پیاری سی حمد باری تعالی

[محمد شاہد]

فضا رنگین ہے ،دلکش سماں ہے
تجلی کا تیری ،دریا رواں ہے
زمین سے آسماں تک ذرہ ذرہ
تری توصیف میں رطب اللساں ہے
بہ ہر منظر تری جلوہ نمائ
نہاں ہو کر بھی تو ہر سوں عیاں ہے
نہیں مخفی ہے تجھ سے کوئ گوشہ
شہود و غیب سب تجھ پر عیاں ہے
تری ہر شے پہ ہے فرمانروائ
تو ہی سارے جہاں کا حکمراں ہے
تری قدرت کا ہے ادنی کرشمہ
کہاں انسان تھا ،پہنچا کہاں ہے
نہیں موقوف کچھ ان محفلوں پر
کہ بزم حمد تو سارا جہاں ہے
مہہ و خورشید میں پر تو ہے تیرا
ترے ہی نو سے روشن یہ جہاں ہے
فرید بے نوا اور حمد گوئ
نہ منہ ایسا، نہ اس قابل یہ زباں ہے

لنک
پیاری سی حمد باری تعالی - URDU MAJLIS FORUM​