موسوعۃ سیر الصحابہ

[محمد فیض الابرار]

ڈاکٹر محمد محمد علی الصلابی حفظہ اللہ کی سیر الصحابہ پر لکھی ہوئی دس کتب پر مشتمل موسوعۃ
جس میں پہلی دو جلدیں سیرت طیبہ سے متعلق ہیں (۲)
اور باقی خلفائے راشدین خمسہ رضی اللہ عنہم (۵)
اور سید نا معاویۃ رضی اللہ عنہ (۱)
سید نا عمر بن عبدالعزیز رحمہ اللہ (۱)
سید نا صلاح الدین ایوبی رحمہ اللہ (۱)
http://www.ebooks4islam.com/2015/03/blog-post_558.html
ان کتب میں سے سے ابتدائی ۷ کتب کا اردو میں ترجمہ ہو چکا ہے کچھ دار السلام اور کچھ الفرقان نے چھاپی ہیں
ان کی تحقیق میں بے شمار پہلووں سے اختلاف کیا جا سکتا ہے بالخصوص ہماری تاریخ کے وہ حصے جو بنو امیہ سے متعلق ہیں اس میں بے شمار جگہوں پر تحقیق کے نام پر تقلیدی سوچ کا مظاہرہ ایک عام سی بات ہے
ابو سفیان ہاشمی رضی اللہ عنہ کی زمانہ کفر میں اسلام دشمنی کے بارے میں شاید ہی کوئی مورخ لکھے لیکن ابو سفیان اموی رضی اللہ عنہ کی زمانہ کفر میں اسلام دشمنی کو ضرب المثل بنا دیا گیا ہے جب کہ دونوں رضی اللہ عنہما نے زمانہ کفر میں کوئی کسر نہیں چھوڑی لیکن اسلام کے بعد اسلام بھی مثالی ہی تھا لیکن ہماری تاریخ کا تعصب کے لیے ایک یہی مثال کافی ہے ورنہ کتب تاریخ سے سینکڑوں مثالیں درج کی جا سکتی ہیں
لیکن ان اختلافات کے باوجود یہ کتب انتہائی قیمتی ہیں کہ کم از کم تحقیقی اسلوب تو اختیار کیا سو مولف کو اللہ تعالی جزائے خیر عطا فرمائے آمین

 

[بلال 243]

ان میں سے کچھ کتب اردو میں
http://minhajusunat.com/seerate-usmaan-zinnorain/

http://minhajusunat.com/seerate-syidina-ali/

http://minhajusunat.com/seerat-omer-farooq-2/

http://minhajusunat.com/seerat-omer-farooq-1/

 

[Dua]

ابو سفیان ہاشمی رضی اللہ عنہ کی زمانہ کفر میں اسلام دشمنی کے بارے میں شاید ہی کوئی مورخ لکھے

جزاک اللہ خیرا کثیرا محترم بھائی۔لیکن مجھے اس کی سمجھ نہیں آئی۔کچھ وضاحت فرما دیں پلیز۔

 

[محمد فیض الابرار]

جزاک اللہ خیرا کثیرا محترم بھائی۔لیکن مجھے اس کی سمجھ نہیں آئی۔کچھ وضاحت فرما دیں پلیز۔

ابو سفیان مغیرہ بن حارث ہاشمی ایک مشہور شاعر تھے جنہوں نے قبل از اسلام اسلام اور مسلمانوں کی بدترین مخالفت کی اوران کی ہجو میں اشعار لکھا کرتے تھے اور اور رسول اللہ صلی اللہ علیہ وسلم کی ہجو بھی لکھا کرتے تھے ۔ سید نا حسان رضی اللہ عنہ رسول اللہ صلی اللہ علیہ وسلم کے کہنے پر ان کے ہجویہ اشعار کا جواب دیا کرتے تھے
مغیرہ نام، ابو سفیان کنیت، نسب نامہ یہ ہے، ابو سفیان بن حارث بن عبدالمطلب بن ہاشم بن عبد مناف بن قصی بن ہاشم ہاشمی،ماں کا نام غزنہ تھا، نانہالی شجرہ یہ ہے،غزنہ بنت قیس ابن طریف بن عبدلعزیٰ بن عامرہ بن عمیرہ بن دویعہ بن حارث بن فہر، ابو سفیان کے والد حارث رسول اللہ صلی اللہ علیہ وسلم کے حقیقی چچا تھے اورابو سفیان نے حلیمہ سعدیہ کا دودھ پیا تھا، اس لیے وہ نسبی اور رضاعی دونوں رشتوں سے رسول اللہ صلی اللہ علیہ وسلمکے بھائی تھے، سن میں بھی آپ کے برابر تھے۔
دوسرے عمائد قریش کی طرح ابو سفیان بھی رسول اللہ صلی اللہ علیہ وسلم کے اتنے خلاف ہوگئے کہ ان کی مخالفت دشمنی اور عناد کے درجہ تک پہنچ گئی تھی،رسول اللہ صلی اللہ علیہ وسلمکی مخالفت اوراسلام کے استیصال کو انہوں نے اپنا مقصدِ حیات بنالیا تھا؛چنانچہ فتح مکہ سے پہلے مسلمانوں اور مشرکوں کے درمیان جس قدر معرکے ہوئے،ابو سفیان ان سب میں پیش پیش تھے،ان کی ساری قوتیں رسول اللہ صلی اللہ علیہ وسلماوراسلام کے خلاف صرف ہوتی تھیں (مستدرک حاکم :۳/۲۵۴) شاعر تھے، اس لیے رسول اللہ صلی اللہ علیہ وسلمکی ہجو کہہ کر کوچہ وبازار میں سناتے پھرتے تھے طوطی اسلام حضرت حسان بن ثابتؓ نے ان اشعار
الا بلغ ایا سفیان عنیمغلغلۃ فقد برح الخفاء
ھجوت محمدا فاجبت عنہوعنداللہ فی ذالک الجزاء
ترجمہ:"ابو سفیان کو میری جانب سے یہ پیام پہنچادو کہ پردہ اٹھ گیا تم نے محمد کی ہجو کی، میں نے اس کا جواب دیا اوراس جواب میں خدا کے پاس میرے لیے جزا ہے۔
میں انہیں کی ہجو کا ذکر کیاہے۔
لیکن ان کا اسلام بھی مثالی تھا رضی اللہ عنہ
الطبقات ابن سعد میں ان کے تفصیلی حالات پڑھے جا سکتے ہیں

 

[محمد فیض الابرار]

حتی کہ یہ رویہ ہمارے لاشعور میں اس حد تک جگہ پا چکا ہے کہ اس کی مثال دیتے ہوئے مجھے تذبذب کا شکار ہونا پڑتا ہے
تاریخ مدینہ منورہ طبع دار السلام میں سید نا ابو سفیان اور سید نا معاویہ رضی اللہ عنہما کے ناموں کے ساتھ کہیں بھی رضی اللہ عنہ کا اہتمام نہیں کیا گیا جبکہ اس کے علاوہ باقی تمام صحابہ اور تابعین کے ساتھ دعائیہ کلمات لکھنے کا اہتمام کیا گیا ہے اس کے علاوہ بے شمار مثالیں ہیں
اب اس رویے کو میں حسن ظن کی بنیاد پر لاشعوری کیفیات کا نام ہی دے سکتا ہوں
جبکہ دونوں شخصیات ہمارے لیے محترم ہونی چاہیے رضی اللہ عنہما
یہ لاشعوری ترجمانی اس حد تک چلی گئی ہے کہ ہمارے مورخین متقدمین اور معاصرین یہ لکھنے سے بھی نہیں شرماتے کہ سید نا ابو سفیان رضی اللہ عنہ کا اسلام مادی لالچ اور وقت کے تقاضوں کے ساتھ چلنے کی بنیاد پر تھا اس کا تعلق اخلاص کی بنیاد پر نہیں تھا
اگر کہیں کہ تو اس کے حوالے بھی موجود ہیں خیر یہ ایک الگ موضوع ہے فی الحال تو یہ عرض کرنا ہے کہ اس کتب میں سے جو کتاب سید نا ابو بکر الصدیق رضی اللہ عنہ کے حوالے سے لکھی گئی ہے اس کی تقریظ کسی نقاب پوش نہیں لکھی ہے جو خمینی کی تعریفات کرتے ہوئے ہی نہیں تھکتا
جبکہ کتاب کا مصنف سلفی الفکر، ناشر سلفی الفکر، طابع سلفی الفکر، مترجم سلفی الفکر
اس کے باوجود خمینی کی تعریفات ایک بہت بڑا سوال ہیں ہمارے سامنے اسی وجہ سے میں نے اصل کتب کا مطالعہ شروع کیا کہ کہاں کہاں تبدیلی کی گئی ہے ترجمہ میں ابھی تک تو خیر ہی خیر ہے لیں اگلے صفحات میں تقریظ کے سکین شدہ صفحات ملاحظہ فرمائیں اور سر دھنیں

 

[محمد فیض الابرار]

 

[محمد فیض الابرار]

 

[محمد فیض الابرار]

 

[محمد فیض الابرار]

 

[محمد فیض الابرار]

میں اسی پر اکتفا کرتا ہوں اور ان کتب پر تفصیلی تبصرہ بشرط فرصت
کیونکہ اردو تراجم خلفائے راشدین کے تو میرے پاس اآ گئے ہیں اور دیکھ رہا ہوں
اللہ ہم سبکو بغیر تعصب کے اسلام اور مسلمانوں کی تاریخ کو سمجھنے کی توفیق عطا فرمائے آمین