شیخ
@اسحاق سلفی بھائی جو شخص (شب زفاف) پہلی رات کے قصے ...... اپنے دوستوں اور سہلیوں میں سنائے اسلام ان کے بارے میں کیا کہتا ہے
جو اپنے ازدواجی زندگی کے راز دنیا میں خود دوسروں کو بتائے ،روز قیامت اللہ تعالی اسے رسوا کرے گا ؛
اور دوسری حدیث میں اسے شیطانی عمل سے تشبیہ دی گئی ہے ؛؛
«عن أسماء بنت يزيد أنها كانت عند رسول الله - صلى الله عليه وسلم - والرجال والنساء قعود عنده فقال: " لعل رجلا يقول ما يفعل بأهله. ولعل امرأة تخبر بما فعلت مع زوجها؟ " فأزم القوم فقلت: أي والله يا رسول الله إنهم ليفعلون، وإنهن ليفعلن. قال: " فلا تفعلوا، فإنما مثل ذلك مثل شيطان لقي شيطانة فغشيها والناس ينظرون» ".
مجمع الزوائد ومنبع الفوائد-ج4-ص 294
رواه أحمد، والطبراني، وفيه شهر بن حوشب، وحديثه حسن، وفيه ضعف.
ترجمہ :
اسماء بنت یزید فرماتی ہیں :کہ میں جناب رسول اللہ ﷺ کی خدمت میں حاضر تھی ،اور وہاں اور بھی کچھ مرد و خواتیں موجود تھے ،وہاں نبی کریم ﷺ نے فرمایا :
’’ہو سکتا ہے مرد ایک زمانے میں (شرم و حیا سے عاری ہو کر )یہ بتانے لگے کہ وہ اپنی بیوی کے ساتھ کیا کرتا ہے ۔اور اسی طرح کوئی عورت بتانے لگے ،کہ وہ اپنے شوہر کیساتھ کیا کیا کرتی ہے ،
تو وہاں موجود لوگ یہ سن کر خاموش رہے ،تو میں نے عرض کی کہ:
اے اللہ کے رسول ﷺ (میاں بیوی کے درمیان کا معاملہ دوسروں کو بتانے )کا ارتکاب تو کئی مرد و خواتین کرتے ہیں ؛
جناب رسول اکرم ﷺ فرمایا :نہیں ،تم ایسا ہرگز نہ کرو ، کیونکہ اس کی مثال ایسے ہی ہے جیسے کوئی شیطان کسی شیطانہ سے رستے میں ملے ،اور لوگوں کے سامنے ہی
اس سے بدکاری کرنے لگے ‘‘
اس حدیث کو امام احمد نے مسند میں اور طبرانی نے معجم میں روایت کیا ہے ؛