ولیمہ بعد ازرخصتی ؟

[یوسف ثانی]

دلیل کی روشنی میں یہی بات درست ہے کہ ولیمہ رخصتی وہمبستری کے بعد ہی ہو۔
اب اگرجس دن شادی ہو اسی دن رخصتی اور ہمبستری بھی ہوجائے تو ہمبستری کے بعد اسی دن ولیمہ بھی درست ہے ۔
لیکن اگر جس دن شادی ہو اسی دن ہمبستری نہ ہو تو ایسی صورت میں محض شادی ہے کے بعد ولیمہ کرنا خلاف سنت ہے ( لنک)

یہ بات تو سمجھ میں آتی ہے کہ بعد از رخصتی ہی ولیمہ کرنا سنت ہے۔ اور رخصتی کے بعد خلوت صحیحہ اور مباشرت وغیرہ بھی ہو ہی جاتی ہے۔ لیکن کیا ولیمہ سے قبل مجامعت (دخول) بھی لازمی شرط ہے، جیسا کہ عوام میں مشہور ہے کہ مجامعت کے بغیر ولیمہ حرام ہے۔ ہم نے تو اچھے خاصے (دنیوی طور پر) سمجھدار اور پڑھے لکھے مسلمانوں کو یہ کہتے ہوئےسنا ہے کہ وہ اس قسم کے ولیمہ (اگر انہیں پتہ چل جائے تو) کا کھانا نہیں کھاتے، خواہ وہ تقریب میں شریک ہی کیوں نہ ہوں۔

واضح رہے کہ اگر رخصتی کے بعد یا رخصتی سے پہلے ہی دلہن کے مخصوص ایام شروع ہوجائیں تو مجامعت ممکن نہیں ہوتا ۔ اور آجکل شہروں میں شادیوں اور ولیمہ کے ہال کی بکنگ مہینوں پہلے ہوجاتی ہے، جس میں رد و بدل، موجودہ صورتحال میں عملاً ناممکن ہوتا ہے۔

 

[کفایت اللہ]

اس قدر تشدد کی بھی ضرورت نہیں ہے ۔
سنت یہی ہے رخصتی کے بعد ولیمہ ہو ، اب رخصتی کے بعد اگر مجامعت ممکن نہ ہو تو مباشرت اور زوجین کا خلوت میں ملنا ہی کافی ہے کیونکہ یہ بھی مجامعت کے مقدمات ہی ہیں ۔

نیز
{ فَاتَّقُوا اللَّهَ مَا اسْتَطَعْتُمْ } [التغابن: 16]۔

{ لَا يُكَلِّفُ اللَّهُ نَفْسًا إِلَّا وُسْعَهَا} [البقرة: 286]۔


عقد(نکاح) اور ولیمہ ایک ہی دن؟

 

[یوسف ثانی]

جزاک اللہ برادر