انبیاء اور صالحین اپنی اپنی قبروں میں زندہ ہیں

[lovelyalltime]

قاعدہ جلیلہ فی التوسل و الوسیلہ --- انبیاء اور صالحین اپنی اپنی قبروں میں زندہ ہیں

وكذلك الأنبياء والصالحون ، وإن كانوا أحياء في قبورهم ، وإن قدر أنهم يدعون للأحياء وإن وردت به آثار فليس لأحد أن يطلب منهم ذلك ، ولم يفعل ذلك أحد من السلف

ترجمہ : اور اسی طرح (فرشتوں کی طرح) انبیاء اور صالحین کا معاملہ ہے ہر چند کہ وہ اپنی اپنی قبروں میں زندہ ہیں اور یہ بھی مقدر کر دیا گیا ہے کہ وہ زندوں کے لئے دعائیں کریں اور اس بات کی تصدیق میں روایتیں بھی آئی ہیں مگر کسی کے لئے اس کی اجازت نہیں ہے کہ وہ ان سے کچھ طلب کرے اور سلف میں سے کسی ایک نے بھی ان سے کچھ طلب نہیں کیا -

ترجمہ میں اگر کوئی غلطی ہوئی تو @اسحاق سلفی
​

بھائی اصلاح کر دیں گے - اور یہ بھی بتائیں گے کہ یہ عقیدہ صحیح ہے یا نہیں - اور اگر یہ عقیدہ صحیح نہیں ہے تو اس مسلہ
میں
صحیح عقیدہ کیا ہے -

@محمد عثمان بھائی کی راۓ کا بھی انتظار ہے - شکریہ ​

 

[محمد عثمان]

صحیح عقیدہ اللہ کے نبی محمد کریم صلی اللہ علیہ وسلم کی زبان مبارک سے:

’’حضرت انس بن مالک رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : بندے کو (مرنے کے بعد) جب اس کی قبر میں رکھا جاتا ہے اور اس کے ساتھی (تدفین کے بعد واپس) لوٹتے ہیں تو وہ ان کے جوتوں کی آواز سن رہا ہوتا ہے تو اس وقت اس کے پاس دو فرشتے آتے ہیں اور اسے بٹھا کر کہتے ہیں تو اس شخص یعنی (سیدنا محمد مصطفیٰ صلی اللہ علیہ وآلہ وسلم ) کے متعلق (دنیا میں) کیا کہا کرتا تھا؟ اگر وہ مومن ہو تو کہتا ہے : میں گواہی دیتا ہوں کہ یہ اللہ تعالیٰ کے (کامل) بندے اور اس کے (سچے) رسول ہیں۔ اس سے کہا جائے گا : (اگر تو انہیں پہچان نہ پاتا تو تیرا جو ٹھکانہ ہوتا) جہنم میں اپنے اس ٹھکانے کی طرف دیکھ کہ اللہ تعالیٰ نے تجھے اس (معرفتِ مقامِ مصطفیٰ صلی اللہ علیہ وآلہ وسلم کے) بدلہ میں جنت میں ٹھکانہ دے دیا ہے۔ پس وہ دونوں کو دیکھے گا اور اگر منافق یا کافر ہو تو اس سے پوچھا جائے گا تو اس شخص (یعنی سیدنا محمد صلی اللہ علیہ وآلہ وسلم ) کے متعلق (دنیا میں) کیا کہا کرتا تھا؟ وہ کہتا ہے کہ مجھے تو معلوم نہیں، میں وہی کہتا تھا جو لوگ کہتے تھے۔ اس سے کہا جائے گا تو نے نہ جانا اور نہ پڑھا. اسے لوہے کے گُرز سے مارا جائے گا تو وہ (شدت تکلیف) سے چیختا چلاتا ہے جسے سوائے جنات اور انسانوں کے سب قریب والے سنتے ہیں۔‘‘

أخرجه البخاري في الصحيح، کتاب : الجنائز، باب : ما جاء في عذاب القبر، 1 / 462، الرقم : 1308، وفي کتاب : الجنائز، باب : الميت يسمع خفق النعال، 1 / 448​

 

[lovelyalltime]

صحیح عقیدہ اللہ کے نبی محمد کریم صلی اللہ علیہ وسلم کی زبان مبارک سے:

’’حضرت انس بن مالک رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : بندے کو (مرنے کے بعد) جب اس کی قبر میں رکھا جاتا ہے اور اس کے ساتھی (تدفین کے بعد واپس) لوٹتے ہیں تو وہ ان کے جوتوں کی آواز سن رہا ہوتا ہے تو اس وقت اس کے پاس دو فرشتے آتے ہیں اور اسے بٹھا کر کہتے ہیں تو اس شخص یعنی (سیدنا محمد مصطفیٰ صلی اللہ علیہ وآلہ وسلم ) کے متعلق (دنیا میں) کیا کہا کرتا تھا؟ اگر وہ مومن ہو تو کہتا ہے : میں گواہی دیتا ہوں کہ یہ اللہ تعالیٰ کے (کامل) بندے اور اس کے (سچے) رسول ہیں۔ اس سے کہا جائے گا : (اگر تو انہیں پہچان نہ پاتا تو تیرا جو ٹھکانہ ہوتا) جہنم میں اپنے اس ٹھکانے کی طرف دیکھ کہ اللہ تعالیٰ نے تجھے اس (معرفتِ مقامِ مصطفیٰ صلی اللہ علیہ وآلہ وسلم کے) بدلہ میں جنت میں ٹھکانہ دے دیا ہے۔ پس وہ دونوں کو دیکھے گا اور اگر منافق یا کافر ہو تو اس سے پوچھا جائے گا تو اس شخص (یعنی سیدنا محمد صلی اللہ علیہ وآلہ وسلم ) کے متعلق (دنیا میں) کیا کہا کرتا تھا؟ وہ کہتا ہے کہ مجھے تو معلوم نہیں، میں وہی کہتا تھا جو لوگ کہتے تھے۔ اس سے کہا جائے گا تو نے نہ جانا اور نہ پڑھا. اسے لوہے کے گُرز سے مارا جائے گا تو وہ (شدت تکلیف) سے چیختا چلاتا ہے جسے سوائے جنات اور انسانوں کے سب قریب والے سنتے ہیں۔‘‘

أخرجه البخاري في الصحيح، کتاب : الجنائز، باب : ما جاء في عذاب القبر، 1 / 462، الرقم : 1308، وفي کتاب : الجنائز، باب : الميت يسمع خفق النعال، 1 / 448​

کیا یہ عقیدہ آپ کی پیش کردہ حدیث کے مطابق ہے

​

​

قاعدہ جلیلہ فی التوسل و الوسیلہ --- انبیاء اور صالحین اپنی اپنی قبروں میں زندہ ہیں

وكذلك الأنبياء والصالحون ، وإن كانوا أحياء في قبورهم ، وإن قدر أنهم يدعون للأحياء وإن وردت به آثار فليس لأحد أن يطلب منهم ذلك ، ولم يفعل ذلك أحد من السلف

ترجمہ : اور اسی طرح (فرشتوں کی طرح) انبیاء اور صالحین کا معاملہ ہے ہر چند کہ وہ اپنی اپنی قبروں میں زندہ ہیں اور یہ بھی مقدر کر دیا گیا ہے کہ وہ زندوں کے لئے دعائیں کریں اور اس بات کی تصدیق میں روایتیں بھی آئی ہیں مگر کسی کے لئے اس کی اجازت نہیں ہے کہ وہ ان سے کچھ طلب کرے اور سلف میں سے کسی ایک نے بھی ان سے کچھ طلب نہیں کیا -

 

[محمد علی جواد]

قرآن کی سوره النحل کی آیت ہے

وَالَّذِينَ يَدْعُونَ مِنْ دُونِ اللَّهِ لَا يَخْلُقُونَ شَيْئًا وَهُمْ يُخْلَقُونَ (٢٠) أَمْوَاتٌ غَيْرُ أَحْيَاءٍ وَمَا يَشْعُرُونَ أَيَّانَ يُبْعَثُونَ (٢١) النحل
اور جن کو یہ لوگ الله کے علاوہ پکار رہے ہیں انہوں نے کچھ تخلیق نہیں کیا- وہ تو خود مخلوق ہیں مردہ بے جان ہیں اور نہیں جانتے کہ کب انھیں زندہ کرکے اٹھایا جائے گا -

اکثریت جانتی ہی کہ قرون اولیٰ اور دور حاضر میں حاجت روائی کے لئے کن کو پکارا جاتا رہا ہے - ظاہر ہے کہ یہ انبیاء و صالحین و شہداء کی شخصیات ہی ہیں جن کو مشرکین نے حاجت روائی کے لئے پکارا اور اب بھی پکارا جا رہا ہے - اور یہ کس بنا پر پکارا گیا - ظاہر ہے کہ یہ اس عقیدے کی بنیاد پر پکارا گیا کہ ہمارے یہ انبیاء و صالحین اپنی قبروں (زمینی) میں زندہ ہیں - اگر اس آیت مبارکہ میں ذرا غور کیا جائے توحق واضح ہو جاتا ہے کہ جن کو تم اپنا حاجت روا مانتے ہو وہ نہ صرف مردہ اجسام ہے بلکہ وہ تو اتنا بھی شعور نہیں رکھتے کہ وہ دوبارہ کب زندہ ہونگے -افسوس کے آج ہمارے اکثر سلفی بھائی بھی اس عقیدے کی بھینٹ جڑھتے نظر آ رہے ہیں کہ انبیاء و صالحین اپنی قبروں میں زندہ ہیں اور ان کی ارواح کا ان کے دنیاوی اجسام سے رابطہ ہے- کیا یہ شرک کی پہلی سیڑھی نہیں؟؟ - قرآن کی اپر دی گئی آیت تو اپنے مفہوم کے لحاظ سے واضح ہے - اب جو سمجھنا چاہے سمجھ لے -

الله ہم کو اپنی سیدھی راہ کی طرف گامزن رکھے اورصحیح عقیدے پر موت دے (آمین)-

 

[محمد عامر یونس]

کیا نبی صلی اللہ علیہ وسلم اپنی قبر میں زندہ ہے ؟؟؟​

شیخ ابو زید ضمیر حفظہ اللہ


لنک

​

​

 

[علی معاویہ بھائی بھائی]

بعد از وفات ہر انسان کے ایک حیات ملتی ہے ان سب میں سب سے افضل وبرتر حیات انبیاء کرام علیہم السلاۃ واسلام کو حاصل ہوتی ہے سلف صالحین میں اس حیات کے مختلف ناموں کی تعبیر ملتی ہے ۔ روحانی حیات، برزخی حیات ،اخروی حیات ، حیات بصید،اور
متاخرین میں یہ حیات اس تعبیر سے پائی جاتی ہے ۔ حسی حیات ، دنیوی حیات ، حقیقی حیات ،ناسوتی حیات وغیرہ ایک بات پر سب متفق ہیں کہ حیات حاصل ہوتی ہے منکر حیات کوئی بھی نہیں
اہل تشیع اور بریلوی حضرات اس میں غلو کی حد کراس کئے ہوئے ہیں یہ اس حیات کو حقیقی حسی دنیاوی حیات سمجھتے ہیں اور )نعوذباللہ( قبروں میں شب باشی تک کے قائل ہیں
بندہ ناچیز کا اس مسئلہ میں یہ تجزیہ ہے کہ عوام الناس کو اس مسئلہ میں نہ الجھایا جائے ۔ عوام کے لئے صرف اتنا نظریہ وعقیدہ رکھنا ضروری ہے کہ بعد از وفات انبیاء کرام علیہم الصلاۃ و سلام کو سب سے اعلیٰ حیات حاصل ہے اس کے بعد شھداء کرام کو اور اس کے بعد صالحین کو حیات حاصل ہے جو اس دنیا کی حیات سے الگ ہے ۔ اس کی کیفیات میں الجھنا نہیں چاہئیے یہی سلامتی کی راہ ہے
بعد از وفات انبیاء کرام علیہم الصلاۃ والسلام یا صالحین سے مانگنا یہ شرک سے خالی نہیں ہے
کوئی " میت " خواہ نبی ولی ہی کی کیوں نہ ہو اسکا " عادۃ " سننا ثابت نہیں ہے ۔
شیخ الاسلام کی اس عبارت کی بعض جزیات سے اختلاف کیا جاسکتا ہے آخر وہ بھی انسان تھے
بندہ کی سمجھ میں جو آیا لکھ دیا ہے