اردو ادب

[احسان الٰہی ظہیر]

السلام علیکم ورحمۃ اللہ وبرکاتہ !
معزز اراکین مجھے اردو ادب سے دلچسپی ہے اس لئے میں نے ارادہ کیا ہے کہ فورم پر کوئی نہ کوئی شعر یا کوئی ادب پارہ آپ لوگوں کی نذر کیا کروں تو ابتداء کئے دیتا ہوں
اے رہ نورد شوق ذرا تھام کے چراغ
اس تیرگی میں لغزش پا بھی ہے خود کشی

 

[رانا ابوبکر]

لیجیے جی ہم بھی کچھ کہنا چاہتے۔۔۔۔۔۔۔۔۔۔۔۔

خودی میں ڈوب جا غافل یہ سرِّ زندگانی ہے
تو حلقہ شام وسحر سے نکل کر جا وداں ہوجا​

 

[ابوالحسن علوی]

ماشاء اللہ!
ایک شعر میں کافی بلاغت نظر آئی۔ شیئر کرنا چاہوں گا:
توبہ میری جام شکن ، جام میرا توبہ شکن
سامنے ڈھیر لگا ہے میرے پیمانوں کا
اس شعر میں لفظ’پیمانوں‘ اہم ہے کیونکہ شراب کے جام کے لیے بھی یہ لفظ استعمال ہوتا ہے اور توبہ میں عہد کے لیے عہد وپیمان کا لفظ استعمال ہوتا ہے۔

 

[shining star]

لیجیے جی ہم بھی کچھ کہنا چاہتے۔۔۔۔۔۔۔۔۔۔۔۔

خودی میں ڈوب جا غافل یہ سرِّ زندگانی ہے
تو حلقہ شام وصحر سے نکل کر جا وداں ہوجا​

السلام عليكم ورحمة الله وبركاته !

ابو بكر بهائي آپ كا شعر بہت پسند آيا ، بس ايک لفظ كي تصحيح فرما لیں "صحر" كي جكه " سحر" هے

جزاكم الله خيرا

 

[shining star]

ماشاء اللہ!
ایک شعر میں کافی بلاغت نظر آئی۔ شیئر کرنا چاہوں گا:
توبہ میری جام شکن ، جام میرا توبہ شکن
سامنے ڈھیر لگا ہے میرے پیمانوں کا
اس شعر میں لفظ’پیمانوں‘ اہم ہے کیونکہ شراب کے جام کے لیے بھی یہ لفظ استعمال ہوتا ہے اور توبہ میں عہد کے لیے عہد وپیمان کا لفظ استعمال ہوتا ہے۔

بہت خوب !!!!!!!!!!!!!!!!!!!!

 

[عمران اسلم]

اردو ادب کی محفل سجی ہے تو ہم بھی کچھ عرض کئے دیتے ہیں:

کتنے بے درد ہیں صَرصَر کو صبا کہتے ہیں
کیسے ظالم ہیں کہ ظلمت کو ضیا کہتے ہیں

جبر کو میرے گناہوں کی سزا کہتے ہیں
میری مجبوری کو تسلیم و رضا کہتے ہیں

غم نہیں گر لبِ اظہار پر پابندی ہے
خامشی کو بھی تو اِک طرزِ نوا کہتے ہیں

کُشتگانِ ستم و جور کو بھی دیکھ تو لیں
اہلِ دانش جو جفاؤں کو وفا کہتے ہیں

کل بھی حق بات جو کہنی تھی سرِ دار کہی
آج بھی پیشِ بتاں نامِ خدا کہتے ہیں

یہ مسیحائی بھی کیا خوب مسیحائی ہے
چارہ گر موت کو تکمیلِ شِفا کہتے ہیں

بزمِ زنداں میں ہوا شورِ سلاسل برپا
دہر والے اسے پائل کی صدا کہتے ہیں

آندھیاں میرے نشیمن کو اڑانے اٹھیں
میرے گھر آئے گا طوفانِ بلا کہتے ہیں

اُن کے ہاتھوں پہ اگر خون کے چھینٹے دیکھیں
مصلحت کیش اسے رنگِ حنا کہتے ہیں

میری فریاد کو اِس عہد ہوس میں ناصر
ایک مجذوب کی بے وقت صدا کہتے ہیں

نواب زادہ نصراللہ خاں ناصر

 

[shining star]

اردو ادب کی محفل سجی ہے تو ہم بھی کچھ عرض کئے دیتے ہیں:

کتنے بے درد ہیں صَرصَر کو صبا کہتے ہیں
کیسے ظالم ہیں کہ ظلمت کو ضیا کہتے ہیں

جبر کو میرے گناہوں کی سزا کہتے ہیں
میری مجبوری کو تسلیم و رضا کہتے ہیں

غم نہیں گر لبِ اظہار پر پابندی ہے
خامشی کو بھی تو اِک طرزِ نوا کہتے ہیں

کُشتگانِ ستم و جور کو بھی دیکھ تو لیں
اہلِ دانش جو جفاؤں کو وفا کہتے ہیں

کل بھی حق بات جو کہنی تھی سرِ دار کہی
آج بھی پیشِ بتاں نامِ خدا کہتے ہیں

یہ مسیحائی بھی کیا خوب مسیحائی ہے
چارہ گر موت کو تکمیلِ شِفا کہتے ہیں

بزمِ زنداں میں ہوا شورِ سلاسل برپا
دہر والے اسے پائل کی صدا کہتے ہیں

آندھیاں میرے نشیمن کو اڑانے اٹھیں
میرے گھر آئے گا طوفانِ بلا کہتے ہیں

اُن کے ہاتھوں پہ اگر خون کے چھینٹے دیکھیں
مصلحت کیش اسے رنگِ حنا کہتے ہیں

میری فریاد کو اِس عہد ہوس میں ناصر
ایک مجذوب کی بے وقت صدا کہتے ہیں

نواب زادہ نصراللہ خاں ناصر

السلام عليكم ورحمة الله وبركاته !
عمران بهائي آپ نے تو آج کي مجلس لوٹ لي
"ايسی چنگاری بھی یا رب میری خاکستر میں تھی "

 

[shining star]

السلام عليكم ورحمة الله وبركاته !

فرد قائم ربط ملت سے هے تنہا کچھ نهيں
موج هے دريا ميں اور بيرون دريا كچھ نهين

 

[انس]

شکوۂ ظلمتِ شب سے تو کہیں بہتر تھا
اپنے حصّے کی کوئی شمع جلاتے جاتے
​

 

[ابوالحسن علوی]

اردو ادب میں غالب کی بلاغت کمال درجہ کی ہے۔ میرتقی میر کے بعد غالب جیسا شاعر ہمیں کہیں نظر نہیں آتا۔ ایک شعر ملاحظہ فرمائیں:
اگ رہا ہے درودیوار پہ سبزہ غالب
ہم بیابان میں ہیں اور گھر میں بہار آئی ہے
یعنی گھر کی درودیوار پر سبزہ اسی وقت اگتا ہے جب گھر ویران ہو۔غالب نے اپنے گھر کی ویرانی کو بہار سے تشبیہ دی ہے کیا کمال بلاغت ہے۔