پہلے شوہر سے طلاق لئے بغیر دوسری شادی

[مقبول احمد سلفی]

کسی مسلمان عورت کے لئے جائز نہیں ہے کہ پہلے شوہر کے رہتے ہوئے طلاق کے بغیر دوسرے مرد سے شادی کرلے ۔ یہ ناجائز اور سراسر حرام ہے ۔

پہلے تو میاں بیوی سمجھوتہ کرنے کی ہر ممکن کوشش کرے، اگر کوشش بے سود ہو اور طلاق کی نوبت آگئی ہو تو پھر بیوی شوہر سے طلاق کا مطالبہ کرے اور طلاق کے بعد تین مہینے کی عدت گذار کر دوسری شادی کرے ۔

اگر شوہر طلاق دینے کے لئے راضی نہیں ہے اور بیوی کے لئے شوہر سے الگ رہنے کا عذر پیش آگیا ہے تو شرعی عدالت یا پنچایت کے ذدیعہ خلع کرالے ۔ خلع کرانے کی صورت میں ایک حیض عدت گذارے اور پھر دوسری شادی کرلے ۔

اگر کسی عورت نے پہلے شوہر سے طلاق یا خلع کے بغیر دوسری شادی کرلی تو یہ شادی باطل ہے، جب تب دونوں اس حال میں رہیں گے گناہ گار ہوں گے ۔ لہذا دونوں کے درمیان جدائی کرادی جائے گی اور اسلامی صورت اختیار کی جائے گی جیساکہ اوپر بیان کیا گیا ہے ۔


واللہ اعلم

 

[محمد نعیم یونس]

اگر کسی عورت نے پہلے شوہر سے طلاق یا خلع کے بغیر دوسری شادی کرلی تو یہ شادی باطل ہے، جب تب دونوں اس حال میں رہیں گے گناہ گار ہوں گے ۔

السلام علیکم ورحمۃ اللہ وبرکاتہ!
محترم شیخ صاحب! اس صورت میں کوئی شرعی سزا موجود ہے۔ جزاک اللہ خیرا!

 

[مقبول احمد سلفی]

السلام علیکم ورحمۃ اللہ وبرکاتہ!
محترم شیخ صاحب! اس صورت میں کوئی شرعی سزا موجود ہے۔ جزاک اللہ خیرا!

ابن قدامہ نے المغنی میں ذکر کیا ہے کہ شادی شدہ عورت کو دوسرے مرد سے شادی کرنے کی حرمت دونوں کو معلوم تھا تو دونوں زانی ہیں ، ان دونوں پر حد قائم کی جائے گی اور اس میں نسب ثابت نہیں ہوگا۔انتہی

ان دونوں کو سچی توبہ کرنا چاہئے اور آئندہ اس گناہ سے بچنے کا عزم مصمم کرنا چاہئے ۔
واللہ اعلم