پریشانی اور غم سے چھٹکارہ پائیں

[ساجد]

پریشانی اور غم سے چھٹکارہ پائیں

غم کو دور کرنا ، پریشانی سے نجات دینا اور سینہ کو کھول دینا صرف اللہ وحدہ کے ہاتھ میں ہے ، لہذاآپ جب کسی کرب یا سینہ کی تنگی میں مبتلاہوں تو اللہ وحدہ کی طرف رجوع کریں اور اس سے دعاکریں کہ وہ آپ کی پریشانی کو دور فرمائے،اگر آپ کسی پریشانی میں مبتلاہیں تو وہ کام کریں جورسولﷺ کیا کرتے تھےیعنی حدیث میں آتا ہے کہ جب آپ کوکوئی غم لاحق ہوتا تو آپ ﷺ نماز پڑھنا شروع کردیتے ، اس کے علاوہ آپ یہ دعا بھی پڑھا کرتے تھے:
لَا إِلَهَ إِلَّا اللَّهُ الْعَظِيمُ الْحَلِيمُ لَا إِلَهَ إِلَّا اللَّهُ رَبُّ الْعَرْشِ الْعَظِيمِ لَا إِلَهَ إِلَّا اللَّهُ رَبُّ السَّمَوَاتِ وَرَبُّ الْأَرْضِ وَرَبُّ الْعَرْشِ الْكَرِيمِ(صحیح بخاری:6346صحیح مسلم:2730)
’’اللہ کے سوا کوئی معبود نہیں جو بہت ہی بزرگ اور بڑا ہی بردبار ہے ۔ اللہ کے سوا کوئی معبود نہیں جوعرش عظیم کا رب ہے ۔ اللہ کے سوا کو ئی معبود نہیں جو آسمانوں اور زمین کا مالک ہے اور عرش کریم کا مالک ہے۔‘‘
رسولﷺکی زندگی ہمارے لیے ایک نمونہ ہے جس پر عمل کرکے ہی ہمیں پریشانی اور غم سے چھٹکارہ مل سکتاہے۔
اللہ تعالی نے فرمایا:
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ (الاحزاب:21)
’’یقیناً تمہارے لیے رسول اللہﷺ(کی ذات) میں بہترین نمونہ ہے۔‘‘

 

[شاکر]

آج جب کہ ہر طرف غم ، پریشانی، دکھ، تکالیف، رنج و الم ڈیرہ ڈالے بیٹھے ہیں۔ ہم سکون اور خوشی کی تلاش میں مادیات کے پیچھے اس قدر مگن ہو گئے ہیں کہ مزید پریشانیاں مول لے بیٹھے ہیں۔ ایسے میں ہمیں رسول اکرم صلی اللہ علیہ وسلم کی سنّت پر عمل کرتے ہوئے وسائل کی تلاش کے ساتھ نماز اور دعاؤں سے بھی مدد لینے کی ضرورت ہے۔ بے شک حقیقی سکون تو اللہ کے ذکر میں ہی ہے۔

 

[محمد عامر یونس]