- شمولیت
- فروری 14، 2011
- پیغامات
- 9,748
- ری ایکشن اسکور
- 26,379
- پوائنٹ
- 995
چالیس احادیث یاد کرنے والے کی فضلیت
سیدنا انس فرماتے ہیں کہ جناب رسول اللہ ﷺ نے فرمایا:
انہی سیدنا انس ایک دوسری روایت میں یوں مذکورہ ہے کہ نبی ﷺ نے فرمایا:’’ مَنْ حَفِظَ عَلَى أُمَّتِي أَرْبَعِينَ حَدِيثًا مِنْ أَمْرِ دِينِهِمْ، بَعَثَهُ اللَّهُ يَوْمَ الْقِيَامَةِ فَقِيهًا عَالِمًا ‘‘ ( جو شخص میری امت کے لئے چالیس حدیثیں ،امور دین سے متعلق حفظ کر لے، روز قیامت اللہ تعالیٰ ایسے شخص کو طبقۂ علماء و فقہاء کے زمرے میں سے اٹھائے گا)۔
سیدنا ابن عباس کی بیان کردہ روایت میں ہے کہ رحمت دو عالم ﷺ نے فرمایا کہ:’’ مَنْ حَفِظَ عَلَى أُمَّتِي أَرْبَعِينَ حَدِيثًا مِمَّا يَحْتَاجُونَ إِلَيْهِ مِنَ الْحَلالِ وَالْحَرَامِ، كَتَبَهُ اللَّهُ فَقِيهًا عَالِمًا ‘‘ (جو شخص میری امت کے لئے حلال و حرام کے مسائل سے متعلق چالیس ایسی احادیث یاد کرے جن کی انہیں احتیاج و ضرورت ہوتو مولیٰ کریم اسے عالم اور فقیہ لکھے گا)۔
سیدنا عبداللہ(بن مسعود) بیان کرتے ہیں کہ شافع محشر ﷺ نے فرمایا :’’ مَنْ حَفِظَ عَلَى أُمَّتِي أَرْبَعِينَ حَدِيثًا فِي السُّنَّةِ كُنْتُ لَهُ شَفِيعًا يَوْمَ الْقِيَامَةِ ‘‘ (جو شخص میری امت کے لئے میری سنتوں سے متعلق چالیس احادیث یاد کر لے ،روز قیامت میں اس کی شفاعت کروں گا)۔
ملاحظہ:’’ مَنْ حَفِظَ عَلَى أُمَّتِي أَرْبَعِينَ حَدِيثًا، يَنْفَعُهُمُ اللَّهُ بِهَا، قِيلَ لَهُ: ادْخُلْ مِنْ أَيِّ أَبْوَابِ الْجَنَّةِ شِئْتَ ‘‘ (جو شخص میری امت کے لئے چالیس احادیث یاد کرلے جس سے اللہ پاک انہیں نفع دے ،تو اس سے کہا جائے گا بہشت بریں کے جس دروازسے چاہے داخل ہو جائے)۔
اس بارے میں تقریبا تمام احادیث ضعیف یا موضوع ہیں، دیکھیں مقدمہ اربعین نووی از امام نووی اور ضعیف الجامع وسلسلہ احادیث ضعیفہ از شیخ البانی رحمہما اللہ وغیرہ