کنعان
فعال رکن
- شمولیت
- جون 29، 2011
- پیغامات
- 3,564
- ری ایکشن اسکور
- 4,423
- پوائنٹ
- 521
جماعت اسلامی کے رہنماؤں کو سزا ناقابل برداشت ہے، امام کعبہ
[SUP] دی نیوز ٹرائب :Areeb Hasni Mar 15th, 2013[/SUP]
مکہ: امام کعبہ شیخ عبدالرحمن السد یس نے کہا ہے کہ بنگلا دیش میں جماعت اسلامی کے رہنماؤں کو سزا ناقابل برداشت ہے، دنیا بھر کے مسلمان اس کے خلاف آواز بلند کریں۔
مکہ مکرمہ سے جاری اپنے ایک بیان میں امام کعبہ نے بنگلا دیشی حکومت کے اقدام کی مذمت کرتے ہوئے کہا کہ علامہ دلاور حسین سعیدی مسلمانوں کے محبوب اورمقبول رہنما ہیں‘ میں ان کو ذاتی طور پر جانتا ہوں۔
امام کعبہ نے کہا کہ جماعت اسلامی بنگلا دیش کے نائب امیر علامہ دلاور سعیدی کے خلاف جو ظلم، جبر اور ناانصافی ہو رہی ہے وہ نا قابل برداشت ہے۔
امام کعبہ کے بقول علامہ دلاور سعیدی صرف بنگلہ دیش ہی نہیں بلکہ پوری امت مسلمہ کے عالم دین اورمفسر قرآن ہیں۔
انہوں نے دنیا بھر کے مسلمانوں سے اپیل کی کہ وہ علامہ دلاور سعیدی کے حق میں آواز بلند کریں، بنگلہ دیشی ٹریبونل اپنے فیصلوں پر نظر ثانی کرے ۔