اسرائیلوں کا صہیونی حکام کے خلاف مظاہرہ

[اعتصام]

اسرائیلوں کا صہیونی حکام کے خلاف مظاہرہ

سیکڑوں اسرائیلیوں نے مقبوضہ فلسطین میں مظاہرہ کر کے صہیونی ریاست کی ایران مخالف فوجی کارروائي کی دھمکیوں کی مذمت کی ہے۔

اسرائیلوں کا صہیونی حکام کے خلاف مظاہرہ

ابنا: الرسالہ نیٹ ویب سائٹ کی رپورٹ کے مطابق سیکڑوں اسرائیلیوں نے جلوس نکال کر صہیونی وزیر اعظم بنیامین نیتن یاہو اور وزیر جنگ ایہود باراک کے خلاف نعرے لگاۓ۔

مظاہرین نے نیتن یاہو ، ایہود باراک کی جنگ پسندانہ پالیسیوں اور ایران پر حملے کی دھمکیوں کی مذمت کرتے ہوۓ اسرائیلی کابینہ کی سرنگونی کا مطالبہ کیا۔

یہ ایسی حالت میں ہے کہ جب دو ہزار سے زیادہ صہیونیوں نے فیس بک کے ذریعے اس مظاہرے میں جنگ کے مخالفین کی حیثیت سے شرکت کرنے کا اعلان کیا تھا ۔

اسرائيل کے بہت سے سیاسی اور سیکورٹی حکام نے صہیونی وزیر اعظم اور وزیر جنگ پر تنقید کی ہے ۔

ان کا کہنا ہے کہ نیتن یاہو اور ایہود باراک خاص سیاسی اور انتخاباتی مفادات حاصل کرنے کے لۓ ایران کے ساتھ جنگ کی بات کر رہے ہیں۔