کپڑا ٹخنوں سے نیچے رکھنے والے

[محمد نعیم یونس]

کپڑا ٹخنوں سے نیچے رکھنے والے

رسول اللہ صلی اللہ علیہ وسلم نے فرمایا:
(( یَا سُفْیَانَ بْنَ سَھْلٍ! لَا تُسْبِلْ فَإِنَّ اللّٰہَ لَا یُحِبُّ الْمُسْبِلِیْنَ۔ ))1
'' اے سفیان بن سہل! کپڑا ٹخنوں سے نیچا نہ کر کیونکہ اللہ تعالیٰ ایسے لوگوں کو پسند نہیں فرماتے۔ ''
(مُسِبل) سے مراد وہ انسان ہے جو اپنا ازار ٹخنوں سے نیچا رکھتا ہے رسول کریم صلی اللہ علیہ وسلم کی بتائی ہوئی حد سے تجاوز کرتا ہے۔ چنانچہ فرمایا:
(( إِزْرَۃُ الْمُسْلِمِ إِلیٰ نِـصْفِ السَّاقِ، وَلَا حَرَجَ ... أَوْ لَا جُنَاحَ ... فِیْمَا بَیْنَہُ وَبَیْنَ الْکَعْبَیْنِ، مَا کَانَ أَسْفَلَ مِنَ الْکَعْبَیْنِ فَھُوَ فِي النَّارِ، مَنْ جَرَّ إِزَارَہُ بَطَرًا لَمْ یَنْظُرِ اللّٰہُ إِلَیْہِ۔ ))2
'' مسلمان کا ازار نصف پنڈلی تک ہے اور یہاں سے لے کر ٹخنوں کے درمیان تک کوئی حرج یا کوئی گناہ نہیں (اور) جو ٹخنوں سے نیچا ہوگا وہ آگ میں ہے، جس نے تکبر کی بناء پر ازار لٹکایا (تو) اللہ تعالیٰ اس کی طرف (نظر رحمت سے) نہیں دیکھیں گے۔ ''
معلوم ہوا کہ مستحب نصف پنڈلی تک ہے لیکن اگر ٹخنے تک بھی کپڑا چلا جائے تو کوئی کراہت نہیں ہاں! اگر ٹخنوں سے نیچا چلا گیا تو یہ ممنوع اور حرام ہے۔
نبی مکرم صلی اللہ علیہ وسلم نے یہ خبر بھی دی ہے کہ اسبال ہی تکبر ہے اور تکبر کو اللہ تعالیٰ پسند نہیں کرتے، فرمایا:
(( وَارْفَعْ إِزَارَکَ إِلیٰ نِصْفِ السَّاقِ، فَإِنْ أَبَیْتَ فَإِلَی الْکَعْبَیْنِ، وَإِیَّاکَ وَإِسْبَالَ الْاِزَارِ فَإِنَّھَا مِنَ الْمَخِیْلَۃِ، وَإِنَّ اللّٰہَ لَا یُحِبُّ الْمَخِیْلَۃَ۔ ))3
'' اپنا ازار نصف پنڈلی تک اٹھا کر رکھ اگر تو انکار کرتا ہے تو ٹخنوں تک کرلے، اپنے آپ کو ازار کے لٹکانے سے بچا کیونکہ یہ تکبر سے ہے اور اللہ تکبر کو پسند نہیں کرتا۔ ''
ــــــــــــــــــــــــــــــــــــــــــــــــــ
1 صحیح سنن ابن ماجہ، رقم: ۲۸۷۶۔
2 صحیح سنن أبي داود، رقم: ۳۴۴۹۔
3 صحیح سنن أبي داود، رقم: ۳۴۴۲۔

 

[محمد نعیم یونس]

ایسا انسان قیامت کے دن بہت بڑے خطرے اور عذاب عظیم میں مبتلا ہوگا کیونکہ رسول اللہ صلی اللہ علیہ وسلم نے فرمایا:
(( ثَـلَاثَۃٌ لَا یُکَلِّمُھُمُ اللّٰہُ یَوْمَ الْقِیَامَۃِ، وَلَا یَنْظُرُ إِلَیْھِمْ، وَلَا یُزَکِّیْھِمْ، وَلَھُمْ عَذَابٌ أَلِیْمٌ۔)) قَالَ فَقَرَأَھَا رَسُوْلُ اللّٰہِ صلی اللہ علیہ وسلم : (( ثَـلَاثَ مَرَّاتٍ۔)) قَالَ أَبُوْذَرٍّ: خَابُوْا وَخَسِرُوْا، مَنْ ھُمْ یَا رَسُوْلَ اللّٰہِ صلی اللہ علیہ وسلم : قَالَ: أَلْمُسْبِلُ إِزَارَہُ، وَالْمَنَّانُ، وَالْمُنْفِقُ سِلْعَتَہُ بِالْحِلْفِ الْکَاذِبِ۔ ))1
'' تین آدمیوں سے اللہ تعالیٰ کلام نہیں کریں گے اور نہ ہی ان کی طرف دیکھیں گے اور نہ ہی انہیں پاک کریں گے اور ان کے لیے دردناک عذاب ہے۔ راوی کہتے ہیں ''آپ صلی اللہ علیہ وسلم نے اسے تین بار دوہرایا ابوذر کہنے لگے ''یارسول اللہ وہ تو رسوا ہوگئے اور خسارہ پانے والے ہوئے، وہ کون لوگ ہیں؟ آپ نے فرمایا: (ایک) ٹخنوں سے نیچے کپڑا لٹکانے والا، (دوسرا) احسان جتلانے والا (تیسرا) جھوٹی قسم اٹھا کر اپنا سامان فروخت کرنے والا۔ ''
اسبال صرف ازار میں ہی نہیں بلکہ قمیص اور پگڑی میں بھی ہوسکتا ہے کیونکہ رسول اللہ صلی اللہ علیہ وسلم نے فرمایا:
(( اَلْاِسْبَالُ؛ فِي الْاِزَارِ، وَالْقَمِیْصِ، وَالْعَمَامَۃِ، مَنْ جَرَّ مِنْھَا شَیْئًا خُیَـلَائَ، لَمْ یَنْظُرِ اللّٰہُ إِلَیْہِ یَوْمَ الْقِیَامَۃِ۔ ))2
'' اسبال ازار، قمیص اور پگڑی میں ہے جس نے ان سے کچھ بھی تکبر کی بناء پر لٹکایا تو اس کی طرف اللہ تعالیٰ قیامت کو نہیں دیکھیں گے۔ ''
قمیص سے جسم ڈھانپنے والا وہ کپڑا مراد ہے جو نصف پنڈلی یا ٹخنوں کے قریب تک ہوتا ہے نیز اس کے تحت چوغہ، جیکٹ، کوٹ وغیرہ بھی آجاتے ہیں۔پگڑی میں اسبال سے مراد ہے کہ اس کا کنارا عام عادت سے زیادہ لمبا ہو۔قمیص کے آستین ضرورت سے زائد ہوں یعنی ہر وہ لباس جو عام عادت سے زیادہ لمبا یا وسیع ہو تو وہ اسبال کہلائے گا۔
ــــــــــــــــــــــــــــــــــــــــــــــــــ
1أخرجہ مسلم في کتاب الإیمان، باب: تحریم إسبال الإزار والمن بالعطیۃ وتنفیق السلعۃ بالحلف، رقم: ۲۹۳۔
2 صحیح سنن أبي داود، رقم: ۳۴۵۰۔

اللہ تعالی کی پسند اور ناپسند

 

[محمد عامر یونس]

جزاک اللہ خیرا -

 

[حق کی طرف رجوع]

جزاک اللہ خیرا -

 

[محمد ارسلان]

جزاک اللہ خیرا

 

[حافظ عمران الہی]

ازار کا لغوی اور اصطلاحی معنی کیا ہے کیا شلوار بھی ازار کہلاے گی ؟ؕ

 

[محمد عامر یونس]

 

[اسحاق سلفی]

ازار کا لغوی اور اصطلاحی معنی کیا ہے کیا شلوار بھی ازار کہلاے گی ؟ؕ

الإِزَارُ : ثوبٌ يُحيط بالنِّصف الأَسفل )
وہ کپڑا جو انسان کے نچلے نصف بدن کو محیط ہو اسے ۔ازار ۔ کہا جاتا ہے ،

 

[اسحاق سلفی]

معنى الإزار في معجم المعاني الجامع - معجم عربي عربي
1.إِزار: ( اسم )
الجمع : آزِرة و أُزُر
الإِزَارُ : ثوبٌ يُحيط بالنِّصف الأَسفل من البدن يذكر ويؤَنث
الإِزَارُ : الرأي يُعَلَّق به في أسفل الكتابِ
شَدَّ عليه إزاره : كَبِرَ ، بلغ مبلغ الرجال ،
شَدَّ للأمر إزاره : استعدّ وتهيَّأ له ،
طيِّب الإزار : عفيف ، شريف ، طاهر ،
فلان عفيف الإزار : عَفُّ عما يُحَرَّم عليه من النساءِ
إزار الحائط : ما يُلصق به أسفله للتقوية أو الصيانة أو الزِّينة
اِرْتَدَتْ إِزَارَهَا : المِلْحَفَة ، ثَوْبٌ كَانَتْ الْمَرْأَةُ العَرَبِيَّةُ تَتَّخِذُهُ لِحَافاً وَمَازَالَ فِي بَعْضِ الْمَنَاطِقِ

 

[محمد عامر یونس]

الإِزَارُ : ثوبٌ يُحيط بالنِّصف الأَسفل )
وہ کپڑا جو انسان کے نچلے نصف بدن کو محیط ہو اسے ۔ازار ۔ کہا جاتا ہے ،

بھائی سمجھا نہیں وضاحت سے بتا دے