انسان کی برائی و بھلائی - خود اسی کے گلے

[ساجد]

انسان کی برائی و بھلائی - خود اسی کے گلے

﴿وَكُلَّ إِنسَانٍ أَلْزَمْنَاهُ طَآئِرَهُ فِي عُنُقِهِ﴾
ہم نے ہر انسان کی برائی بھلائی کو اس کے گلے لگا دیا ہے۔
( الإسراء:17 - آيت:13 )

طَآئِرَ کے معنی پرندے کے ہیں اور عُنُقِهِ کے معنی گردن کے۔
امام ابن کثیر رحمۃ اللہ علیہ نے طَآئِرَ سے مراد "انسان کے عمل" لیے ہیں۔
فِي عُنُقِهِ کا مطلب ہے، اس کے اچھے یا برے عمل، جس پر اس کو اچھی یا بری جزا دی جائے گی ، گلے کے ہار کی طرح اس کے ساتھ ہوں گے۔ یعنی اس کا ہر عمل لکھا جا رہا ہے، اللہ کے ہاں اس کا پورا ریکارڈ محفوظ ہوگا۔ قیامت والے دن اس کے مطابق اس کا فیصلہ کیا جائے گا۔

 

[ساجد]

اور امام شوکانی رحمۃ اللہ علیہ نے طَآئِرَ سے مراد "انسان کی قسمت" لی ہے، جو اللہ تعالیٰ نے اپنے علم کے مطابق پہلے سے لکھ دی ہے، جسے سعادت مند اور اللہ کا مطیع ہونا تھا وہ اللہ کو معلوم تھا اور جسے نافرمان ہونا تھا ، وہ بھی اس کے علم میں تھا ، یہی قسمت ( سعادت مندی یا بد بختی) ہر انسان کے ساتھ گلے کے ہار کی طرح چمٹی ہوئی ہے۔ اسی کے مطابق اس کے عمل ہوں گے اور قیامت والے دن اسی کے مطابق فیصلے ہوں گے۔

 

[ابو بصیر]

اللہ تعالی کو پہلے سے پتہ ہے کہ کس انسان نے کیسے کیسے کام کرنے ہیں؟؟؟ اسی کا نام تقدیر ہے