یزید سے محبت اور عداوت کے متعلق !!!!!

[ریحان احمد]

السلام علیکم ورحمۃ اللہ وبرکاتہ!

گزشتہ کچھ عرصہ سے اہل الحدیث حضرات میں یزید کی شخصیت شدید اختلاف جیسی صورت اختیار کر گئی ہے۔ ایک طرف تو یزید کو قاتل حسین اور فاسق و فاجر ثابت کرنے میں زور لگایا جا رہا ہے تو دوسری طرف اس کے بر عکس۔ اگر تو یہ اختلاف اچھے انداز میں کیا جاتا تو یقینا فائدہ مند ہوتا لیکن مخالفین میں ایک فریق کی سختی اور غلط انداز تخاطب کی وجہ سے نوعیت شدید ہو گئی ہے۔ حیرانی کا موجب تو یہ ہے کہ نہ ہی یہ مسئلہ عبادات میں سے ہے اور نہ ہی عقائد میں سے، تو پھر اس پہ اتنا زور کیوں دیا جا رہا ہے۔

میرے خیال میں یزید کو رحمہ اللہ کہنے سے نہ تو کوئی بندہ ناصبی ہو جاتا ہے اور نہ ہی یزید کو برا کہنے سے کوئی رافضی بن جاتا ہے ۔ اصل مسئلہ تو اہل بیت سے محبت کا ہے جس میں کمی یا غلو نہیں ہونا چاہئے۔

اللہ تعالی ہم سب کو ہدایت والی راہ پہ چلنے کی توفیق عطا فرمائے۔ آمین۔

 

[مشکٰوۃ]

وعلیکم السلام ورحمۃ اللہ وبرکاتہ
یقیننا اختلاف سلف میں بھی رہا ہے لیکن ان کے انداز میں اور آج کے ‘‘مولویوں‘‘ کے انداز میں مشرق مغرب کی دوری ہے۔
مسئلہ ناصبی ،رافضی کا نہیں یہاں تو بہت سے افراد کو کافر بھی قرار دے دیا گیا ہے۔ ۔اگر یزید رحمہ اللہ کو بدکار،قاتل اور فاسق انسان کہا گیا ہے تو کمی یزید کو برا کہنے والوں نے اپنی ذات میں بھی نہیں چھوڑی ۔ ۔ اعترافاتِ جرم خود ہی اپنی زبانوں سے کیئے گئے ہیں چاہے تو وہ دوسروں کی عزت اچھال کر ، دوسروں پر بہتانات باندھ کر کئے گئے یا چوکوں ،چوراہوں میں میں قتل کا اعتراف کر کے۔ ۔
سمجھ نہیں آتی کے بیٹھے بٹھائے اس فتنہ کو ہوا دینے کا مقصد کیا تھا؟؟جب اتنے عرصہ سے علما ءخاموشی اختیار کئے ہوئے ہیں تو اب مسئلہ سے نکالنا کیا ہے؟؟