امیر اور غریب

[کلیم حیدر]

امیر اور غریب

عجب رسم ہے چارہ گروں کی محفل میں
لگا کے زخم،نمک سے مساج کرتے ہیں

غریبِ شہر ترستا ہے اک نوالے کو
امیرِشہر کے کتے بھی راج کرتے ہیں​

 

[کلیم حیدر]

مرے بابا نہیں ہیں ناں۔۔۔!

میں تپتی دوپہر میں
شہر کی سڑکوں پہ اپنے جسم کا
ایندھن جلاتا ہُوں
تَو گھر میں چولہا جلتا ہے
مرے ہاتھوں میں چھالے پڑ گئے ہیں
پاوٴں سے چپکی ہُوئی یہ تارکولی ریت
میرے ساتھ روزانہ مرے بستر میں جاتی ھے
مجھے اپنے بدن سے
شہر کی روندی ہُوئی سڑکوں کی
میلی باس آتی ھے

مرے بابا نہیں ہیں ناں۔۔۔!