شیئر کریں اور من گھڑت لطیفہ گوئی کو پس پشت ڈالیں کہ اسلام میں جھوٹ کی کوئی گنجائش نہیں حقیقت سے لطف اندوز ہوں

 

[نسرین فاطمہ]

گزشتہ جمعہ کو اپنے بیٹے کو تیار کرتے ہوئے مسجد میں پہلے پہنچنے کی فضیلت بتارہی تھی کہ جو جمعہ کاخطبہ شروع ہونے سے سے قبل مسجد جاتا ہے اسے ایک انڈا قربان کرنے کا ثواب ملتا ہے اور جو اس سے پہلے جاتا ہے اسے ایک مرغی اور جو اس سے پہلے جاتا ہے اسے ایک بکری اور جو سب سے پہلے جاتا ہے اسے ایک سرخ اونٹ کی قربانی کا ثواب ملتا ہے تو عبداللہ نے برجستہ کہا کہ میں مسجد بند ہوگی تب ہی چلا جاوں گا تاکہ ایک ڈائنوسار کی قربانی کا ثواب مل جائے ۔

 

[حرب بن شداد]

تو عبداللہ نے برجستہ کہا کہ میں مسجد بند ہوگی تب ہی چلا جاوں گا تاکہ ایک ڈائنوسار کی قربانی کا ثواب مل جائے ۔

ماشاء اللہ۔۔۔ اللہ تعالٰی اس چاند کی ہمیشہ حفاظت کرے۔۔۔
آمین یارب العالمین۔۔۔

 

[اخت ولید]

السلام علیکم ورحمہ اللہ وبرکاتہ
ارررررررے ۔۔ ۔ ۔ یہاں کسی کے بچے شرارتیں نہیں کرتے ۔ ۔ ۔مسکراہٹیں نہیں بکھیرتے۔ ۔ ۔ بہت شریف بچے ہیں بھئی!!
ایسے بچے تو ام محمد کے ہاں ہونے چاہیے تھے۔ ۔ جو اپنے بچوں کی بے وقت راگنی سے تنگ آ کر کہتی تھیں کہ میں سوچتی ہوں کہ بچوں کو، کم از کم میرے بچوں کو شرارتی نہیں ہونا چاہیے۔ ۔ ۔ ٹک کر تو بیٹھیں!
لیکن پھر ساتھ ہی سوچتی ہوں کہ وہ بچے تو نہ ہوئے سٹیچو ہوئے ۔ ۔ ۔ اور میں ان سٹیچوز کا کیا کروں گی؟؟؟آنسو

 

[اخت ولید]

ہیلپر نمبر ۲ نے جیسے ہی نمکو ختم کی۔اس کا لفافہ لپیٹ کر مٹھی میں بند کرتے ہوئے تین سالہ ماعز کو آواز دی۔
‘‘جی!!‘‘
‘‘ایک چیز دوں؟‘‘ہیلپر نمبر ۲ نے مسکراتے ہوئے پوچھا۔
‘‘کیا؟؟‘‘
‘اچھا۔ ۔۔ آنکھیں بند کرو ۔۔ ۔ اور ہاتھ کھول کر آگے کرو ۔۔ ۔ آنکھیں نہیں کھولنیں ۔ ۔ اچھا؟‘‘
ماعز نے من و عن عمل کرتے ہوئے آنکھیں بند اور ہاتھ کھول دیا۔اگلے ہی لمحے خالی لفافہ اسکے پھیلے ہوئے ہاتھ پر تھا۔
‘‘یہ کیا ہے؟‘‘ماعز نے آنکھیں کھول دیں اور عجب حیرانی و بھولے پن سے اسے سرسری سا دیکھتے ہوئے پوچھا۔
‘‘مزاق!!!‘‘ام ماعز ہنستے ہوئے صرف اتنا ہی کہہ سکیں۔
‘‘میں نے مزاق نہیں لینا۔۔ ۔ !!!!‘‘اس نے لفافہ نیچے گراتے ہوئے پریشانی سے کہا۔

 

[نسرین فاطمہ]

کچھ دن پہلے عبداللہ سبق یاد کرتے ہوئے کہنے لگا او فار اول
امی کیا میں نے اول دیکھا ہے اس کی بہن نے کہا ہاں کئی دفعہ ،عبداللہ نے پوچھا 'کہاں ' بہن نے جواب دیا 'شیشے میں ' یہ سن کر وہ منہ بسور کر رہ گیا ۔

 

[اخت ولید]

محمد کی وفات کے بعد ہم سب بچوں کے معاملے میں بہت حساس ہو گئے ہیں۔اور بدریہ اسکا ایکسٹرا ایڈوانٹیج اٹھا رہی ہے:) کچھ اپنے بابا کی مانند شرارتی ہونے کی بنا پر۔ ۔ ۔ پیدائش کے تین عشروں میں تین دفعہ ڈرا چکی ہے!
اس دن منہ بند کر کے ہچکی لینے کو ہم جھٹکے سمجھ بیٹھے اور خوب دوڑیں لگیں۔ ۔ ۔پھر کالک پیتے ہوئے گلے میں لگوا کر اوٹ پٹانگ آوازیں نکالیں اور آنکھیں ۔ ۔ ۔ اپنی دادی جان کو تو خوب پریشان کیا ۔ ۔ ۔اور ابھی پرسوں۔ ۔ ۔فجر کے قریب میں اندر تھی کہ یکایک کچھ آوازیں آئیں اور میرا ذہن شل ہو کر رہ گیا۔ میں ابھی تو اسے امی کے پاس لٹا کر آئی تھی ۔۔ ہمت کر کے باہر آئی تو محترمہ کلکاریاں مار رہی تھیں۔ ۔ ۔حیاک اللہ یا قرۃ عیننا۔ ۔ آمین

 

[یوسف ثانی]

ابھی کل رات ہی کی بات ہے۔ ہمارا سب سے چھوٹا برخوردار، جو بہت شریر بھی ہے، کھانا کھانےمیں نخرے دکھلارہا تھا اور اس کی والدہ کھانا لئے اسے بلا رہی تھی۔ میں نے اسے سمجھایا کہ بیٹا اتنی بڑی عمر میں (ماشاء اللہ وہ تیرہ سال کا ہے) اپنی امی کو تنگ نہیں کرتے۔ شوخی سے کہنے لگا۔ کون سی والی بڑی عمر ؟ میری یا امی کی (ابتسامہ)

 

[نسرین فاطمہ]

میرے ایک انکل ڈاکٹر ہیں میں نے انھیں عبداللہ کو دکھایا کہ یہ کھانا کھانے میں بہت پریشان کرتا ہے تو ڈاکٹر انکل نے عبد اللہ کے گلے چیک کر کہ کہا کہ اسے صبح شام نمک ملے پانی سے غرارے کرادیا کریں ،تو عبداللہ نے اپنے ابو سے کہا کہ یہ کیسے ڈاکٹر ہیں جو مجھے غرارے پہننے کو کہہ رہے ہیں ۔

 

[Dua]

میرے ایک انکل ڈاکٹر ہیں میں نے انھیں عبداللہ کو دکھایا کہ یہ کھانا کھانے میں بہت پریشان کرتا ہے تو ڈاکٹر انکل نے عبد اللہ کے گلے چیک کر کہ کہا کہ اسے صبح شام نمک ملے پانی سے غرارے کرادیا کریں ،تو عبداللہ نے اپنے ابو سے کہا کہ یہ کیسے ڈاکٹر ہیں جو مجھے غرارے پہننے کو کہہ رہے ہیں ۔

افففف۔۔۔۔۔ بچوں کی یہی معصومیت تو اچھی لگتی ہے۔
اللہ تعالی ان کی مسکراہٹ قائم رکھے۔