وراثت سے متعلق سوال نمر2

[گڈمسلم]

بسم اللہ الرحمن الرحیم
السلام علیکم ورحمۃ اللہ وبرکاتہ!
ماشاء اللہ بھائیوں نے میرے سوال کا بہت ہی عمدہ جواب دیا تھا اللہ تعالی ان کےعلم وعمل میں برکت عطافرمائے
وراثت سے متعلق میرا دوسرا سوال یہ ہے کہ مسمی زید (اہلحدیث) فوت ہوا۔ اس کے ورثا میں ایک بیٹی (اہلحدیث)، ایک نوربخشی المذہب بھائی، ایک دو نور بخشی بہنیں اور ابن اخ شقیق (اہلحدیث) موجود ہے۔ حقیقی بھائی یہ کہہ کر میت (اہلحدیث) سے حصہ نہیں لیتا کہ میرا مسلک مجھے اس کی اجازت نہیں دیتا میں محروم ہوں لہٰذا میں حصہ نہیں لوں گا۔
سوال یہ ہے کہ اس اقرب حقیقی بھائی کا اس حق سے اپنا مسلک اجازت دینے کی بناء پر دستبردار ہونے کی وجہ سے ابن اخ شقیق یعنی بھتیجا (اہلحدیث) بھی محروم ہوگا۔ اور تمام ترکہ بطور ردّ بیٹی کو ملے گا یا حدیث نبویﷺ (أَلْحِقُوا الْفَرَآئِضَ بِأَہْلِہَا فَمَا بَقِيَ فَلِأَوْلَیٰ رَجُلٍ ذَکَرٍ) کے تحت بھتیجا حصہ لے گا اور ہر دو صورت میں ترکہ کی تقسیم کا طریقہ کار کیا ہوگا؟ أفیدونا، جزاکم اﷲ خیرًا

 

[رفیق طاھر]

اللہ رب العالمین کا فرمان ہے :
۴۔فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِن كَانَتْ وَاحِدَةً فَلَهَا النِّصْفُ [النساء : 11]
اگر (میت کی اولاد میں ) عورتیں دو سے زائد ہوں تو انکے لیے دو تہائی حصہ ہے اور اگر اکیلی ہو تو اسکے لیے نصف حصہ ہے ۔
۳۔رسول اللہ صلى اللہ علیہ وسلم کا فرمان ہے :
لَا يَرِثُ الْمُسْلِمُ الْكَافِرَ وَلَا الْكَافِرُ الْمُسْلِمَ ( صحیح بخاری کتاب الفرائض باب لا یرث المسلم الکافر ولا الکافر المسلم ح ۶۷۶۴
مسلمان کافر کا وارث نہیں بن سکتا اور کافر مسلمان کا وارث نہیں بن سکتا۔
۳۔رسول اللہ صلى اللہ علیہ وسلم کا فرمان ہے :
أَلْحِقُوا الْفَرَائِضَ بِأَهْلِهَا فَمَا بَقِيَ فَهُوَ لِأَوْلَى رَجُلٍ ذَكَرٍ صحیح بخاری کتاب الفرائض باب میراث الولد من أبیہ و أمہ ح ۶۷۳۲
کتاب وسنت میں جن لوگوں کے حصےمقرر ہیں وہ حصے ان لوگوں کو دو اور جو مال باقی بچے وہ قریب ترین مرد رشتہ دار کے لیے ہے ۔
مذکورہ بالا دلائل کی رو سے
معلوم ہوا کہ
بیٹی کو نصف حصہ دیا جائے گا۔
نور بخشیوں کے عقیدہ میں کفر وشرک پایا جاتا ہے لہذا وہ وراث نہیں بنیں گے۔
اسکے بعد قریبی ترین مرد رشتہ دار بھتیجا ہی ہے ، لہذا باقی نصف کا وہی وارث بنے گا۔
یعنی کل ترکہ کے دو حصہ کیے جائیں گے نصف میت کی بیٹی کو اور نصف میت کے بھتیجے کو۔

 

[راجا]

جزاک اللہ رفیق بھائی

 

[کلیم حیدر]

جزاک اللہ رفیق طاہر بھائی

 

[شاکر]

جزاک اللہ رفیق بھائی۔۔۔