منہج سلف کا انکار ...گمراہی کی بنیادی وجہ۔ اہلسنت کا منہج تعامل

[محمد آصف مغل]

منہج سلف کا انکار ...گمراہی کی بنیادی وجہ

گمراہی کی ایک بنیادی وجہ فہم سلف کو اختیار نہ کرنا اور قرآن و سنت کی من مانی تفسیر کرنا ہے ۔فہم سلف کے انکار سے ہی مسلمانوں میں گمراہی کی ابتداء ہوئی اور پہلا بدعتی فرقہ جسے خوارج کہاجاتا ہے وجود میں آیا ۔اس گمراہی کا کچھ لوگوں نے مقابلہ کیا مگر انہوں نے بھی فہم سلف کو اختیار نہ کیا جس کے نتیجے میں وہ بھی گمراہ ہوئے انہیں مرجئہ کہا گیا ہے ۔البتہ وہ لوگ جو سلف کے طریق پر گامزن رہے اور انہی کے فہم سے چمٹے رہے 'وہ ہدایت و رشد کے وارث بنے جنہیں اہل سنت والجماعت کہا جاتا ہے ۔ صحابہ و تابعین کے فہم کا انکار کس طرح گمراہی میں دھکیل دیتا ہے اس کے لیے ہم مسئلہ ایمان پر اہل سنت اور اہل بدعت کے اختلاف کو بطور مثال پیش کرتے ہیں ۔

 

[حرب بن شداد]

یہاں پر ایک سوال پوچھنا تھا۔۔۔
وہ یہ کے آج جو لوگ خود کو سلف کے منہج پر فائز سمجھتے ہیں۔۔۔
کیا اُن کا عمل، عقیدہ اور اخلاق حسنہ اسلاف جیسا ہی ہے یا قدرے مختلف؟؟؟۔۔۔

 

[محمد آصف مغل]

بہت بہت شکریہ حرب بن شداد بھائی۔

وَلَا تَــقْفُ مَا لَيْسَ لَكَ بِہٖ عِلْمٌ۰ۭ

میں جس چیز کو نہیں جانتا اس میں رائے دینے سے اللہ تعالی مجھے بچا لے۔ مبادا کہیں کوئی ایسا غلطی سرزد ہو جائے جس کی جواب طلبی ہو۔

میں آپ کا سوال صاحب کتاب کی طرف لوٹانے کی کوشش کروں گا۔ اور وہ اپنی تحریر کا جواب دینے میں مختار ہوں گے۔