کتاب و سنت میں شعراء کے اوصاف

[محمد نعیم یونس]

یہ ہیں شعرائے بے توفیق، اُن کا وصفِ قرآنی
یہ گمراہوں کے قائد ہیں، یہ گمراہی کے ہیں بانی

بھٹکتے پھر رہے ہوتے ہیں گمراہی کی وادی میں
تضاد قول و فعل شاعراں ہے غم میں، شادی میں

شکم میں پیپ ہو، بہتر ہے ایسی شعر گوئی سے
یہ ذکر عشق و مے سے، پھر دروغ وعیب جوئی سے

وہ مستثنی ہیں ان سے، جن میں ہیں اوصافِ ایمانی
انہیں حاصل ہے قول و فعل میں تائید رحمانی

یہی ذکرِ الہی سے سدا محظوظ ہوتے ہیں
وہ ظلم و جبر انسانی سے بھی محفوظ ہوتے ہیں

بیان میں ان کے ہوتی ہے، ہمیشہ سحر انگیزی
قصیدوں میں ہوا کرتی ہے، حکمت کی نواخیزی

صلاح ا لدین مقبول احمد​