ابن عدی کے قول کی وضاحت

[قاضی786]

السلام علیکم

امید ہے سب لوگ خیریت سے ہوں گے

ابن عدی نے کامل فی ضعفا میں فرمایا

ولا يبقى من الرواة الذين لم أذكر هم إلا من هو ثقة أو صدوق وان كان ينسب إلى هوى وهو فيه متاول، وأرجو أني أشبع كتابي هذا وأشفي الناظر فيه، ومضمن ما لم يذكره أحد ممن صنف في هذا المعنى شيئا

جہاں تک مجھے سمجھ لگا ہے تو اس کا مطلب یہ ہے کہ جن کا ذکر نہیں کیا گیا، وہ یا تو ابن عدی کی مطابق ثقہ ہیں یا پھر صدوق

کیا کوئی برادر اس بات کی مکمل وضاحت کر سکتا ہے؟

کہ ابن عدی کا منھاج کیا ہے؟

 

[خضر حیات]

وعلیکم السلام ورحمۃ اللہ وبرکاتہ !
الکامل لابن عدی جرح و تعدیل کی بنیادی کتب میں سےشمار کی جاتی ہے ۔ ویسے بھی چونکہ ابن عدی کا شمار آئمہ معتدلین میں سے ہوتا ہے اس لیے ان کی اس کاوش کی بہت اہمیت ہے ۔
ابن عدی کا منہج مختصر ترین الفاظ میں درج ذیل ہے :
1۔ ابن عدی نے کوشش کی ہے کہ تمام ضعفاء رواۃ کا احاطہ کیا جائے حتی کہ بعض ایسے رواۃ کو بھی ذکرکیا ہے جن پر کسی طرح سےجرح موجود تھی چاہے حقیقت میں وہ ضعیف نہ ہی ہوں ۔
2۔ جن رواۃ کی توثیق و تضعیف میں علماء کا اختلاف ہے ان کو بھی ذکر کیاہے اور آخر میں اس میں راجح قول بیان کیا ہے ۔
3۔ ابن عدی نے صرف اقوال ائمہ پر اعتماد کرنے کی بجائے راوی کی روایات کا تتبع و استقصاء کرنے کی کوشش کی ہے اور واضح کیا ہے کہ کسی راوی کے روایات میں ضعف کہاں اور کس نوعیت کا ہے ۔ روایات کا تتبع و استقصاء کرنا در حقیقت یہ کتاب الکامل کی خصوصیت ہے جو دیگر کتابوں میں کم ہی پائی جاتی ہے ۔
جس حوالے سے آپ نے استفسار کیا تو
ابن عدی کا یہ دعوی موجود ہے کہ انہوں نے اس کتاب میں ضعفاء کا استقصاء کیا ہے ۔ لیکن یہ بات درست نہیں ۔
دوسری طرف الکامل کے اندر بعض ایسے رواۃ بھی ہیں مثلا ثابت البنانی ، عبد اللہ بن وہب ، ابو الزناد وغیرہ جو ثقات ہیں ۔ البتہ اس کا جواب دیا جاسکتا ہے کہ اس طرح کے تراجم انہوں نے دفاع کرنے کی غرض سے ذکر کیے ہیں ۔

ابن عدی کے منہج کی وضاحت کے لیے کئی رسالے لکھے گئے جن میں چند مشہور درج ذیل ہیں :
ابن عدي ومنهجه في كتاب الكامل في ضعفاء الرجال
http://www.waqfeya.com/book.php?bid=1209

الحافظ ابن عدي و كتابه الكامل محمد بن سرار
الناقد ابن عدي الجرجاني ومنهجه في نقد الرجال من خلال كتابه الكامل ۔ عبد الكريم خلفي

 

[قاضی786]

بھائی بہت بہت شکریہ

کچھ چیزوں کی وضاحت کر دیں

ایک تو جو لفظ ہیں

"تتبع و استقصاء"

ان کے معانی کیا ہیں؟ میں ان کو سمجھ نہیں سکا، اگر آپ اس قول کی ہی وضاحت کر دی تو مہربانی ہو گی

"راوی کی روایات کا تتبع و استقصاء کرنے کی کوشش کی ہے"

دوسرا، ابن عدی کے اس قول کو بھی واضح کر دیں

"ولا يبقى من الرواة الذين لم أذكر هم إلا من هو ثقة أو صدوق"

 

[رضا میاں]

امام ابن عدی کے اس قول سے یہ تو نہیں کہا جا سکتا کہ جتنے بھی رواۃ کا ذکر انہوں نے الکامل میں نہیں کیا تو وہ ان کے نزدیک ثقہ ہیں، لیکن یہ بات ان کے شیوخ کے بارے میں ضرور کہی جا سکتی ہے کیونکہ آپ ان کے حالات سے دوسروں سے زیادہ واقف تھے اور ان کے بارے میں یہ نہیں کہا جا سکتا کہ ابن عدی کو ان کا علم نہیں تھا کیونکہ وہ تو ان کے شیوخ تھے، لہٰذا ان کا اپنے کسی شیخ کا اس کتاب میں ذکر نہ کرنا ان کی طرف سے ضمنی توثیق تسلیم کی جائے گی۔
دیکھیں http://www.ahlalhdeeth.com/vb/showpost.php?p=1030692&postcount=3096

 

[خضر حیات]

اس پورے قول کا ترجمہ ملاحظہ فرمالیں :
ولا يبقى من الرواة الذين لم أذكر هم إلا من هو ثقة أو صدوق وان كان ينسب إلى هوى وهو فيه متاول، وأرجو أني أشبع كتابي هذا وأشفي الناظر فيه، ومضمن ما لم يذكره أحد ممن صنف في هذا المعنى شيئا
’’باقی اس کتاب میں وہی رواۃ ذکر نہیں کیے گئے جو ثقہ یا صدوق درجہ کے ہیں اگرچہ ان میں سے بعض کسی گمراہی میں مبتلاء تھے لیکن چونکہ وہ اس کی تاویل کرتے تھے ( اس لیے اس گمراہی کی وجہ سے ان کو ضعفاء میں شمار نہیں کیا گیا ) میں سمجھتا ہوں کہ میں نے اس کتاب میں سیر حاصل اور تسلی بخش گفتگو کی ہے اور ایسا مواد اکٹھا کردیا ہے جو دیگر اس موضوع پر لکھنے والوں کے ہاں نہیں ملے گا ۔‘‘

ایک تو جو لفظ ہیں

"تتبع و استقصاء"

ان کے معانی کیا ہیں؟ میں ان کو سمجھ نہیں سکا، اگر آپ اس قول کی ہی وضاحت کر دی تو مہربانی ہو گی

"راوی کی روایات کا تتبع و استقصاء کرنے کی کوشش کی ہے"

’’ تتبع ‘‘ کا معنی ہوتا ہے ’’ محنت کے ساتھ کسی چیز کو تلاش کرنا‘‘ ، ’’ استقصاء ‘‘ کا مطلب ہے ’’ احاطہ کرنا ‘‘ ۔
راوی کی روایات کے تتبع و استقصاء کا مطلب ہوگا کہ اس تمام روایات کو مختلف جگہوں سے تلاش کرکے ایک جگہ جمع کردینا ۔