کیا حسن البصری رحمہ اللہ کا حضرت علی رضی اللہ عنہ سے سماع ثابت ہے؟

[ریحان احمد]

السلام علیکم ورحمۃ اللہ!
عرض ہے کہ کچھ عرصہ قبل طاہر القادری صاحب نے ایک کتابچہ لکھا اور اس میں یہ ثابت کرنے کی کوشش کی کہ حسن بصری نے حضرت علی سے سماع کیا ہے۔

کیا طاہر القادری صاحب کا یہ دعوی درست ہے؟
جزاک اللہ خیرا

 

[کفایت اللہ]

تمام متقدمین محدثین نے علی رضی اللہ عنہ سے حسن بصری رحمہ اللہ کے سماع کی نفی کی ہے۔
اور متاخرین نے بھی اسے تسلیم کیا ہے فقط گنتی کے چندلوگوں نے ہی اس کی مخالفت کی ہے مگر ان کے پاس کوئی دلیل نہیں ہے اور حق بات یہی معلوم ہوتی ہے علی رضی اللہ عنہ سے حسن بصری کاسماع ثابت نہیں ۔
اور طاہر قادری صاحب نے معلوم نہیں کن دلائل کی بناپر مذکورہ دعوی کیا ہے ۔
اگر ممکن ہو تو طاہر قادری صاحب کی کتاب کا لنک پیش کردیں۔

 

[کفایت اللہ]

طاہر قادری صاحب کی کتاب میں نے دیکھ لی ہے ۔
موصوف ایک بھی دلیل پیش نہیں کرسکے بس امام سیوطی کے حوالے ہیں اور چند روایات ہیں اور کچھ نہیں۔ اوردلیل کے نام پر تو کچھ بھی نہیں ہے۔

اس سلسلے میں درج ذیل کتاب کا مطالعہ مفید ہے۔

القول الجلي في سماع الحسن من علی​