کیا ایصال ثواب کی نیت سے کی جانے ولی گیارھویں بھی حرام ہے؟

[m.mustafain]

السلام علیکم ورحمۃ اللہ

کیا ایصال ثواب کی نیت سے کی جانے والی گیارہویں کو بھی حرام کہا جا سکتا ہے؟
میں نے جب بھی اس موضوع پر بریلوی عما کو سنا ہے تو وہ کہتے ہیں کہ ہم یہ کام بزرگوں کی یاد میں اور ایصال ثواب کی نیت سے کرتے ہیں۔ جبکہ بریلوی عوام کو اس حوالے سے کچھ معلوم ہی نہیں ہوتا کہ یہ کیوں کی جاتی ہے۔
میرا سوال یہ ہے کہ اگر بریلوی عوام میں سے کوئی شخص باقائدہ یہ کہہ کر گیارہویں کا کھانا لوگوں میں تقسیم کرے کہ اس کھانے کو میں شیخ عبدالقادر جیلانی کو ایصال ثواب کی نیت سے تقسیم کر رہا ہوں تو کیا اایسا کھانا بھی حرام ہی رہے گا یا حرام سے ہلکا کوئی حکم لگے گا؟
کتاب و سنت کی روشنی میں علما سے وضاحت کی درخواست ہے۔
جزاک اللہ خیرا

 

[خضر حیات]

و علیکم السلام ورحمۃ اللہ وبرکاتہ
حقیقت حال ایسے ہی ہو جیسا کہ اوپر بیان کیا گیا تو بھی ایصال ثواب کا یہ طریقہ غیر مسنون ہے ۔ اس کا کسی بھی انداز سے حصہ بننے سے گریز کرنا چاہیے ۔
البتہ یہ کھانا حرام نہیں ہوگا ، کیونکہ اسے اللہ کے نام پر ہی تیار کیا گیا ہے۔
مزید تفصیل کے لیے دیکھیں :
ایصال ثواب کے طور پر گیارہویں وغیرہ کی حیثیت
ایصال ثواب کی شرعی حیثیت
محدث فورم : ایصال ثواب