وضوء ٹوٹ جانے پر امام ایسےمقتدی کو آگے کرلیتا ہے جس کی خود ایک دو رکعت چھوٹ گئی ہیں

[کلیم حیدر]

السلام علیکم ورحمۃ اللہ وبرکاتہ
ایک امام اور دو مقتدی جماعت کراتے ہیں۔ایک،دو رکعتیں پڑھنے کےبعد ایک آدمی آکر جماعت میں مل جاتا ہے۔لیکن امام کو معلوم نہیں کہ ان میں سے کونسا آدمی نیو آیاہے جس کی رکعتیں رہتی ہیں۔اب امام صاحب کا وضوء ٹوٹ جاتا ہے۔تو مقتدیوں میں سے امام اس آدمی کو آگے مصلے پہ کردیتا ہے جس کی اپنی ایک،دو رکعتیں چھوٹی ہوئی ہیں۔اور وہ مصلے پہ چلا جاتا ہے۔اب اس کوکیا کرنا چاہیے۔؟

 

[ابوالحسن علوی]

اب اس کوکیا کرنا چاہیے۔؟

اس کو چاہیے کہ وہ پیچھے آ جائے اور اس کو آگے کر دے کہ جس نے امام کے ساتھ نماز شروع کی تھی۔ یہی اس کی بہتر صورت ہے۔
بصورت دیگر اگر وہ پیچھے نہیں آتا ہے تو اپنی ترتیب سے نماز مکمل کرے اور مقتدیوں کو چاہیے کہ وہ اپنی نماز مکمل ہونے پر پیچھے بغیر سلام پھیرے بیٹھے رہیں اور امام صاحب نماز مکمل کر لیں تو ان کے ساتھ سلام پھیر لیں یعنی صلاۃ الخوف سے رہنمائی لیں۔ واللہ اعلم بالصواب

 

[کلیم حیدر]

جزاک اللہ واحسن الجزاء فی الدنیا و الآخرۃ

 

[کلیم حیدر]

اس سے پھر ایک سوال ذہن میں آتا ہے کہ امام بھی پیچھے نہیں آتا اور مقتدیوں کو علم نہیں کہ وہ اپنے رکعات مکمل کرکے بیٹھ جائیں اور سلام امام کے ساتھ پھیر لیں۔مقتدی بھی اقتداء امام میں مزید رکعات پڑھ لیتے ہیں۔یعنی جب سلام ہوگا تو امام کی پوری نماز اور مقتدیوں کی ایک یا دو رکعات زیادہ ہونگی ۔تو اب کیا کرنا ہوگا۔نماز لوٹانی ہوگی یانہیں ۔؟

 

[کلیم حیدر]

یاد دہانی ؟؟؟

 

[ابوالحسن علوی]

اگر فرائض پر سہوا اضافہ ہو جائے تو وہ نوافل میں شمار ہو جاتے ہیں اور سجدہ سہو سے ازالہ ہو جاتا ہے جبکہ فرض نماز میں عمدا اضافہ جائز نہیں ہے۔ اس سے زیادہ کا مجھے علم نہیں ہے۔

 

[کلیم حیدر]

جزاک اللہ خیرا