’محدث‘ کے ایک مضمون پر عمار خاں ناصر کا تبصرہ!

[سرفراز فیضی]

حضرت عمر رضی اللہ تعالیٰ عنہ کا فرمان ہے کہ اگر حلالہ کرنے کرانے والے میرے پاس لائے گئے تو انہیں رجم کروں گا۔ جس عمل پر حضرت عمر رضی اللہ تعالیٰ عنہ کا رویہ اتنا سخت ہو اس کو قرآن وسنت سے جواز دینے والے کے لیے اگر کسی کی زبان سخت ہوجائے تو بالکل درست ہے ۔ بلکہ اس مسئلہ کو دوسرے فقہی مسائل کی طرح ڈسکس کرنا ایمانی رویہ کے خلاف ہے ۔ یہ دیگر ’’فقہی اختلاف کے ادب آداب‘‘ سے مستشنیٰ ہے ۔ جہاں مسلم امت کی بہو بیٹیوں کی عزت اور حرمت کی پامالی کا مسئلہ ہو وہاں مومن بندہ میں ایمانی اور قومی غیرت پیدا ہوجانا فی نفسہ مطلوب اور محمود ہے ۔ چہ جائیکہ اس پر تنقید کی جائے ۔

 

[BlueJayWay]

نبی صلی اللہ علیہ وسلم اور عمر رضی اللہ عنہ کا stance دیکھئے اور بتا ئیے کہ کہاں انہوں نے اخلاقیات کا دامن چھوڑا۔
حافظ صاحب حفظہ اللہ کے معاملے میں اس طرح کا اسلوب ان کی روایت ہے۔ ان کی شرح ریاض الصالحین اٹھا کر دیکھ لیں۔ دونوں جلدوں کا سب سے لمبا پیراگراف شیخ البانی (اللہ کی ان پر بے شمار رحمتیں ہوں) کا متعصب دفاع ہے۔ ظاہری بات ہے، وہ بھی ایمان کا مسلہ بن جاتا ہے اور اس کے لیے بھی جواز تیار ہو گا۔
ویسے چلیے آپ کے ہاں ایسا ہی ہو گا مگر امت کا بے وقوف طبقہ دینی حمیت اور اعلیٰ اخلاق کو ایک دوسرے سے متصادم نہیں سمجھتا۔ اس کے لیے دعا فرما دیجئے۔

 

[محمد فیض الابرار]

ویسے کیا حق کو بیان کرنا ۔۔۔۔۔ مسلکی رگ پھڑکنے کے زمرے میں آتا ہے ؟

مسلکی رگ پھڑک اٹھے تو علم اور وسعت مطالعہ کچھ نہیں کر سکتے
تو کیا محمد عمار خان نے حافظ صلاح الدین یوسف پر جہالت اور بداخلاقی کا فتوی نہیں لگا دیا ؟
اور کیا یہ اسلوب انہیں زیب دیتا تھا کہ : فقہی اختلاف کے ادب و آداب سب طاق نسیاں کی نذر ہو جاتے ہیں
میرا خیال ہے محمد عمار خان کا تعلق جس خانوادہ سے ہے اسے مدنظر رکھا جائے تو اس الزام تراشی پر گفتگو کی ضرورت ہی نہیں رہتی

ایک بات واضح رہے جب بحث کرنے والا دلائل کا جواب دلائل سے نہ دے اور اس طرح تہمتوں اور الزام تراشی اک سہارا لے تو بات سمجھ میں آ جاتی ہے کہ اس کے پاس جواب نہیں ہے عمار خان نے دلائل کا جواب صرف الزام سے دیا ہے
اور مسئلہ حلالہ پر اگر حافظ صلاح الدین یوسف کا رویہ اگر سخت ہو بھی گیا ہے تو کیا ان کی یہ سختی اپنی ذات کے لیے تھی یا حق کے لیے تھی اور حق بیان کرنے میں ہو سکتا ہے حافظ صاحب کے سامنے جو صورت حال ہو اس میں انہیں یہی مناسب لگا ہو کہ حافظ صاحب عمومی طور پر اتنے متشدد نہیں ہیں

پھر بھی سختی کا جواب الزام سے یہ تو کسی بھی طور مناسب نہیں

​

 

[سرفراز فیضی]

اللہ کے رسول صلی اللہ علیہ وسلم نے لعنت بھیجی ہے حلالہ کرنے کرانے والوں پر اورحضرت عمر نے رجم کرنے کا حکم سنایا ہے ۔ اب جو اس عمل پر کو قرآن وسنت سے ثابت کرنے کی کوشش کرے اس سے کتنی نرمی سے پیش آیا جاسکتا ہے ۔ باقی اخلاقیات اپنی جگہ ہے ۔ یہ اخلاقیات دکھانے کی جگہ نہیں ہے۔ ایک سنگین مسئلہ ہے جس سے امت کی بیٹیوں کی عصمت جڑی ہے۔ تو اس کے لیے یہ ’’اخلاقیات‘‘ جس کو حافظ صاحب نے برتا ہے بالکل جائز ہے۔ بلکہ اور سخت لہجہ کی ضرورت ہے اس منکر کو ختم کرنے کے لیے