محمد ارسلان
خاص رکن
- شمولیت
- مارچ 09، 2011
- پیغامات
- 17,861
- ری ایکشن اسکور
- 41,093
- پوائنٹ
- 1,155
اللہ پر توکل دلی و ذہنی سکون کا باعث
لوگوں کی اللہ کی رحمت سے مایوسی کی وجہ بے توکلی ہے، اور جو بے توکل ہے اس کا مایوس ہونا لازمی ہے، کیونکہ یہ دنیا ہے، یہاں آسانی ہے، تو تنگی بھی ہے، سکون ہے تو بے چینی بھی ہے، مال کی فراوانی ہے تو غربت بھی ہے۔لہذا مذکورہ صورتحال میں سے اگر توکل کرنے والے اور بے توکل شخص پر تنگی، بے چینی، اور غربت کی کیفیت آ جائے تو توکل کرنے والا پُراطمینان جبکہ بے توکل شخص مضطرب ہو جاتا ہے، اس کی وجہ یہ ہے کہ سب پریشانیوں کو حل کرنے والا، مشکلات میں اپنے بندے کی مدد کرنے والا، مضطرب کی پکار سن کر اس کو سکون دینے والا ایک اللہ ہے، اب جس شخص کو اللہ پر توکل ہی نہیں رہے گا تو اُس کا مایوس ہونا تو لازمی ہے، جبکہ اللہ پر توکل کرنے والا ہر پریشانی، مصیبت، بے چینی اور ہر قسم کے ناگوار حالات میں یہ یقین رکھتا ہے کہ اِن کو دور کرنے والا میرا ایک اللہ ہے۔ اس لیے وہ سکون اور پُر اطمینان ہو جاتا ہے۔