محمد ارسلان
خاص رکن
- شمولیت
- مارچ 09، 2011
- پیغامات
- 17,861
- ری ایکشن اسکور
- 41,093
- پوائنٹ
- 1,155
بسم اللہ الرحمن الرحیم
السلام علیکم ورحمۃ اللہ وبرکاتہ
جو قوم اپنی روایات اور خصوصیات کو بھلا کر غیروں کی نقالی کرتی ہے وہ صفحہ ء ہستی سے حرف غلط کی طرح مٹ جاتی ہے۔بد قسمتی سے مسلمانوں نے یہی مہلک طریقہ اختیار کر لیا ،دو اڑھائی سو برس پہلے یورپ کے صنعتی انقلاب کے بطن سے جو مادی تہذیب پیدا ہوئی،اس میں مذہب سے شدید بغاوت بھی کارفرما تھی۔اس تہذیب نے اللہ تعالیٰ سے اہل یورپ کا رشتہ منقطع کر دیا ۔یہی چمکیلی بھڑکیلی تہذیب جب انگریزوں،فرانسیسیوں اور دلندیزیوں کی معرفت مشرقی ملکوں میں پہنچی تو مسلمانوں کے بالائی طبقات نے اسے گلے لگا لیا۔یہ تاریکی بڑھتی اور پھیلتی چلی گئی اور ہم اپنی مایہ ناز روایات کو یکے بعد دیگرے فراموش کرتے چلے گئے ۔آج جسد ملت کے زخموں سے جو خون ٹپک رہا ہے وہ اسی مادر پدر آزاد مغربی تہذیب کی نقالی اور اپنی معظم روایات سے دستبرداری کا نتیجہ ہے۔
اب مسلمانوں کی بقا اور فلاح کا ایک ہی طریقہ ہے کہ وہ مغربی تہذیب کی طنابیں توڑ دیں اور اسلامی تعلیمات کے دامن رحمت میں لوٹ آئیں۔عالم اسلام کے نامور عالم دین فضیلۃ الشیخ محمد بن صالح العثیمین رحمۃ اللہ علیہ نے "اسلام کے بنیادی عقائد" کے زیر عنوان یہ گرانقدر کتاب لکھ کر وہ تعلیمات و مبادیات اجاگر کر دیے ہیں جن پر عمل کر کے ہم اپنی گم شدہ عظمت دوبارہ حاصل کر سکتے ہیں۔اس کتاب کا سنجیدگی سے مطالعہ کیجیے۔یہ کتاب قرآن و سنت کی تعلیمات کا عطر ہے۔
اس کتاب کو پڑھنے کے لیے یہاں کلک کریں۔
اس کتاب کی مکمل ورڈ فائل کو خوبصورت فارمیٹنگ میں ڈاؤنلوڈ کرنے کے لیے یہاں کلک کریں۔