انبیاء کا جو سردار ہے۔ ابوالبیان رفعت سلفی ممبئی

[ابوالبیان رفعت]

نعت رسول صلی اللہ علیہ وسلم
وہ نبی رحمت دو جہاں انبیاء کاجو سردار
ہے وہی ہادی انس وجاں انبیاء کا جو سردار ہے

دوست و دشمن کا غمخوار تھا خلق حسنہ کی تلوار تھا
دو جہاں کا بھی سردار ہے انبیاء کا جو سردار ہے

اس کا دشمن جو تیار تھا ہاتھ میں جس کے ہتھیار تھا
اس پہ رحمت کی بوچھار ہے انبیاء کا جو سردار ہے

جس نے عالم کو روشن کیا ایسا نور ہدی ہے دیا
روشنی کا وہ مینار ہے انبیاء کا جو سردار ہے

ظلمتوں سے نکالا ہمیں سیدھا رستہ دکھایا ہمیں
حوض کوثر کا حقدار ہے انبیاء کا جوسردار ہے

کتنا سیدھا رحمدل تھا وہ سارے انساں پہ تھا مہربان
بیکسوں کا مددگار ہے انبیاء کا جو سردار ہے

وہ بھی دانا تھا وہ بھی حکیم وہ بھی عالم تھا وہ بھی طبیب
علم کا بحر ذخار ہے۔ انبیاء۔ کا۔ جو سردار۔ ہے

رب عالم کا پیارا تھا وہ اور عقبی کا شیدا بھی تھا
حب دنیا سے بیزار ہے۔ انبیاء کا جو سردار ہے

تم اے رفعت اب اتنا سنو اس کی سنت پہ چلتے رہو
اس کا ہر قول شہکار ہے۔ انبیاء کا جو سردار ہے