یا رب کیا پکڑوں ؟؟

[محمد عامر یونس]

یا رب کیا پکڑوں ؟؟

رسول اللہ صلی اللہ علیہ وسلم نے فرمایا کہ جو شخص دس آیتوں کی تلاوت کسی رات میں کر لے ، اس کے لئے ایک قِنطار کے برابر اجر لکھ دیا جاتا ہے ، اور قِنطار دنیا و مافیہا سے زیادہ قیمتی ہے ، جب قیامت کا دن ہوگا تو تمہارا رب کہے گا ، پڑھتا جا اور (ہر آیت کے بدلے جنت کا ایک درجہ) چڑھتا جا ، یہاں تک کہ آخری آیت تک پہنچ جائے گا ، اللہ رب العزوجل اِس کو کہے گا ، پکڑ لے ، بندہ اپنا ہاتھ بڑھا کر کہے گا اے میرے رب ! تو زیادہ جانتا ہے (میں کیا پکڑوں ؟) اللہ تعالی فرمائے گا ، اِس ہاتھ سے جنت کی ہمیشہ کی زندگی اور اِس ہاتھ سے جنت کی کبھی نہ ختم ہونے والے نعمتیں لے لے

--------------------------------------------------------------------
(صحيح الترغيب : 638 ، ، الترغيب والترهيب : 1/300 ، ،
المتجر الرابح :73 ، ، مجمع الزوائد : 2/270 ، ، المعجم الأوسط للطبراني : 8/218)​

 

[محمد عامر یونس]

السلام علیکم ورحمتہ اللہ وبرکاتہ !

شیخ محترم @اسحاق سلفی بھائی فیس بک پر یہ پوسٹ کی تھی جس پر ایک بھائی نے سوال پوچھا ہے - اس کا جواب دے دیں

Hina Ibrahim
Ap ny ye nhe btaya k konsi 10 Aayat hn wo...​

 

[اسحاق سلفی]

السلام علیکم ورحمتہ اللہ وبرکاتہ !

شیخ محترم @اسحاق سلفی بھائی فیس بک پر یہ پوسٹ کی تھی جس پر ایک بھائی نے سوال پوچھا ہے - اس کا جواب دے دیں

Hina Ibrahim
Ap ny ye nhe btaya k konsi 10 Aayat hn wo...​

وعلیکم السلام ورحمۃاللہ وبرکاتہ
محترم بھائی ۔۔۔
اس حدیث میں جن دس آیات کے پڑھنے کی فضیلت بتائی گئی ہے، وہ متعین نہیں ہیں ، یعنی قرآن میں سے جہاں چاہے دس آیات پڑھے اس کو فضیلت حاصل ہو جائے گی ، ان شاء اللہ الکریم :
’’من قرأ عشر آيات فى ليلة كتب له قنطار والقنطار خير من الدنيا وما فيها فإذا كان يوم القيامة يقول ربك اقرأ وارق بكل آية درجة حتى ينتهى إلى آخر آية معه يقول ربك اقبض فيقبض فيقول العبد بيده يا رب أنت أعلم فيقول بهذه الخلد وبهذه النعيم (الطبرانى عن فضالة بن عبيد وتميم الدارى معا)‘‘
أخرجه الطبرانى (2/50، رقم 1253) قال الهيثمى (2/267) : فيه إسماعيل بن عياش ولكنه من روايته عن الشاميين وهى مقبولة.
ترجمہ :
رسول اللہ صلی اللہ علیہ وسلم نے فرمایا کہ جو شخص دس آیتوں کی تلاوت کسی رات میں کر لے ، اس کے لئے ایک قِنطار کے برابر اجر لکھ دیا جاتا ہے ، اور قِنطار دنیا و مافیہا سے زیادہ قیمتی ہے ، جب قیامت کا دن ہوگا تو تمہارا رب کہے گا ، پڑھتا جا اور (ہر آیت کے بدلے جنت کا ایک درجہ) چڑھتا جا ، یہاں تک کہ آخری آیت تک پہنچ جائے گا ، اللہ رب العزوجل اِس کو کہے گا ، پکڑ لے ، بندہ اپنا ہاتھ بڑھا کر کہے گا اے میرے رب ! تو زیادہ جانتا ہے (میں کیا پکڑوں ؟) اللہ تعالی فرمائے گا ، اِس ہاتھ سے جنت کی ہمیشہ کی زندگی اور اِس ہاتھ سے جنت کی کبھی نہ ختم ہونے والے نعمتیں لے لے ‘‘

 

[محمد عامر یونس]

جزاک اللہ خیرا - شیخ محترم

 

[محمد نعیم یونس]

السلام علیکم ورحمۃ اللہ وبرکاتہ!
محترم شیخ صاحب!
"قنطار" کی شرح یا معنی بھی بتا دیں.
جزاک اللہ خیرا

 

[اسحاق سلفی]

السلام علیکم ورحمۃ اللہ وبرکاتہ!

"قنطار" کی شرح یا معنی بھی بتا دیں.
جزاک اللہ خیرا

وعلیکم السلام ورحمۃ اللہ وبرکاتہ
قنطار کا مفہوم : قنطار ۔ اصل میں تو ایک وزن ہے جس کی مقدار زمانے کے ساتھ گھٹتی بڑھتی رہی ہے لیکن عام استعمال میں اس سے مراد مالِ کثیر ہوتا ہے ۔ جیسے ہم منوں مال ، ڈھیروں مال ، بولتے ہیں ، عربی میں اسی مفہوم کی تعبیر کے لیے یہ لفظ ہے ۔
سورہ النساء میں اللہ کریم کا ارشاد ہے :
(( وَاِنْ اَرَدْتُّمُ اسْتِبْدَالَ زَوْجٍ مَّكَانَ زَوْجٍ ۙ وَّاٰتَيْتُمْ اِحْدٰىھُنَّ قِنْطَارًا فَلَا تَاْخُذُوْا مِنْهُ شَـيْـــًٔـا ۭ اَتَاْخُذُوْنَهٗ بُھْتَانًا وَّاِثْمًا مُّبِيْنًا 20؀
اور اگر تم ایک بیوی کی جگہ دوسری بیوی بدلنا چاہو اور تم نے ایک کو ڈھیروں مال دے رکھا ہو تو بھی اس میں سے کچھ نہ لو ، کیا تم بہتان لگا کر اور کھلی ہوئی حق تلفی کر کے اس کو لوگے ؟
اسی سے قناطیر مقنطرۃ کی ترکیب بھی قرآن میں استعمال ہوئی ہے ۔ سورہ آل عمران ۱۴
(( زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ ۔۔))
مرغوب چیزوں کی محبت لوگوں کے لئے مزین کر دی گئی ہے، جیسے خواہشات نفس سے محبت، جیسے عورتوں سے، بیٹوں سے، سونے اور چاندی کے جمع کردہ خزانوں سے

قنطار : وزن کے ایک پیمانے کا نام ہے ،جیسے (عربوں کے ہاں ) رطل (تقریباً ۴۰۰ گرام )اور ربع (ایک گیلن یا کواٹر ) وزن اور ماپ کے پیمانے ہیں ،
جب کوئی چیز قنطار کے وزن برابر ہو تو کہتے ہیں :یہ قنطار ہے ۔( مختلف چیزوں کا قنطار مختلف وزن کا ہوتا ہے ،آج کل مصر میں تقریباً ۴۵ کلو کا ہوتا ہے )
اور تیونس میں ایک سو کلو کو کہتے ہیں ، اور ملک شام میں142 ۔۔ کلو کو کہا جاتا ہے

اور مال کی ایک بڑی مقدار کو بھی قنطار کہا جاتا ہے ،

 

[محمد نعیم یونس]

جزاک اللہ خیرا واحسن الجزاء