ہنسنا منع ہے ۔ ۔ ۔ ۔ ۔ ۔ ۔ ۔ ۔ ۔ ۔ ۔ مسکرانا منع نہیں

[یوسف ثانی]

ایک شخص گدھے پر سوار کہیں جارہا تھا ۔ راستے میں اس نے ایک شخص کو دیکھا جو ایک شاندار گھوڑے پر سوار تھا ۔

گھڑ سوار کے سامنے اس آدمی نے جھک کر کہا

جناب والا کیا آپ میری سواری سے اپنی سواری تبدیل کرنا پسند کریں گے ۔

کیا تم احمق ہو ؟ گھڑ سوار نے غصے سے جواب دیا ۔

نہیں جناب گدھے کے مالک نے جواب دیا ۔ ۔ ۔ ۔ ۔ ۔ لیکن ممکن ہے کہ آپ ہوں ۔

 

[یوسف ثانی]

بچے ہمارے عہد کے چالاک ہوگئے​

استانی نے کلاس میں چوتھی جماعت کے ایک طالب علم سے پوچھا

تم بڑے ہو کر کیا کروگے؟

‘‘نکاح‘‘ لڑکے بلا تامل جواب دیا۔

’’میرا مطلب ہے کہ کیا بنو گے‘‘؟ استانی نے سٹ پٹا کر اپنی بات دھرائی۔

‘‘دولھا‘‘ لڑکے کے پاس جواب تیار تھا۔

‘‘احمق! میں یہ پو چھ رہی ہوں کہ بڑے ہوکر تم کیا حاصل کرو گے‘‘؟

’’دولہن‘‘ ۔۔۔ لڑکے کی سوئی ایک ہی جگہ اٹکی ہوئی تھی۔

’’میں یہ جاننا چاہتی ہوں تم اپنے ماں باپ کے لئے کیا کرو گے؟‘‘ استانی نے جھلا کر سوال کیا۔

‘‘بہولا ؤں گا ‘‘ بچہ بولا

’’ تمہارے والدین تم سے کیا چاہتے ہیں؟ ‘‘ استانی اپنے سوال کاجواب سننے پر مصر تھی۔

’’ پوتا‘‘ ۔

’’گدھے ! یہ بتاؤ کہ تمہاری زندگی اور اس تعلیم کا مقصد کیا ہے؟‘‘ اب استانی کے صبر کا پیمانہ لبریز ہو گیا۔

’’شادی‘‘، بچہ نے معصومیت سے جواب دیا

 

[یوسف ثانی]

بڑی عمر والی​

دو عورتیں بس میں سیٹ کے معاملے میں لڑ رہی تھیں، دونوں کہہ رہی تھیں کہ میں بیٹھوں گی، میں بیٹھوں گی،

ایک بوڑھا آدمی یہ لڑائی دیکھ رہا تھا،جب بوڑھے آدمی نے دیکھا کہ لڑائی ختم نہیں ہورہی تو آخر کار وہ بولا:

بیٹا لڑ کیوں رہی ہو؟ اس کا حل میں تم کو بتاتا ہوں۔ تم میں جو عمر میں بڑی ہے وہ بیٹھ جائے۔

اب دونوں ایک دوسرے سے بولیں!

پلیز آپ بیٹھ جائیں!!!

پلیز آپ بیٹھ جائیں!!!

 

[یوسف ثانی]

شعر میں کوئی خامی رہ گئی ہوگی​

جگر مراد آبادی کے ایک شعر کی تعریف کرتے ہوئے ایک زندہ دل نے ان سے کہا۔

"حضرت، آپ کی غزل کے ایک شعر کو لڑکیوں کی ایک محفل میں پڑھنے کے بعد میں بڑی مشکل سے پٹنے سے بچا ہوں۔"

جگر صاحب ہنس کر بولے۔

"عزیزم، میرا خیال ہے کہ شعر میں کوئی خامی رہ گئی ہوگی، وگرنہ یہ کسی طرح ممکن نہ تھا کہ آپ کو مارا پیٹا نہ جاتا۔"

 

[یوسف ثانی]

کوئی اور ہے ؟​

ایک سردار پہاڑ کی سیر کو گیا، اس کے سر میں سمائی کہ پہاڑ کی چوٹی تک پہنچا جائے۔ چڑھائی چڑھتے چڑھتے اس کا پائوں پھسل گیااور وہ نیچے لڑھکنے لگا۔ اچانک اس کا ہاتھ ایک جھاڑی پر پڑا اور وہ اسے دبوچ کر لٹک گیا۔ نیچے نگاہ دوڑائی تو ہزاروں فٹ گہرائی! بہت دیر پریشانی کے عالم میں لٹکا آوازیں دیتا رہا مگر وہاں کوئی ہوتا تو اس کی آوازیں سنتا،

اچانک اس کے دل میں آئی کہ واہِ گرو میرا آخری سہارا ہے۔ اس کو یاد کرتے ہیں، اس نے نہایت خشوع و خضوع سے واہِ گرو کو یاد کیا کہ میں نے زندگی بھر بہت گناہ کئے ہیں مگر اس وقت موت کے چنگل میں پھنسا ہوں، مجھے بچالے ، وہ دعا مانگ رہا تھا کہ اچانک ایک آوازگونجی۔

“جھاڑی کو ہاتھ سے چھوڑ دے“

جھاڑی سے لٹکا ہوا سردارآواز سن کر بہت پریشان ہوا، کہنے لگا “ میں ہاتھ کیسے چھوڑ دوں ۔ہزاروں فٹ گہری کھائی ہے، نیچے گرا تو مرجائو گا!“ اوپر سے پھر آواز آئی

“جب تو مدد مانگ رہا ہے تو پھر جو کہا جارہا ہے، اس پر عمل کر“

سردار نے چند لمحے غور کیا اور پھر چلا کر بولا۔

’’ایتھے کوئی ہور ہے جہڑا میری مدد نوں آوے !!“ (یہاں کوئی اور ہے جو میری مدد کو آئے)

 

[یوسف ثانی]

قوم کا قوال​

تحریک خلافت کے زمانے میں مولانا محمد علی جوہر ، علامہ اقبال کے پاس آئے اورانہیں تنقید کا نشانہ بناتے ہوئے بولے۔

” ظالم ! تم نے اپنی شاعری سے لوگوں کو گرما کر ان کی زندگی میں ہیجان برپا کر دیا ہے، مگر خود کسی کام میں حصہ نہیں لیتے، آخر کیوں؟‘‘

اس پر اقبال نے جواب دیا:
تمہیں معلوم ہونا چاہیئے کہ میں تو قوم کا قوّال ہوں۔ اگر قوال خود وجد میں آکر جھومنے لگے تو قوالی ہی ختم ہو جائے گی ۔

 

[یوسف ثانی]

ڈھنگ کا لڑکا​

بیوی نے اپنے میاں کو جوان بیٹی کی ذمہ داری کا احساس دلاتے ہوئے کہا: اس کے لیے کوئی لڑکا تو تلاش کرو۔

میاں کہنے لگے: ’’بیگم ! میں بھی اسی فکر میں ہوں لیکن کوئی ڈھنگ کا لڑکا نظر ہی نہیں آتا،
جو بھی ملتا ہے، نکما، نکھٹو، بے ڈھنگا اور نالائق ہی ملتا ہے“

’’لو اور سنو!“ بیگم چلا اٹھی “ میرے ابا بھی اگر یہی سوچتے رہتے تو میں اب تک کنواری ہی بیٹھی رہتی“

 

[Aamir]

ایک فقیر ایک روز کسی کے گھر روٹی مانگتے ہوئے بولا
الله کے نام سے کچھ روٹیاں دے دو،
اس پر گھر سے ایک خواتین باہر نکلی اورکہا، بابا، کیا آپ کو باسی روٹیا چلےگی،
اس پر وہ بیچارہ فقیر بولا" چلےگی بہن"
اس پر اس خواتین نے کہا تو آپ کل آئیے، آج تو روٹیاں تازہ ہے کل باسی روٹیاں ضرور دونگی.

 

[Aamir]

عمر کے ساتھ طاقت

ایک بوڑھا اپنے دوست سے: لگتا ہے جیسے جیسے میری عمر بڑھتی جا رہی ہے ،،،،،، ویسے ویسے میری طاقت بھی بڑھتی جا رہی ہے۔
دوست: کیسے؟؟
بوڑھا: آج سے دس سال پہلے میں ١٠٠ روپے کی چینی بڑی مشکل سے اٹھا پاتا تھا ، پر آجکل میں آسانی سے اٹھا لیتا ہوں

 

[Aamir]

شوہر اپنا حق جتاتے ہوئے

میاں بیوی کے جھگڑے میں بیوی کچھ بڑھ چڑھ کر بول گئی۔ شوہر نے اپنا حق جتاتے ہوئے کہا : میں کہتا ہوں اپنا الفاظ واپس لے لو

بیوی بولی: نہیں لیتی

شوہر پھر غصے میں کہا: آخری بار کہتا ہوں اپنے الفاظ واپس لے لو ، میں تمہیں پانچ منٹ کا وقت دیتا ہوں

بیوی نے پر سکون انداز سے پوچھا : اور اگر پانچ منٹ کے اندر اپنے الفاظ واپس نہ لئے تو!؟

شوہر نے کہا: تو تمہیں کتنا وقت چاہیے؟